IIMU/UUNGW 48:17 - Biblía Axweesantá Hhohho' ar Mungú 2004

¹⁷ Yosefu ngiwa ár, adór baabuúwós dakós oo /iyáy ngura qaás gawaá ságw Efraimu, Yosefu adoodá' gaa slaiiká. Dákw /iyáy oo baabuúwós guri hingeés guri qaás gawaá ságw Manase.

IIMU/UUNGW 48:17 Iomraidhean Croise

IIMU/UUNGW 28:8

Esau gari tsaáhh adór baabuúwós kur sla'atimisiiká nee /ameenár Kana'ani.

IIMU/UUNGW 38:10

Adoodá' Onani aa tleéhh, AAKOÓ MUNGÚ guri buhhtís. Tam inós sleeme kway gaás nee AAKOÓ MUNGÚ.

IIMU/UUNGW 48:14

Israeli dakós oo /iyáy guna qaás gawaá Efraimu, kudá' niiná, nee dakós oo basáy gawaá Manase. Dabaawós giri taambekeés asma ga xuu' adór Manase tar baris.

IIMU/UUNGW 48:18

Yosefu iri oó', «Aasla'áy baabá, kwí an baris, dakók oo /iyáy na gawaá sagós i qaaseek.»

1 WAAWITÁ 16:25

Omri tlehhma'aá tlakw gina tleéhh dír geeraá AAKOÓ MUNGUHE, tlehhma'aá tlakw gina tleéhh waawituú hatlá' sleémeero kudá' aa giirin ba/a.

1 QOM'I 21:7

Ala Mungú adoorí taa tleéhh gwaa sla'atiská, gawaá adoorihe múk Israeli gway muúx.

AXWEESANOÓ SAGALOOA 24:18

Asma AAKOÓ MUNGÚ kudá' adoosíng ga ga/áw gaasíng gu sla'atiská wakusmoowók kudá' guri máy i buhhtaawo.

FAARO 11:1

Muu qununu/aay guna iimu/ún dír AAKOÓ MUNGÚ as daanduú slahh'amuudá' naa slayé'. AAKOÓ MUNGÚ adoorí ngiwa axaás, iri ló'wa buúhh, muu guri ásltí kwaáhh. Asltí iri ót tla/angw'ín wa ale, bihhaá wák awa xafaay giri /ák.

FAARO 22:34

Bala'amu malaykamoó AAKOÓ MUNGÚ guri báy, «Tlakweema iga tleéhh, asma aga xuiiká adór kuúng tara sihhít baraá loohi as aníng iwa ila/. Adoorí bar kuúng a sla'aká, hamí mawa kumiít aaiwo, a kií/ amór do'.»

Rumi 9:11

Gawaá adoorihe qoomár daaqaywí kuwa laqwaliiká, qoomár gár hhoo' laqaá gár tlaakw ar taa tleéhh iwa kahh, asma adoodá' Mungú aa slaá', nee adoodá' aa tsawaár tawa adoodá' warqawaaká, asma tsawdór Mungú gár i eeharahat a tlehhma'aá mukooká, ala a ateetamór Mungú.

YOSHUA 17:1

Aluuwo tsawdo kari malé tleéhh ar yaamaá ta ka'aasi dír tlahhoó Manase, asma inós a barisuú Yosefu. Aáng Makiri, garmoó baris oo Manase baabuú Gileadi, kwaa qaroó yaamaá Gileadírí haniís, nee Bashaniro, asma inós a heé slaqwara ga baál.

1 SAMUELI 16:7

Ala AAKOÓ MUNGÚ Samueli guri báy, «Gitsee/awós laqaá tlenaangós mi i qaytaar, asma aníng ugwa sií'. AAKOÓ MUNGÚ adór ir xumiisi a adór mukoká, asma muu gár i ga/ay a gitsee/a, ala AAKOÓ MUNGÚ gár i ga/ay a muuná.»