IIMU/UUNGW 47:6 - Biblía Axweesantá Hhohho' ar Mungú 2004

⁶ Ala yaamaá Misri i geeraawók, nee yaamuudá' ganaa'á' baabuúwók ti laqaan, inooín ta baraá yaamaá Goshenír wa hooti. Tla/angw'ine múk de'éngw xuú' bir deer, bur xú', qaaseek tawa múk hikwaaeé' gi sageesihhmiít.»

IIMU/UUNGW 47:6 Iomraidhean Croise

IIMU/UUNGW 13:10

Loti iwa qaytsiít, xatstá Yordani gana ár ay gixsár Soari, i ma'aá koón umuúqo diiro, adór asalmoó Mungú, nee adór yaamaá Misri. Qoomaarí a qoomár AAKOÓ MUNGÚ Sodoma nee Gomora ngiwa qwaareesiiká.

IIMU/UUNGW 13:9

Yaamu sleémeero diroge ki geehhoóeéke? Gím ti paraatlaán. Kuúng bar baskú slá', aníng a /iikú xuú'. Ala kuúng bar /iikú slá', aníng an baskú xuú'.»

IIMU/UUNGW 20:15

Abimeleki iri oó', «Yaamueé' i geeraawók i dirii'iyá', didá' muunaáwók i slai na wa hooteek.»

IIMU/UUNGW 34:10

Kuungá' nee atén ta alhootaán, nee yaamuká' a koohúng, hooté', halaanu'uuma tlehhiitaak baraaká' wa alé, nee daqaari'iité'.»

IIMU/UUNGW 45:10

Kuúng an hót baraá yaamaá Goshenír wa ale, daqaní tu tseéw bihhaaeé', kuúng nee na/iiwók nee na/aá naangók, nee bee/angók nee aaraawók nee hikwaawók nee tidá' sleémeero taqo koonda'a.

IIMU/UUNGW 46:34

Kuungá' ta oa', ‹Atén lawaaleerók a de'eemuuse iimír na/uumar'eene ay laarí, tam taati'iirén iimír aange a de'eemuuse.› Kuungá' adoorí bara oé', daqaní inós yaamaá Gosheni ngi haniis dirhúng.» Yosefu adoorí gana oó', asma múk de'eemuuse a múk taa ló'wa aáhh baraá yaamaá Misriro.

IIMU/UUNGW 47:11

Aluuwo Yosefu baabuúwós nee hhaeewós giri yaamií haniís baraá Ramasesiro, yaamaá hhooá' ló'wa alé baraá yaamaá Misriro, tawa dír hotangw'ín adoodá' Farao ngira oó'.

IIMU/UUNGW 47:16

Yosefu giri báy, «Hikwaahúng haniisare' i balángw ar waa'alahaán, bar peésarhúng aa fák.»

IIMU/UUNGW 47:4

Farao kuri báy, «Nina hardahaán baraá yaamuká', atén a loohuusér deelór niina, asma lawaalmoowók yaamaá qawtani gaa slayká, asma giyeé ka ur baraá yaamaá Kana'aniro. Un firiirimaán ti gurtleer, ateékaá lawaale, tawa hootaan baraá yaamaá Goshenír wa alé.»

IIMU/UUNGW 47:5

Farao Yosefu guri báy, «Baabuúwók nee hhaeewók ugwa i hardihiyé'.

1 WAAWITÁ 11:28

qoomaadae Yeroboamu a garmoó aleesleemuú koóm, nee oo ilakaahara. Naagáy Solomon adoorí ngiwa ár adór Yeroboamu kur ilakahaár gadiyeede, guri sagesihhtusmoó gadiyér gawít wa qaás ar tawa noongo'otiiká, tidá' ta tlehhiiti nee múk tlahhoó Yosefu.

2 QOM'I 26:10

Inós sleeme baraá darmuuwo /aampu giri tleéhh, tlahheesaá yaariir giri foól, asma inós hikwaá yaariir gi kón baraá yaamaá goongoama nee baraá xatsowo. Inós doosla ga ló'wa slaa', muu guri qaás oo qamuuwós xuúm baraá yaamaá goongoamawo nee yaamuudá' wahhaara'a.

TI'INAANGW 18:21

Ala muruú hatlá' dír kwihe, muu na leelehheek baraá tla/angw'ín wa ale, masók a múk aleesleemuú koóm, múk Mungú ilaiwawaá/, múk inkihhimuú koóm, múk slukmár /ayaaká. Waawiti'iimárí haniseek, bahh'ale múk kumuú wák ngu geeraharahariye', bahh'ale múk tsiiru, kooko múk mibeeri kooán, kuqá' múk mibaangw.

TI'INAANGW 18:25

Mose múk aleesleemú koóm baraá tla/ángw xoorór Israeliro guri tsawaár giri geeraharuusér wa qaás, barakarka a geeraharuusér múk kumuú wák gu geeraharahaar, tooka geeraharuusér múk tsiiru gu geeraharahaar, tooka geeraharuusér múk mibeeraá kooán gu geeraharahaar, tiqá' a geeraharuusér múk mibaangw.

TI'INAANGW 9:10

Naagáy inooín da/ara ngiri taatahhiyé' baraá asltá gufteerí wa ale, niri sihhitiyé' dír geeraá Farao, Mose da/araadá' gari gáwtí kwaáhh geeraá Farao wa ale. Tiqtír umi'i gari húp dír muu nee makaywo.

TI'INAANGW 9:21

Ala geeraharuuseedá' axweesantá Mungú ga hhaslitaaká lawaaler'ín nee makay'ín kudaá de'eengo ngiri mayé' baraá xatsa.

AXWEESANOÓ SAGALOOA 21:1

Inslawoó waawutmo baraá dabaá AAKOÓ MUNGUHE a adór kutlá ma'aay, gun warqeemiis amór ngur slai,

AXWEESANOÓ SAGALOOA 22:29

Heé baraá gadiyeérose fuqurángw koóm ugwa aándi? Heé adoorí i dír geeraá waawitá i sihhiit, inós u dír tla/ángw múk amoowásl i eeraaká.

YEREMIA 40:4

Ga/aaweek, aníng kuúng ugwa gweér, daxta kuúng bara aán i qoón tawa tlawaan ay Babuloni, gimáy daxta ti alkoomaán, aníng kuúng un amohhe'eemiís. Barnaxes kuúng a sla'aká tiwa alkoomaan ay Babuloni, ala ma daqawaar. Ga/aaweek, yaamu sleémeero i dír geeraawók, amór ta keemuúwa sla' kaweek.

Yohana 17:2

adoodá' kuúng Garma kura aleesleemuú i hanís daanduú muu sleémeerowo, asma sleémeero kudá' taa dirós i hanís ngiwa slafíngw alhhe'eesay wásl i haniisi.

1 SAMUELI 21:7

Baalaarihe heeko wák oo sagadiyusmoó Saulo i deer, kudá' taa qaroó ilaá/ dír geeraá AAKOÓ MUNGÚ. Sagadiyusmoowí umuuwós a Doegi, oo xoorór Edomu, heé úr oo de'eemuusér Saulo ga sagesihhmiít.