IIMU/UUNGW 46:20 - Biblía Axweesantá Hhohho' ar Mungú 2004

²⁰ Daaqoó Yosefu aa laqwaál baraá yaamaá Misrír wa alé, a Manase nee Efraimu, kudá' Asenati, dasír Potifera aa dirós i xwayluúr. Potifera a kaahamusmoó gixsár Oni.

IIMU/UUNGW 46:20 Iomraidhean Croise

IIMU/UUNGW 41:45

Farao umuú hatlá' oo Yosefu oo ayaá Misri guri tsaát, kuri báy Safenat-panea. Yosefu guri duuxutís ar dasír Potifera ar ta bay Asenati. Potiferawí a kaahamusoó gixsár Oni. Yosefu yaamaá Misri sleémeero giri alhi'iimiít.

IIMU/UUNGW 46:19

Daaqoó Raheli, harér Yakobo, a Yosefu nee Benyamini.

IIMU/UUNGW 48:1

Alaá muruuwí sleémeerowo Yosefu kuri báy, «Baabuúwók i slahhaa'.» Inós daaqaywós tsaraawo, Manase nee Efraimu girir tláy amór baabá.

IIMU/UUNGW 48:20

Giri tsuúq baalaadae, giri báy, «Baraá kuungae, xoorór Israeli ti tsuuqaá i hanmiisiyá', tawa kaahi, ‹Mungú u adór Efraimu nee Manase tleehhi.› » Efraimu gway geeraá Manase qaás.

ESEKIELI 30:17

Masoombár daaqaay ar Oni nee ar Pi-beseti ka tsuu/ ar paánga, nee gixsaduuká' kiri loohatis.

YOSHUA 14:4

Xwaylár Yosefu tlahhi'iiwós a tsár, tlahhoó Manase nee oo Efraimu, ala tlahhoó Laáwi aalír yaamu gaa slayká, ala aqo gixsadaá maray'ín ngi tleehhiya', nee wa/ángw hikwaaín ngiwa de'ena', nee dír muruú /aymar'ín nguwa amohhe'eesiya'.

YOSHUA 17:1

Aluuwo tsawdo kari malé tleéhh ar yaamaá ta ka'aasi dír tlahhoó Manase, asma inós a barisuú Yosefu. Aáng Makiri, garmoó baris oo Manase baabuú Gileadi, kwaa qaroó yaamaá Gileadírí haniís, nee Bashaniro, asma inós a heé slaqwara ga baál.