IIMU/UUNGW 45:15 - Biblía Axweesantá Hhohho' ar Mungú 2004

¹⁵ Yosefu iwa baraá /aa/eé kahhi, hhaeewós giri ma'amiís, nee hhaeewós tari axweemaamiís.

IIMU/UUNGW 45:15 Iomraidhean Croise

IIMU/UUNGW 29:11

Yakobo Raheli gari ma'aás, iri /aá/ as qwala/.

IIMU/UUNGW 29:13

Labani kángw Yakobo oohho'oówós nguwa axaás, ina ta'aaín nguwa al'ay. Guri slaqwtósí óh, guri ma'aás, guri do'ós i dahi'ís. Yakobo kangwdá' sleémeero aa tleehharuut guri alki/iít.

IIMU/UUNGW 33:4

Naagáy Esau nari hardáh ar ti'iingw, guri hara/akuút, guri ma'aás. Inooín tsaraawo tari al/aá/.

IIMU/UUNGW 42:24

Yosefu tina paraátl dir'ine, iri /aá/. /Aa/eewo iwa hhe'eés, iri amor'ín i kií/ as iwa axweesi nee inooín. Simeon guri taataáhh baraá tla/angw'ín wa alé, guri dahaás baraá doó tsegma dír ilaaín wa alé.

IIMU/UUNGW 45:14

Naagáy Yosefu Benyamini guri gawaá de/eewií óh, iri /aá/, Benyamini sleeme iri /aá/.

IIMU/UUNGW 45:16

Kaangwí kuwa axaás tam doó Farao tawa kaahi, «Hha'aá Yosefu naa hardihiyé',» adoorí Farao guri sla'atís, nee sagadiyuuseerose.

IIMU/UUNGW 45:2

Iri /aá/ ar afór ur, múk Misri sleémeero iri axaás, múk doó waawutmo Farao iri axaás.

IIMU/UUNGW 46:29

Yosefu gaárirós gari tlabií hhaáf, ina tsa/án iwa baabuúín al'ay Gosheni. Iwa hardáh dír baabuúwose, guri hara/akuút, guri isa almarmariít, iri /aa/amín afi qoomár hhaawaakahe.

2 SAMUELI 14:33

Gawaá adoorihe Yoabu iri tláy amór waawutmo, axweesanaywí sleémeero guri alki/iít. Waawutmo Absalomu guri ateét, Absalomu iri hardáh dír doó waawutmo, iri huú' ar gura' dír geeraá waawutmo, Absalomu kuri ma'aás nee waawutmo.

WARA'AMI 77:4

Hhamhhamaaeé' ina ót as mawa gufiís, ana slahhaá' tam ilawatsa ngay harslaaqaát.

TI'INAANGW 4:27

AAKOÓ MUNGÚ Aroni guri báy, «Tláw baraá xaanxaay nee Mose ti doge'.» Aroni iri tláy, tiri doogiyé' baraá tloomár Mungú, guri ma'aás.

Luka 15:20

Aluuwo iri tláy, iri kií/ amór baabuúwós. «Ala qoomár iwa amorqá' saáw i kahhi, kuri ár nee baabuúwós, guri gurtláy. Baabá iri amoorós i ta'aaín, guri slaqwtós i óh, guri ma'aás.

Tlehhema'aá ya/Abuuse 20:37

Sleémeero tari ló'wa /aa/amín, Paulo kuri slaqooín i ohín kuri ma'amiís.

RUTI 1:14

Inooín /aa/e ngiri malé iimu/uné'. Orpa aayír hhawaatuuwós gari deeloórí ó' ar ma'aasa. Ala Ruti iri dirós i mét.

RUTI 1:9

Nee AAKOÓ MUNGÚ kuungá' nu alee/iisi ar umuú heewo hhawaata nguwa malé slay nee hotaarír hho' kawa ar hota'.» Inós giri deeloórí ó' ar ma'amis. Inooín tari /aa/amín ar afór ur,

1 SAMUELI 10:1

Naagáy Samueli chupiito'ór di/i gari óh, gari tsiririxiís gawaá ságw Saulo, guri ma'aás, iri oó', «AAKOÓ MUNGÚ ugwa iimbalaáx ar di/i, as tawa geeraharusmoó mukós oo Israeli, nee kuwa ba/amis baraá dabaá wakuuser'ín wa ale. Layár kuúng kar tsahh adór AAKOÓ MUNGÚ ura di/tár iimbalaáx tawa geeraharusmo daanduú aalirose a tí,

1 SAMUELI 20:41

Qoomár garmaadá' iwa tláy, Daudi niri ti'iít baraá alaá tlaa/eedá' i nahhaati, iri gitsee/ár huú' yaamií ale, iri xupuú' sagaáwa tám, tiri ma'amiisiyé', tari /aa/amín, qoomár Daudi iri ak harwaaraáhh.