IIMU/UUNGW 47:22 - Biblía Axweesantá Hhohho' ar Mungú 2004

²² Yosefu yaamaá aa tlaxwiiká aqo har kudaá kaahamuuse, asma inooín i slaasláwar'ín koná', tidá' amór Farao daahh. Slaasláwar'ín kari /aáy, tidá' ta hanmiisi nee Farao. Gaarí an gár yaamuuín kisa weerisiiká.

IIMU/UUNGW 47:22 Iomraidhean Croise

IIMU/UUNGW 14:18

Melkisedeki waawutmoó gixsár Salemu mikaáte nee difaái ngina huúw. Inós a kaahamusmoó Munguú Gáwtí dirií'.

IIMU/UUNGW 41:45

Farao umuú hatlá' oo Yosefu oo ayaá Misri guri tsaát, kuri báy Safenat-panea. Yosefu guri duuxutís ar dasír Potifera ar ta bay Asenati. Potiferawí a kaahamusoó gixsár Oni. Yosefu yaamaá Misri sleémeero giri alhi'iimiít.

IIMU/UUNGW 41:50

Dír kureeraá qwari niwa hardihi'iiká, Yosefu kuna daaqoó tsár i xwaylúy nee hareerós tidá' ta bay Asenati, dasír Potifera. Potifera an kaahamusmoó gixsár Oni.

IIMU/UUNGW 47:21

Adoorí an adór Farao yaamaá Misri sleémeero ngira sláy. Yosefu múk Misri sleémeero guna lawaalér Farao tleéhh.

IIMU/UUNGW 47:23

Yosefu muu guri báy, «Ga/aawaak, án kuungá' naa tlaáxw laarí, kuungá' nee qamuuhunge a daqaari'iimár Farao. Ga/aawaak, dahaasingwhúng a kwí, qamu dahaasaak.

IIMU/UUNGW 47:26

Gawaá adoorihe Yosefu adoorí gari dawa tleéhh baraá yaamaá Misriro, tawa gár hariim umuú heewo, baraá bohhaá kooán awa bu'uungo, ar wak ngiwa haniisi dír Farao. Dakwí i daadeer tam laarí baraá Misriro. Ala yaamaá kaahamuuse kilooín kina tlaxwiiká, as kiwa daqaari'iimár Farao tleehhi.

2 SAMUELI 8:18

Benaya garmoó Yehoyada a geeraharusmoó múk Kereti nee oo múk Peleti nee daaqoó Daudi inooín a kaahamuse.

ESRA 7:24

Slám nun male babawaan, kaahamuuse nee múk tlahhoó Laáwi nee daauuse, nee xuumuusér afér doó Mungú nee sagadiyuusér doó Mungú a harimaarooká inooín ohme ngiwa hanmiisiya'.

NEHEMIA 13:10

Slám ngay malé tsaáhh adór múk tlahhoó Laáwi hariímar'ín ngira slay'iiká, naxés múk tlahhoó Laáwi nee daauuse, kudá' geeraawo gadiyuusá', umuú heewo iri kií/ baraá qaymoorós.

Matayo 10:10

Tam tlakoó aai mu huwaara', tam inqwaruú tsár, tam ya/ata', laqaá tam hhara. Asma heé gadiyuús i harín muruú /ayma nguwa slay.

1 Korinto 9:13

Ahaá, kuungá' a xuá'áke mukdá' baraá Doó Mungú wa gadiyuús, muruuduú Doó Mungú gun /aay? Nee slám a xuá'áke mukdá' didár kitángw ilahhooár wa gadiyuús hariímar'ín kan baraá muruudá' taa ilahhooár wa haniís wa sláy?

Galatia 6:6

Umuúqo heé ta intsaahhatimisi axweesantá Munguhe, intsaahhatusmoowós ngu qay tidá' hho' sleémeerowo.

DABE 12:19

Ala tí inslawaak qooma sleémeero ar tawa hota' baraá yaamuuhúng kukae, hariímár múk Laáwi ma gunqareesara'.

2 Tesalonike 3:10

Qoomár atén tawa dinkwa nee kuungá' nuna bawaán, «Heé gadiyér sla'aaká, miwa /ayín.»

1 Timoteo 5:17

Bariisér gadiyér'ín ar geeraharu'uuma ga tleehh ar adoodá' qoom ki ló'wa ilaiwawa/i, ak alé tidá' ti daawiitimis ar muu kuwa axweesantá Mungú i alki/iiti nee kuwa intsaahhatimisi.