IIMU/UUNGW 47:4 - Biblía Axweesantá Hhohho' ar Mungú 2004

⁴ Farao kuri báy, «Nina hardahaán baraá yaamuká', atén a loohuusér deelór niina, asma lawaalmoowók yaamaá qawtani gaa slayká, asma giyeé ka ur baraá yaamaá Kana'aniro. Un firiirimaán ti gurtleer, ateékaá lawaale, tawa hootaan baraá yaamaá Goshenír wa alé.»

IIMU/UUNGW 47:4 Iomraidhean Croise

IIMU/UUNGW 12:10

Ala giyeér ur nina tleér baraá yaamaá Kana'aniro. Abramu iri tláy iwa ala hotaá ay yaamaá Misri, asma giyeédá' ka ló'wa ur.

IIMU/UUNGW 15:13

AAKOÓ MUNGÚ Abramu guri báy, «Xueek, xwaylarók ka /aytiis baraá yaamaá kooineeká, tari /eetuuse. Inooín kiri lawaale tleehh, kiri slahh'eemiis ar har afi qoomár kureeraá tsiire tsiyáhh.

IIMU/UUNGW 43:1

Giyeé ina ak tsimaamíhh baraá yaamaá Kana'aniro.

IIMU/UUNGW 45:10

Kuúng an hót baraá yaamaá Goshenír wa ale, daqaní tu tseéw bihhaaeé', kuúng nee na/iiwók nee na/aá naangók, nee bee/angók nee aaraawók nee hikwaawók nee tidá' sleémeero taqo koonda'a.

IIMU/UUNGW 46:34

Kuungá' ta oa', ‹Atén lawaaleerók a de'eemuuse iimír na/uumar'eene ay laarí, tam taati'iirén iimír aange a de'eemuuse.› Kuungá' adoorí bara oé', daqaní inós yaamaá Gosheni ngi haniis dirhúng.» Yosefu adoorí gana oó', asma múk de'eemuuse a múk taa ló'wa aáhh baraá yaamaá Misriro.

IIMU/UUNGW 47:5

Farao Yosefu guri báy, «Baabuúwók nee hhaeewók ugwa i hardihiyé'.

WARA'AMI 105:23

An qoomár múk Israeli iwa dáh Misri, Yakobo tari dahaaymo baraá yaamaá Hamuwo.

ISAYA 52:4

Aakoó MUNGÚ i kaahi, «Wa'aá geeraawo muk'eé' ina /eét baraá yaamaá Misri tari dahaayér ayaadá', múk Ashuru giri tawo baramaanuús.

Tlehhema'aá ya/Abuuse 7:11

Giyeé niri tleér baraá yaamaá Misriro nee Kana'ani sleémeerowo. Muu slahh'amuú úr guri sláy, tam baabi'iirén gár ta /ayi iri qwát.

Tlehhema'aá ya/Abuuse 7:6

Mungú iri oó', ‹Xwaylarók i /eetuuse tleehhít baraá yaamaá múk hatlae. Nee mukdá' giri lawaaler'ín tleehh, nee kiri tlehhma'aá tlákw i tlehhiit ay har qoomár kureeraá tsiire tsiyáhh.›

DABE 26:5

/Aymi'iiká' kiri dír geeraá AAKOÓ MUNGÚ, Munguúwók wa ó', ‹Baabuúeé' a heé Aramu, kudá' aa tonganuumamiis amorqá' nee tiqae, aluuwo iri tláy ay yaamaá Misri, iri amoodá' wa hoót adór dahaaymo. Inós nee múk do'ose, qoomaadae a múk ló'wa niiná, aluuwo inooín niri tlahhiyé' tari xoorór yaariir, nee ar /uuruú koom.