IIMU/UUNGW 45:10 - Biblía Axweesantá Hhohho' ar Mungú 2004

¹⁰ Kuúng an hót baraá yaamaá Goshenír wa ale, daqaní tu tseéw bihhaaeé', kuúng nee na/iiwók nee na/aá naangók, nee bee/angók nee aaraawók nee hikwaawók nee tidá' sleémeero taqo koonda'a.

IIMU/UUNGW 45:10 Iomraidhean Croise

IIMU/UUNGW 46:34

Kuungá' ta oa', ‹Atén lawaaleerók a de'eemuuse iimír na/uumar'eene ay laarí, tam taati'iirén iimír aange a de'eemuuse.› Kuungá' adoorí bara oé', daqaní inós yaamaá Gosheni ngi haniis dirhúng.» Yosefu adoorí gana oó', asma múk de'eemuuse a múk taa ló'wa aáhh baraá yaamaá Misriro.

IIMU/UUNGW 47:1

Yosefu ina tláy amór Farao, guri báy, «Baabuúeé' nee hhaee'eé' kudá' Kana'anír dahhá' naa hardihiyé', nee bee/aangw nee hikwaawo nee tidá' taqo kona. Inooín hám ta baraá yaamaá Gosheni.»

IIMU/UUNGW 47:12

Yosefu baabuúwós nee hhaeewós nee do'ose gina /aymiís, adoodá' faarór na/aá do'ós i eer.

IIMU/UUNGW 47:4

Farao kuri báy, «Nina hardahaán baraá yaamuká', atén a loohuusér deelór niina, asma lawaalmoowók yaamaá qawtani gaa slayká, asma giyeé ka ur baraá yaamaá Kana'aniro. Un firiirimaán ti gurtleer, ateékaá lawaale, tawa hootaan baraá yaamaá Goshenír wa alé.»

IIMU/UUNGW 47:6

Ala yaamaá Misri i geeraawók, nee yaamuudá' ganaa'á' baabuúwók ti laqaan, inooín ta baraá yaamaá Goshenír wa hooti. Tla/angw'ine múk de'éngw xuú' bir deer, bur xú', qaaseek tawa múk hikwaaeé' gi sageesihhmiít.»

ESTA 10:3

Asma Mordekai kuduú Yahudumo tay heé tsár alaá waawutmo Ahasuerowo, nee heé úr baraá tla/ángw múk Yahudiro, hhaeewós gina sla'atís, mukós guna hhooeemí leelehhiít, mukós guna axweesanoó waydií axweés.

TI'INAANGW 8:22

Ala baalaadae aníng yaamaá Gosheni i paraátl, kudá' muk'eé' i hooti, as ba'ár ngiwa kayká. Kuungá' kari tsahhá' adór anuú AAKOÓ MUNGÚ nir baraá yaamuuká'.

TI'INAANGW 9:26

Yaamaá Gosheni kilooín, kudá' múk Israeli i hooti, tluwoó tlaa/e gaa i tluwiiká.

Yohana 17:24

«Baabá, kuká' kuúng naa hanís, gár ni slaa', masók i dinkwa nee aníng didá' án ni diriia. Nee xirfuudá' naa aní hanís nguwa ga/aya'. Asma án kuúng ina slá' iimír yaamu kiwa tleehhiiká.

Tlehhema'aá ya/Abuuse 7:14

Yosefu muu guri ya/aáw as baabuúín kuwa ateeti nee mukós sleémeero, as tawa /eeti Misri, nee inooín sleémeero a mibeeri faanqw nee kooán.