IIMU/UUNGW 48:14 - Biblía Axweesantá Hhohho' ar Mungú 2004

¹⁴ Israeli dakós oo /iyáy guna qaás gawaá Efraimu, kudá' niiná, nee dakós oo basáy gawaá Manase. Dabaawós giri taambekeés asma ga xuu' adór Manase tar baris.

IIMU/UUNGW 48:14 Iomraidhean Croise

IIMU/UUNGW 41:51

Na/oó baris kuwa xwaylúy, guna umií tsaát, guri báy Manase. Asma ina oó', «Mungú slahh'amaayer'eé' sleémeerowo iga gunqartís, nee doó baabuúeé' sleémeerowo.»

IIMU/UUNGW 41:52

Oo tsár umuuwós kuri báy Efraimu, gídaabárós: «Mungú na/ii ngaa haniís baraá yaamaá slahh'eemisuueé' wa ale.»

IIMU/UUNGW 46:20

Daaqoó Yosefu aa laqwaál baraá yaamaá Misrír wa alé, a Manase nee Efraimu, kudá' Asenati, dasír Potifera aa dirós i xwayluúr. Potifera a kaahamusmoó gixsár Oni.

IIMU/UUNGW 48:13

Yosefu daaqaywós guri dabe óh tsaraawo, Efraimu ar dákw /iyáy nee Manase ar dákw basáy, giri surkuús amór Israeli i alé. Adoorihe Efraimu i dákw basáy oo Israeli, nee Manase i dákw /iyáy.

IIMU/UUNGW 48:17

Yosefu ngiwa ár, adór baabuúwós dakós oo /iyáy ngura qaás gawaá ságw Efraimu, Yosefu adoodá' gaa slaiiká. Dákw /iyáy oo baabuúwós guri hingeés guri qaás gawaá ságw Manase.

IIMU/UUNGW 48:18

Yosefu iri oó', «Aasla'áy baabá, kwí an baris, dakók oo /iyáy na gawaá sagós i qaaseek.»

WARA'AMI 110:1

AAKOÓ MUNGÚ iri oó' dír Aakooeé', «Iwiít bihhaá dakw'eé' oo doó /iyáy, ay dír wakuuseerók ngay qaas baraá tsa/aá ya'aawók.»

WARA'AMI 118:16

/Uuruú AAKOÓ MUNGÚ ugwa ar baalimaán! AAKOÓ MUNGÚ ar /uuruwose muruú waa/oo/amo gwaa tleéhh!»

TI'INAANGW 15:6

Aá AAKOÓ MUNGÚ, dakók oo doó /iyáy xirif gwaa sláy ar /uuru. Aá AAKOÓ MUNGÚ, dakók oo doó /iyayhe wakuuseerén aga naasuúr.

FAARO 2:18

«Múk xafay'ín gu tleéhh bihhaá /uwa a bohhuudaá dír bendeérár tlahhoó Efraimu. Geeraharusmoó tlahhoó Efraimu a Elishama garmoó Amihudi.

FAARO 8:10

Qoomár múk Laáwi burngwa dír geeraaeé' húp, múk Israeli daqaní dabaaín ki qaasi gawaá múk tlahhoó Laáwi,

FAARO 8:18

Ala aníng múk tlahhoó Laáwi ugwa óh kitángw na/aá baris sleémeero awa múk Israelír wa ale.

Matayo 16:18

Ala aníng kuúng u baw, kuúng a Petro, gidaabárós a tlaa/a. Gawaá tlaa/arihe aníng mukdá' iga haratlintii' u gawdeemiís. Tam gwa'ara sleeme muk'eé' kwí gu aleesleeraaká arba/ato.

Matayo 19:13

Aluuwo na/aá ninakw kiri dirósí huúw as dabaawós ngiwa gawaaín i qaasi nee ngiwa aleefirin. Eeharuuse mukdá' na/ii ngaa huuw guri iigahhát.

Matayo 19:15

Dabaawós giri gawaaín i qaás, iri quútl didae.

Matayo 6:5

«Slám bar kuungá' Munguú firiiriindá', masók a adór hhaahhafuuseerooká. Asma inooín tan firiirín tawa sihhimiiti baraá maraá saaliingo, nee baraá afaá lohuwo, as muu ngiwa ara'ari. Án a kah, bu'utuuín ngwa qaroó slayé'.

Luka 13:13

Yesu dabaawós giri gawaá /ameenidá' i qaás. Inós hamtidár kilae iri ganá', Mungú guri xirfayeemís.

Luka 4:40

Looa iwa dát, muu sleémeero oo tiqtír dimbadimbé koóm, kunguri huúw nee muk'ín dír Yesu. Yesu dabaawós giri qaás gawaá umuúqo tiqtusmoowo, giri hungu/uumiís.

Tlehhema'aá ya/Abuuse 13:3

Alaá tawa gwaawín, nee tawa firín, dabaaín kiri gawaaíní qaás, tari ya/án tawa tlay.

Tlehhema'aá ya/Abuuse 6:6

Mukwi kuri sihhitís geeraá ya/abuuse, kuri aleefirín, kuri dabaaínií qaás.

DABE 34:9

Yoshua garmoó Nuni i haats qeeruú sagalooaro, asma Mose guna dákwí qaás. Gawaá adoorihe, múk Israeli Yoshua guri ilaiwawaá/, nee hara'ayaadár AAKOÓ MUNGÚ tidá' aa Mósé hara'ayín, ngiri eehariyé'.

1 Timoteo 4:14

Kuúng aleesleemuú Qeeru u koón baraawoge, kudá' taa sleér qoomár aaruuse iwa aaririín nee bariise uwa dákw i qás. Ala aleesleemuusíng mu mawaar kuwa ar gadiyus.

1 Timoteo 5:22

Hee dákw i qaasaro ma gaanslimaar. Slám tlakweemaá múk hatlá' mi eeharaar. Kuúng kumiít baraá hhoohhooariro.