IIMU/UUNGW 47:23 - Biblía Axweesantá Hhohho' ar Mungú 2004

²³ Yosefu muu guri báy, «Ga/aawaak, án kuungá' naa tlaáxw laarí, kuungá' nee qamuuhunge a daqaari'iimár Farao. Ga/aawaak, dahaasingwhúng a kwí, qamu dahaasaak.

IIMU/UUNGW 47:23 Iomraidhean Croise

IIMU/UUNGW 41:27

Hikwaadá' slasla/aren, kangaa/a faanqw naa aluú wa ti'iitiye', nee /ar/aantaadá' faanqw daqeetlakw, gár koomaaká, tidá' ta kahaás nee fur'ár da/aá daahh, gídaabár'ín an kureeraá faanqw awa qwari.

IIMU/UUNGW 45:6

Asma gaarí an sangw kurkú tsár qwarko baraá yaamukae, slám kureeraá kooán i alií kahhiyá' awa tawa doosliiká, nee tawa bu'unká baraá qamuuwo.

IIMU/UUNGW 47:22

Yosefu yaamaá aa tlaxwiiká aqo har kudaá kaahamuuse, asma inooín i slaasláwar'ín koná', tidá' amór Farao daahh. Slaasláwar'ín kari /aáy, tidá' ta hanmiisi nee Farao. Gaarí an gár yaamuuín kisa weerisiiká.

IIMU/UUNGW 47:24

Ala qoomár bu'uungo boohhár wák baraá bohhaá kooane ka Farao i haniisá'. Bohhaá tsiyáhh a koohúng, as tawa dahaasíngw qamuuhúng, nee muruú /aymarhúng nee oo múk dír marayhúng wa hoót, nee muruú /aymár na/iihúng.»

WARA'AMI 112:5

Heé hhoó' a kudá' múk dahi'iimiís, nee muu i kirkiti, kudá' muruuwós gu qoomeemeés ar adór ganaa'.

WARA'AMI 41:1

Heé amohhoó' a kudá' narkuute ga gaár i xuú', inós ku alee/iis nee AAKOÓ MUNGÚ baalár slahh'amuuwo.

AXWEESANOÓ SAGALOOA 11:26

Heé balángw lu/u/uúm ku lu'us nee muu. Ala heé gu weermiís ku tsuuq.

AXWEESANOÓ SAGALOOA 12:11

Dooslusmoó ilakaahaár kuuntirós ga dalaa/ balaango, Ala heé muruú tawo gu eeharaahár i fuqurángw konká.

AXWEESANOÓ SAGALOOA 13:23

Qaymór narkutmo balángw yaariír gun hamaarés, Ala in bahh hhitiruut as /ayta.

DAHARUSMO 11:6

Matlaatleero dahaasingók dahaaseek, tam tsiindoowo mu mawaar. Asma dahaasíngw ti'iít u xu'uká tam oo matlaatle laqaá oo tsiindo, laqaá sleémeero ni ti'iit.

ISAYA 55:10

Asma adoodá' tluwaay nee tlaa/aá tluwaywo, ir gawaá doorí wa tluwiya' niri gáwtí ki/iaaká ala aqo yaamu gin naa/amiis, yaamu sla/a ngiri duuxiyá' iri urareér. Heé dahasiím dahaasiingw guri sláy nee muruú /aymaro.

Matayo 24:45

«Sagadiyusmoó inkihhím nee oo sagaloó', oo aakoowós i do'ósií saayin a gaalá? As múk doó aakoowós nguwa muruú /aymár i hanmiisi ar qoomár hariima.

2 korinto 9:10

Mungú kudá' dahaasiingw gu hanmiís dír dahaasusmo, nee oo mikaáte ga hanmiís as /ayma, inós dahaasiingw ngu amorhúng i haniis, nee balangwdá' guri ureemiis. Slám inós bu'uungw guri dook as kahhó' kuungá' múk hatlá' alee/iisaro kuwa aleesleera' ar bu'ungwdá'.