IIMU/UUNGW 47:28 - Biblía Axweesantá Hhohho' ar Mungú 2004

²⁸ Yakobo iri hoót baraá yaamaá Misrír wa alé, har afi qoomár kureeraá mibaá nee faanqw. Yakobo kureeraá aa hoót a tsiiru nee mibeeri tsiyáhh nee faanqw.

IIMU/UUNGW 47:28 Iomraidhean Croise

IIMU/UUNGW 25:7

Abrahamu kureeri ngaa hoót a tsiiruú wák mibeeri faanqw nee kooán.

IIMU/UUNGW 37:2

Adoorí an alki/ituú xwaylár Yakobo. Qoomár Yosefu kureeriiwós tawa mibaá nee faanqw, inós i bee/ángw deaaén nee hhaeewós. Yosefu tawa masoomoó kureeraá mibaá nee faanqw nin aldeaená' nee daaqoó Bilha nee Silpa, tlaawoó baabuúwós. Yosefu muruudá' tlákw hhaeewós i axweemaamisiya' nee i tlehhaahhitiya', gun dír baabuúwósí alki/a/iit.

ESRA 2:38

Hhay Pashuri a kumuú wák nee tsiire tsár nee mibeeri tsiyáhh nee faanqw,

WARA'AMI 119:84

Ay xaylá sagadiyusmoowók i daamaran? Heé mukdá' aníng i slahh'eemiís gu muúx?

WARA'AMI 90:10

Kureeriirén a kureeri mibeeraá faanqw, laqaá birti slaqo hhó' a mibeeri dakaát. Ala waayaaqamuú yaariír un ar hootaán, deelo i kwahhmiská atén aqo an gaanslár tlawaán.

WARA'AMI 90:12

Gawaá adoorihe atén ti intsaahhatis faarór deelór hotaarén kawa xuaan, as kahhó' sagalooa kawa koomaan.