IIMU/UUNGW 48:15 - Biblía Axweesantá Hhohho' ar Mungú 2004

¹⁵ Yosefu guri tsuúq, guri báy, «Munguú duú baabi'iieé' Abrahamu nee Isaka naa eehariyé', Munguúdá' aníng iga geeraharahaar slafingw'eé' sleémeero ay laarí,

IIMU/UUNGW 48:15 Iomraidhean Croise

IIMU/UUNGW 17:1

Abramu qoomár kureeriiwós tawa mibeeri gwaleél nee gwaleél AAKOÓ MUNGÚ guna harati'iít, guri báy, «Aníng a Munguú Aleesleemusmo. Dir'eé' wa hootang, masók tu xaslxaansli wásl.

IIMU/UUNGW 24:20

Naagáy iri muutlít, ma'aá baraá sirwirós giri és baraá miringamo dír angamía, iri ta'aaiín baraá hhalaangw as ma'aá hatlá' ngiwa iihhek, angamíarós sleémeero gari wahás.

IIMU/UUNGW 24:40

Ala inós iri oó', «AAKOÓ MUNGUÚDÁ' aní geeraharahaár baraá slafingw'eene, malaykamoowós ngu ya/aaw as nee kuúng tiwa koonda' nee uwa alee/iisi baraá aaiiwoge, kuúng garmaaeé' ngu harér i sleér baraá múk tlahhay'eé' wa alé, nee baraá guruú doó baabuúeé'.

IIMU/UUNGW 27:27

Naagáy Yakobo iri suruúk dír baabuúwós, guri ma'aás. Baabuúwós xarángw tlabaawós nguwa sláy, guri tsuúq, i kaahi, «Ga/aaweek, xarángw tsuú' oo garmaaeé' a adór xarángw qaymór taa tsuúq nee AAKOÓ MUNGÚ.

IIMU/UUNGW 27:4

Daqaní muruú /aymár tsuú' ngu tléhh, kudá' ni sla'aa'aam, ngu húp as niwa /ayiim nee kuúng uwa tsuuq dír nira gwaaiiká.»

IIMU/UUNGW 28:20

Yakobo al'axweesani gari qaás i kaahi, «Mungú ala kuúng bar dinkwa nee aníng, nee bir de'eén baraá aaiieene, muruú /ayma nee tsitaywo bur ngu hanmís,

IIMU/UUNGW 28:22

daqaní kuúng AAKOÓ MUNGÚ, an Munguúeé'. Tlaa/anoowí naa diirí sihhtís adór uhmo, a do'ók. Baraá tidá' sleémeero kuúng niqo hanisa, aníng ar wák baraá bohhaá mibaango ngi dirógí haniís.»

IIMU/UUNGW 28:3

Munguú Aleesleemusmo u tsuuqi as xwaylár yaariir kawa sleer nee iwa doogiin, as tawa múk yaariír tleehhit.

IIMU/UUNGW 35:3

A tlawaán a tsa/amán amór Beteli, aníng Mungú nguri kitángw ilahhooár tleéhh, inósuudá' aníng iga axaas, qoomár slahh'amaayer'eene, nee tari dinkwa nee aníng baraá loohi sleémeero ar naa oohi.»

IIMU/UUNGW 48:16

nee malaykamoodá' iga ba/amis nee tlakweema sleémeero, masoombarí ngi tsuuqi! Umuueé' ku aain baraaine, nee umér baabi'iieé' Abrahamu nee Isaka. Inooín ni xoorór ur tleehhitiye' baraá yaamuwo.»

IIMU/UUNGW 49:22

Yosefu a adór xa'anoó laqwaliím, xa'anoó laqwaliím afaá kutltá wa alé, haleemiiwós koo/i ngin alsihhiitiyá'.

IIMU/UUNGW 49:24

Tam adoorihe, ga/aleerós ka amohhoo', nee dabaawós sleeme i /uuruú slaslayá', ar aleesleemuú Munguú duú /uuruú koóm oo Yakobo, ar aleesleemuú umuú De'eemusmo, inós an Tlaa/ár Israeli.

IIMU/UUNGW 49:28

Kuká' an tlahh'aá mibaá nee tsár awa múk Israeli, nee gaarí an /aymi'iidá' baabuúín aa káh qoomár ngiwa tsuúq. Umuú heewo ar adoodá' inós wa hariim.

IIMU/UUNGW 6:9

Kuká' an xwaylár Noa. Noa a heé gan'amkú koóm. Inós a heé hhoó' ta múk hatlá' oo qoomaarose. Noa nee Mungú tana aldinku'uumaamiís.

1 WAAWITÁ 3:6

Solomon iri oó', «Kuúng sla'aarirók ar warqawaaká ana tléhh dír sagadiyusmoowók Daudi, baabuúeé', asma inós ina hoót dirók wa ale ar inkihhimu nee ar hotaá ganaa'á' nee ar daanqamis, kuúng una hootís ar sla'aarirók ar warqawaaká, hám daxta garmaawós kuri iwiitís gawaá kitaangós kuduú waawuti'iima.

1 QOM'I 5:1

Mukwí an xwaylár Reubeni, garmoó baris oo Israeli (ala inós giisa guna dakuús, iringeé gari tleéhh, as iwa qaát gawaá qatantá baabuúwós nee /ameenír baabuúwós) hariímadá' inós tawa barismo kana haniís dír Yosefu garmoó Israeli. Gawaá adoorihe, tlahhaywós kwa harafariiká baraá tlahhay'ine, tawa oo garmoó baris.

WARA'AMI 16:8

AAKOÓ MUNGÚ i geeraaeé' umuú qoomaaro. Aníng ti baloó dingitisiiká, asma inós iwa dakw'eé' oo doó /iyáy i dirii'i.

WARA'AMI 23:1

AAKOÓ MUNGÚ inós an de'eemusmooeé', gár aníng iwa /aaruw i káhh.

WARA'AMI 37:3

AAKOÓ MUNGÚ haratlintieek, muruú hhó' tlehhiteek, daqaní a hót ar saxareema baraá yaamuwo.

TI'INAANGW 3:16

Tláw, bariisér Israeli dinkwár i burumbureek, ki beer: AAKOÓ Mungú, Munguú baabi'iihúng, Munguú Abrahamu, nee Munguú Isaka, nee Munguú Yakobo, aníng ina harati'iít iri báy, ‹Inooín ádbaweek adór ngira i hardáh nee slahh'amuudá' taa sláy baraá yaamaá Misriro ugwa ár.›

TI'INAANGW 4:5

AAKOÓ MUNGÚ Mose guri báy, «Daqaní inooín i haratlintii'iyá' adór AAKOÓ MUNGÚ, Munguú baabi'ii'ín tira dirógí laqán, Munguú Abrahamu, Munguú Isaka nee Munguú Yakobo.»

DAHARUSMO 5:12

Heé bu'utuú tlaatla/ángw wák gu'uteerós i tsú', guruuwós tim hatsiiká laqaá tim haáts. Ala daqaarmo tim aaxi gu'ute a ma/iís asma ku daawitimiis nee daqaari'iima.

DAHARUSMO 5:18

Naagáy tí an tidá' aníng naa tsaáhh, gár wák ar slahhaa' ar hho' dír heewo a /ayma, nee wahaangw, nee gadiyeérós tidá' aa tleéhh ar hame ngiwa duúx ngiwa saqwalaala/i baraakaá yaamuwo, harqoomaarír deelorí niina ar Mungú aa haniís dirós i aleeró. Asma gaarí an qeemuú Mungú ngway haniís.

DAHARUSMO 6:7

Hee in gadiyuus as muruú /ayma nguwa slay, ala hee ilatleeriro i baloó hhe'eesiiká.

ISAYA 30:21

Baraá loohiro bar papaaslá' bartá doó basáy laqaá ar doó /iyáy, afo aqo axasá' amór aluuhúng ar kah, «Loohi a tí, loohirí nar oohaak.»

ISAYA 33:16

Heé adoorí hotaawós i gawaá gawa, dirós tidá' amohhoo' kaa harweér ar koo/ír gawit ar tla/u, muruú /aymaarós kun hanmiis umuú daqto, nee ma'aá wahaangw gi baloó dakuusiiká.

YEREMIA 8:2

Fadu kiri intlah dír tsee/amá nee slahhaangw nee tsatse/uú gawaá doori, dír muruudá' aáng inooín naa slaiyé' nee naa sagadiyusiyé', nee kudá' naa eehariyé' nee ngina hara'ayaárí lehhiitiyé', nee ngiri sluufmisiyé'. Faduuká' ki burumburiiká laqaá ki fooliiká', aqo nin meetiyá' gawaá daanduú yaamu adór tsuunkáy.

Luka 1:6

Inooín tsaraawo a múk hota ganaá' dír geeraá Munguhe, hara'ayár Aako sleémeero kana óh, nee axweesantós adoodá' ir hariin.

1 Korinto 10:31

Barnaxes kuungá' a /ayiindá', laqaá bar wahaandá', laqaá umuúqo gaaro ar ta tlehha'a, sleémeero tlehhiitaak as xirfuú Mungú.

2 korinto 1:12

Gaarí an gár atén tir xirfayeemisaan, muneerén atén ti lamabu'uún adór atén tara hootaán baraá yaamuwo, ak alé dirhunge. Atén ana hootaán ar hhohhoaari nee ar muunuú /awaák. Muruuwí amór i dahhi a amór Mungú, asma atén aga hootaniiká ar sagalooár heeuuma, ala ana hootaán ar tsuuqaá Mungú.

DABE 33:1

Gaarí an tsuuqaadá' Mose, heé Mungú, múk Israeli ngira tsuúq dír ira gwaaiiká.

Kolosai 2:6

Kuungá' Kristo una ilaoté' tawa Aako. Nee ala daxta hooté' baraá slafingwhunge, tawa aldinku'uumisa' nee inós.

1 Tesalonike 2:12

Nuna gurkwa/amisaán nee nuri naanaaqaán, nuri harhhehhe'eemisaán as tawa hota' ar slafíngw hariím dír Munguhe, kudá' kuungá' naa ateet tawa data' baraá waawuti'iimaarós tidá' xirfuú koom.

Ebrania 11:21

Yakobo i haratlintaaór kón. Qoomár inós gwa'ara ngiwa áy, na/aá Yosefu giri tsuúq tsaraawo, ságw hhartós guri i tlintií', iri Munguú sluufmiís.