IIMU/UUNGW 45:20 - Biblía Axweesantá Hhohho' ar Mungú 2004

²⁰ Ma daawimitaara' daanduú daqaari'iimarhunge, asma yaamaá hhoo' baraá Misriro a koohúng.› »

IIMU/UUNGW 45:20 Iomraidhean Croise

IIMU/UUNGW 20:15

Abimeleki iri oó', «Yaamueé' i geeraawók i dirii'iyá', didá' muunaáwók i slai na wa hooteek.»

IIMU/UUNGW 45:18

Baabuúhúng huwaare', nee múk do'ós sleémeero, án yaamaá hhoo' ngi haniís baraá yaamaá Misriro, daqaari'iimár yaamuká' a sleerá'.

IIMU/UUNGW 45:19

Kuúng inooín ki malé ádbeér adoorí kawa tleehhi: Gaardaá huwa loohiso ki baraá yaamaá Misrír wa huwi as na/ii'ín nee tlaaway'ine, nee baabahe, kingiwa amoorí huwi.

IIMU/UUNGW 45:21

Adoorí an adór daaqoó Israeli aa tleéhh, Yosefu giri gaardií haniís adór Farao ngira oó', giri muruú /aymár loohírí haniís.

IIMU/UUNGW 47:6

Ala yaamaá Misri i geeraawók, nee yaamuudá' ganaa'á' baabuúwók ti laqaan, inooín ta baraá yaamaá Goshenír wa hooti. Tla/angw'ine múk de'éngw xuú' bir deer, bur xú', qaaseek tawa múk hikwaaeé' gi sageesihhmiít.»

ESRA 9:12

Gawaá adoorihe, daaqay'ín dasuuhúng munguwa duxuút, tam dasuuín mukuwa duxuút nee daaqayhúng, mi waydú i sla'aara', laqaá diihhooa daqisleém, as kuungá' /uuru kuwa sleera' nee hhooeemaá yaamu kiwa /aga', nee kay na/iihúng i geexeerá' tawa aalír alhhe'eesay wasl.›

TI'INAANGW 22:7

«Hee bar kuqá' ngwa peésár i haniís as kawa amohhe'eesi, laqaá muruú hatlá', nee muruudá' kuri fiís dír do'ós wa ale, bar fisusmoodá' kwaa óh, aqo peésaadá' gan sagaá wa tsár wa buu'.

ISAYA 1:19

Bar aga ya/aandé' nee tay iialooeesé', daqaní hhooeemaá yaamu i /agá'.

ISAYA 13:18

Masoombár daaqaay kan tsuu/ ar ga/alduín, inooín i baloó gurtleemuú kon'aaká daanduú xwaylár heewo, tam na/aá ninakw ngi baloó gurtlatlay'aaká.

ESEKIELI 20:17

«Ala aníng ina meetiís, iga qwaareesiiká baraadaá xaanxáy ale.

ESEKIELI 7:4

Nu baloó mawaaká, laqaá gurueé' i tlayká, aqo nun sakwasleemuút, har qoomoó tlehhmi'iihúng, barnaxes muruudá' aníng ni ahhiit i baraá tla/angwhúng kón. Daqaní kuungá' a tsahhá' adór aníng tar AAKOÓ MUNGÚ.›

ESEKIELI 7:9

Nu baloó mawaaká, laqaá gurueé' i tlayká, aqo nun sakwasleemuút har afiqoomoó tlehhmi'iihúng, barnaxes muruudá' aníng i ahhiit i baraá tla/angwhúng kón. Daqaní kuungá' a tsahhá' adór aníng tar AAKOÓ MUNGÚ, kudá' nu hhaamiís.

ESEKIELI 9:5

Qoomár iwa mukdá' kangwdá' babay aníng a axamiís, iwa kaahi, «Waarahhé' ar baraá gixsa aluuwose wa ale, muu tsu/aak, tamu wák mu geexawaar, mi baloó gurtlawaara'.

Matayo 24:17

Nee heé gawaá daanduú dó' i dirií' miwa aweér as muruú baraá do' nguwa leehhi.

Luka 17:31

«Baalaadae heé gawaá daanduú dó i dirií', nee oo xooslaarós baraá dó i dirii', miwa aweér as ngiwa leehhi. Nee slám oo baraá qaymór i dirií' miwa amór dó i kií/.

DABE 19:13

Heé adoorí mu baloó gurtlawaara', ala masók tlakweemaá tsu/utár múk dakuusár koomaaká baraá yaamaá Israeliro in faká' as kuungá' tawa hota' ar wayda.

DABE 19:21

Múk adór kwí mu gurtlawaara'. Heé hee gwa gaas, aqo inós kun gaas sleeme, heé iltá hee gaa gaas, aqo iltós kan gaas sleeme, heé sihhnoó hee gwa tuu/, aqo inós kun sihhno tuu/ sleeme, heé dákw hee gwa geeqay, aqo inós kun dawa geeqáy sleeme, heé yaaér hee gaa geeqay, aqo inós kun yaae geeqáy sleeme.»

DABE 7:16

Xooro tam gaalá ar AAKOÓ MUNGÚ, Munguúhúng naa gawaá dabaahúng i haniís hhaamiisaak, ma baloó gurtlawaara'. Mungui'ín mi sluufmiisara', asma gár adór tí dirhunge a tsaaxweelír kuungá' nu ohiim.

YOSHUA 7:11

Múk Israeli tlakweema gaa tleéhh, alqadoodá' án nee inooín naa axweesaán ngaa si'iyé', inooín xosluudá' taa paraátl as kiwa qororo'oosi ngina bahh taatahhiyé', slám ngina fisisiné', ngiri lu/iyé' baraá xosluuín, lama ngiri tsatiyé'.

1 SAMUELI 10:22

Tari kumiít AAKOÓ MUNGÚ yaahamisuuwo, «Heé aa meet i deéro oo naa amoorií hardihiiká?» AAKOÓ MUNGÚ giri mu/aywaáts, «Qaytsiít aa nahhaát baraá tla/eeraá xooslár taa burumbuúr.»

1 SAMUELI 25:13

Daudi mukós guri báy, «Umuúqo heewo i siinootin paángarós ngi oohi.» Umuúqo heewo iri siinootín, paángarós gari óh. Daudi sleeme ina siinootín paángarós gay óh. Múk afiqoomoó tsiire tsiyáhh Daudi guri eehár nee múk tsiire tsár ina meét dír xoosla.

1 SAMUELI 30:24

Daudi iri oó', «Hee inslawayhúng kwisíng gu ya/aám i kaahh. Heedaádá' aa /eet baraá slaqwara nee kudaádá' aa meet dír xooslarén, umuúqo heewo kun qáy ar qeemuú alqoóm nee kuquú heeqá'.»