IIMU/UUNGW 47:9 - Biblía Axweesantá Hhohho' ar Mungú 2004

⁹ Yakobo Farao guri báy, «Kureeraá naa hoót tawa adór aausmo a tsiiru nee mibeeri tám. Kureeriiká' ki niina, slám awa slahh'amaayér koomá'. Ala adór kureeraá taati'iieé' naa dahi'iimár hootiyé' ngaa ay'iiká.»

IIMU/UUNGW 47:9 Iomraidhean Croise

IIMU/UUNGW 11:11

Shemu iri hoót kureeraá tsiire kooán alaá Arpakshadi nguwa laqwaál, na/aá hatlá' awa daaqaay nee dasu giri laqwaál.

IIMU/UUNGW 35:28

Kureeraá Isaka aa hoót a tsiiru nee mibeeri dakaát.

IIMU/UUNGW 47:28

Yakobo iri hoót baraá yaamaá Misrír wa alé, har afi qoomár kureeraá mibaá nee faanqw. Yakobo kureeraá aa hoót a tsiiru nee mibeeri tsiyáhh nee faanqw.

IIMU/UUNGW 47:8

Farao Yakobo guri yaahaás, «Kureeriwók a magá'?»

IIMU/UUNGW 5:27

Adoorihe deelo sleémeero ar Metusela aa hoót, a kureeri tsiire gwaleél nee mibeeri lahhoó' nee gwaleél, iri gwaá'.

IIMU/UUNGW 50:26

Naagáy Yosefu iri gwaá' tawa heé kureeri tsiiruú wák nee mibaangw. Kuri sliík ar mooyangwdá' slaqwa iwa tsutsu'ká, kuri qaás baraá sandakmo, baraá yaamuudá' Misriro.

1 QOM'I 29:15

Asma atén a adór dahaaye nee múk waaraáhh geeraawoge ar adoodár baabi'iirén sleémeero. Deelór hotaarén baraakaá yaamuwo a adór mahhtuú waaraáhh, harahhifór hota i káhh baraakae.

YOBU 14:1

«Heé /ameeni aa laqwál, Deelór hotaawós ka ureeká, slám in hoot ar slahh'amu.

WARA'AMI 119:19

Aníng a adór dahaaymoó waaraáhh baraá yaamuwo, hara'ayarók ma lu/aar dir'eene.

WARA'AMI 119:54

Qoomár niwa baraá dahaayi'iimár i dirii', daa'angw'eé' a daanduú hara'ayarók.

WARA'AMI 39:12

AAKOÓ MUNGÚ, firor'eé' axaaseek, /aa/ee'eé' iiárií qaaseek, ma xasliitaar qoomár bar /aa/amiím! Asma aníng a dahaaymoowók oo waaraáhh, aausmo adór baabi'iieé' sleémeero.

WARA'AMI 39:13

Áx, ala mawáng mi slahh'eemisaar, fur'ár niiná i slahh as niwa qwalaa/ gár niinawe, dír nira gwaaiiká.

WARA'AMI 39:5

Ga/aaweek, deelor'eé' aga niinawés, slafingw'eé' a adór gaarooká geeraawoge. Umuúqo heewo a adór kahhaay.

TI'INAANGW 6:4

Slám alqador'eé' dir'ine aga gawdeés ar yaamaá Kana'ani ngiwa dir'ínií haniis, kudá' aáng naa hootiyé' tawa adór dahaaye.

TI'INAANGW 7:7

Qoomár Mose tawa axweés nee Farao kureeriiwós a mibeeri dakaát, nee awa Aroni a mibeeri dakaát nee tám.

2 korinto 5:6

Gawaá adoorihe atén deelo sleémeero haraxu'uti a koomaán, nee slám a xuaán qoomaarí atén tawa hootaan baraá slaqooká' wa ale, atén dír Aakoowo a kahhaán.

DABE 34:7

Qoomár Mose iwa gwaá' kureeriiwós a tsiiru nee mibeeri tsár, ilaawós naa giwi'iiká, nee inós /uuruuwós sleeme aa faakiiká.

Ebrania 13:14

Asma baraakaá yaamuwo gixsár ak hoot a koomanaaká, ala atén gixsadá' hardah an leelehhiitaán.

Yakobo 4:14

Ala tam adoorihe kuungá' a xua'aaká ar matlo tleehharuut. Slafingwhúng a gár milá? Asma kuungá' a adór wahaamuú qoomár niina, alaá qoomár niina bira waaráhh iri ilaá wa qwaar.

YOSHUA 24:29

Alaá kaangwihe Yoshua garmoó Nuni sagadiyusmoó AAKOÓ MUNGÚ iri gwaá', kureeri ngaa /aáy a tsiiruú wák nee mibaangw.

1 Petro 2:11

Sla'aaruuser'eé', kuungá' a adór múk waaraáhh nee adór dahaaye tawa hota' baraakaá yaamuwo. Ala án kuungá' nu gurbuú', kuungá' ti harmagahhe' nee ilatleeri sleémeero ar slaqwa, asma i sláqw nee qeeru.