IIMU/UUNGW 47:29 - Biblía Axweesantá Hhohho' ar Mungú 2004

²⁹ Deelór gwa'arár Israeli iwa naká/, garmaawós Yosefu guri ateét, guri báy, «Án kuúng bir tsuwa slá', dakók qaaseek gawaá nawdueé', nee al'axweesani ooang, ar án kuúng iwa ilaiwa/amér looeemií tlehh, aníng mi baloó baraá yaamaá Misrír i foolaar.

IIMU/UUNGW 47:29 Iomraidhean Croise

IIMU/UUNGW 24:2

Abrahamu sagadiyusmoowós kudá' úr dír awa hatlá' sleémeerowo, kudá' daqaari'iimarós sleémeero ga sageesihhimiít, guna báy, «Dakók qaaseek gawaá nawdueé'.

IIMU/UUNGW 24:49

Ala daxta aakooeé' u inkihhimu nee gan'amií tlehhá'a? Bar adooriheeká, ooare', án tidá' ni tleehh, a tleéhh.

IIMU/UUNGW 27:2

Isaka iri oó', «Ga/aaweek, aníng a aakoó aa din, slamí baalár ni gwaa' a xuaaká.

IIMU/UUNGW 3:19

Ar hamér gadiyér gawide muruú /aymaarók un /ák, ay dír ti ki/ baraá hhape. Asma kuúng tuna tleéhh ar hhape. Kuúng a hhape, nee baraá hhape an i kí/.»

IIMU/UUNGW 47:9

Yakobo Farao guri báy, «Kureeraá naa hoót tawa adór aausmo a tsiiru nee mibeeri tám. Kureeriiká' ki niina, slám awa slahh'amaayér koomá'. Ala adór kureeraá taati'iieé' naa dahi'iimár hootiyé' ngaa ay'iiká.»

IIMU/UUNGW 48:21

Aluuwo Israeli Yosefu guri báy, «Daxta aníng gwa'arar'eé' naa hamát, ala Mungú a dinkwa nee kuungá', inós kuungá' nu ki/is ay baraá yaamaá baabi'iihúng.

IIMU/UUNGW 50:12

Daaqoó Yakobo adoodá' baabuúín ngaa báy kari tleéhh.

IIMU/UUNGW 50:5

‹Án gwa'arar'eé' naa hamát. Bara gwaá', án foolaré' baraá baa'ar'eé' tidá' naa foól baraá yaamaá Kana'ani.› Daxta án pa/ángw i haniisaré' baabuúeé' nguwa foolár aw. Ala án ni kií/.»

2 SAMUELI 14:14

Atén tam ado gaalá aqo an qatlaán. Atén a adór ma'aá naa ku'utiyé', ki ki/mamisiiká. Tam Mungú a barqantusmoowooká dír heewo, kwí nee kuqae. Inós loohi gan leelehhiit, as kudá' taa sií' niri gowiyé', niwa ki/iya'.

2 SAMUELI 2:32

Yoabu nee mukós tuuár Asaheli kana leéhh, kari foól baraá /aantár baabuúwós tidá' amór Betilehemúrí dirii'. Yoabu nee mukós tana hi'iimamiít xweera sleémeero. Iimi iwa /awakukuur tari hardáh gixsár Hebroni.

2 SAMUELI 7:12

Deeloorók ar tawa kahhut bira xeér tari haragwá' amór baabi'iiwók kudá' naa qatliye'. Daqaní na/aywók oo kilá' un waawutmoó wa qaás, aníng waawuti'iimarós ngari gawdeés.

1 WAAWITÁ 2:1

Gwa'arár Daudi niwa naká/, garmaawós Solomon guri i axweés, guri báy,

YOBU 14:14

Ahaá, hee bira gwaá' i male slafíngwí kí/i? Deelo sleémeero ar gadiyér'eene un daám ay dír afiqoomár gweermor'eé' i xeer.

YOBU 30:23

Aníng aga tsaáhh daxta kuúng in gwa'arárar slá', dír do'odá' ta amohhe'eés as umuúqo hee.

YOBU 7:1

«Hee in hoot ar ditsakwa gawaá daanduú yaamuwo. Deelór hotaawós a adór deelór heé bu'utuú tlaatla/ángw wák.

WARA'AMI 49:7

Ar looeemawo hee kilós ba/amisaro ti aleeslayká, tam gár i haniisi kitángw slafiingose i káhh dír Munguhe.

WARA'AMI 49:9

iwa slafafin kureerisleém, as iwa baloó gwaaiiká.

WARA'AMI 6:5

Baraá múk aa qatli heé kuú inslasláw i kaahh. Baraá gi'iwo heé kuúng u xirfayeemiís a heemá?

WARA'AMI 89:48

Heé hoót a gaalá oo gwaa'aaká? Heé gwa'ara ilagowto ga aleesláw a heemá?

DABE 31:14

Naagáy AAKOÓ MUNGÚ, Mose guri báy, «Deeloorók ar tawa kahhut naa tseewuúr. Yoshua ateteek, hardaharé' baraá heémár Mungú as nguwa kaangwí baw.» Mose nee Yoshua tari tláy ay dír heémár Mungú.

DABE 31:16

AAKOÓ MUNGÚ Mose guri báy, «Kuúng daxta deeloorók ar tawa kahhut naa tseewuúr, nee alaá bara gwá', muu aníng i geexáy, nee munguaá hatlá' kiri eehaar awa baraá yaamuudá' tay hotaá ay. Aníng i geexayá', nee alqador'eé' ngiri geexayá', tidá' nee inooín taa tleehhaán.

Ebrania 11:22

Tam Yosefu sleeme a heé haratlintaaór koóm. Qoomár gwa'araarós iwa naká/, inós kángw ti'inángw múk Israeli baraá yaamaá Misriro guri alki/iít, hara'aya gari oó' adór faduuwós ki laqi.

Ebrania 9:27

Muu gár kuwa hariím a in qaatl sagaáwa wák wa ale, nee alaá gwa'araaro tari sakwasleema.

YOSHUA 2:14

Siitsawuuseedá' Rahabu gari beér, «Gár kiíng i slaw atén ti sleer bar kiíng kangwrén kwí ugwa duxuundiiká. Bál AAKOÓ MUNGÚ yaamuuká' birnga aténí haniís, atén kiíng i hhooeemií tleehhaán ar inkihhimu.»

YOSHUA 23:14

«Hám daxta gwa'arar'eé' naa naká/, ar adoodá' muu sleémeero kuwa hariím. Ala kuungá' baraá munerhunge nee baraá qeereemohunge a xu'uti hhe'esá', adór muruudá' sleémeero hhó' oo AAKOÓ MUNGÚ, Munguúhúng, naa dirhúngií al'axweesi, tam ar wák ar taa boo/eesiiká i káhh. Muruudá' sleémeero aa boó/ adoodá' AAKOÓ MUNGÚ ngura al'axweés.

1 SAMUELI 26:10

Daudi iri oó', «Ar adoodá' AAKOÓ MUNGÚ ir daadeér inós gun slaahh, laqaá deeloorós ar gwa'ara niqo xeér, laqaá in qo slaqwarár áy kuri baraadií suqúy.