IIMU/UUNGW 46:34 - Biblía Axweesantá Hhohho' ar Mungú 2004

³⁴ Kuungá' ta oa', ‹Atén lawaaleerók a de'eemuuse iimír na/uumar'eene ay laarí, tam taati'iirén iimír aange a de'eemuuse.› Kuungá' adoorí bara oé', daqaní inós yaamaá Gosheni ngi haniis dirhúng.» Yosefu adoorí gana oó', asma múk de'eemuuse a múk taa ló'wa aáhh baraá yaamaá Misriro.

IIMU/UUNGW 46:34 Iomraidhean Croise

IIMU/UUNGW 13:7

Naagáy gila niri xayé' tla/ángw de'eemuusér hikwaá Abramu nee de'eemuusér hikwaá Loti. Nee de'emadaádae múk xoorór Kana'ani nee múk xoorór Perisi tan yaamuudá' wa hoot.

IIMU/UUNGW 13:8

Abramu Loti guri báy, «Gila mindiwa xayé' tla/ángw aníng nee kuunge, laqaá tla/ángw de'eemuuser'eé' nee de'eemuuseeroge. Asma án nee kuúng a hhae.

IIMU/UUNGW 26:20

De'eemuusér ayaá Gerari tina aeér nee de'eemuusér Isaka, tana káh, «Ma'ayká' a koorén.» Isaka hhalangwdá' guri báy Eseki, asma inós nee de'eemuuseedá' tina a'ayé'.

IIMU/UUNGW 30:35

Labani baldá' gurtaawér kal'aá koom nee aaraá /ameena awa kal'aá koomá', umuúqo leeír kaloó /awaák, nee bee/ángw bó/, guri gawaá dabaá na/iiwós i qaás.

IIMU/UUNGW 34:5

Yakobo gari axaás adór dasiirós Dina kara dasu'uuma hhitín. Nee daaqaywós i baraá darmií dirii', ta muruuín de'én. Yakobo iri xasliít daaqaay ngar wa waátl.

IIMU/UUNGW 37:12

Looarka wake hha'aá Yosefu bee/ángw baabuúín nguna de'éngw ayé' iisaapoó yaamaá Shekemií alé.

IIMU/UUNGW 37:2

Adoorí an alki/ituú xwaylár Yakobo. Qoomár Yosefu kureeriiwós tawa mibaá nee faanqw, inós i bee/ángw deaaén nee hhaeewós. Yosefu tawa masoomoó kureeraá mibaá nee faanqw nin aldeaená' nee daaqoó Bilha nee Silpa, tlaawoó baabuúwós. Yosefu muruudá' tlákw hhaeewós i axweemaamisiya' nee i tlehhaahhitiya', gun dír baabuúwósí alki/a/iit.

IIMU/UUNGW 43:32

Muruú /ayma kunguri amohhe'eés. Oo Yosefu kuna dimbé haniís, oo hhaeewós kuri dimbé haniís, mukduú Misri nee inós al/ayaayimá' kooín kuri dimbé haniís sleeme. Asma múk Misri nee múk Ebrania ta al/ayaayinká, a gár tlaakw dír múk Misriro.

IIMU/UUNGW 45:10

Kuúng an hót baraá yaamaá Goshenír wa ale, daqaní tu tseéw bihhaaeé', kuúng nee na/iiwók nee na/aá naangók, nee bee/angók nee aaraawók nee hikwaawók nee tidá' sleémeero taqo koonda'a.

IIMU/UUNGW 45:18

Baabuúhúng huwaare', nee múk do'ós sleémeero, án yaamaá hhoo' ngi haniís baraá yaamaá Misriro, daqaari'iimár yaamuká' a sleerá'.

IIMU/UUNGW 46:32

Nee mukwí a de'eemuuse deelo sleémeero, asma inooín a múk muruú deaaeém. Hám daxta inooín bee/angw'ín ngwaa huwiyé', nee hikwaaine, nee muruudá' sleémeero iqo kon'a.›

IIMU/UUNGW 47:11

Aluuwo Yosefu baabuúwós nee hhaeewós giri yaamií haniís baraá Ramasesiro, yaamaá hhooá' ló'wa alé baraá yaamaá Misriro, tawa dír hotangw'ín adoodá' Farao ngira oó'.

IIMU/UUNGW 47:3

Farao giri yaahaás, giri báy, «Gadiyér ta koonda' a milá?» Farao kuri báy, «Atén sagadiyuuseerók a de'eemuuse, nee baabuúrene.»

IIMU/UUNGW 47:4

Farao kuri báy, «Nina hardahaán baraá yaamuká', atén a loohuusér deelór niina, asma lawaalmoowók yaamaá qawtani gaa slayká, asma giyeé ka ur baraá yaamaá Kana'aniro. Un firiirimaán ti gurtleer, ateékaá lawaale, tawa hootaan baraá yaamaá Goshenír wa alé.»

IIMU/UUNGW 47:6

Ala yaamaá Misri i geeraawók, nee yaamuudá' ganaa'á' baabuúwók ti laqaan, inooín ta baraá yaamaá Goshenír wa hooti. Tla/angw'ine múk de'éngw xuú' bir deer, bur xú', qaaseek tawa múk hikwaaeé' gi sageesihhmiít.»

TI'INAANGW 8:22

Ala baalaadae aníng yaamaá Gosheni i paraátl, kudá' muk'eé' i hooti, as ba'ár ngiwa kayká. Kuungá' kari tsahhá' adór anuú AAKOÓ MUNGÚ nir baraá yaamuuká'.

TI'INAANGW 8:26

Ala Mose iri oó', «Adoosíng i qoondaaká, asma ilahhooadár muruú ta tsu/i atén ni haniisár awaan dír AAKOÓ MUNGÚ, Munguúrén, ka waak dír múk Misriro. Barnaxes ilahhooarír muruú ta tsu/i tidá' i wakiya' aga dír geeraá múk Misrír wa hanisaán, atén ti tlaquutiíaáke ar tlaa/e?