IIMU/UUNGW 45:1 - Biblía Axweesantá Hhohho' ar Mungú 2004

¹ Qoomaadae Yosefu ila/aro taa aleeslayká dír geeraá mukdá' sleémeero aa didií sihhiiti. Yosefu iri tseé', iri oó', «Muu sleémeero tsee/áy duuxaak.» Gawaá adoorihe heé Misri tumu wák i kaahh, qoomár tiwa xu'utís dír hhaeewós.

IIMU/UUNGW 45:1 Iomraidhean Croise

IIMU/UUNGW 42:24

Yosefu tina paraátl dir'ine, iri /aá/. /Aa/eewo iwa hhe'eés, iri amor'ín i kií/ as iwa axweesi nee inooín. Simeon guri taataáhh baraá tla/angw'ín wa alé, guri dahaás baraá doó tsegma dír ilaaín wa alé.

IIMU/UUNGW 44:34

Adór ki/imaá amór baabuúeé' ngir aleeslaw, bar nee garmaawí ti alkoomanaaká? Aníng qitla u aleeslawaaká slahh'amuudá' baabuúeé' gu sláw nguwa ar.»

2 SAMUELI 1:20

Kaangwí ló' mu ooara' dír Gatiro. Tam ayeemaá Ashkeloniro sleeme mu ooara'. /Ameenár múk Filisti munguwa saqwalaalá/, dasuú múk taa hheehhe'eesiiká miwa baraá/.

2 SAMUELI 13:9

Mikaáte ngiwa hhe'és gari hhákw baraá xooslmo. Gari húp amór Amnoni, ala Amnoni /ayma gari sií', iri oó', «Umuúqo heewo ku tsee/ií duuxi.» Muu sleémeero tari ti'iít.

ISAYA 42:14

Har afiqoomár yaariire aga xasliít, aga tawo xasliít, tiri il/aám, ala hamí a /aá/ adór /ameenír dír asltá xwayla, tidá' /iif hiinsluú urene.

YEREMIA 20:9

Ala aníng bara oó', «Aníng umuú AAKOÓ MUNGÚ daxta un baloó ooaaká, sleeme a ilaawatsaaká ar umuuwós,» muunaaeé' in da/aa/anuut baré kwaáo adór asla in baraá faduueé' wa ót, an mak qiítl as mawa ilawaáts, ala ila/aro tin harslaaqaát.

SEKARIA 12:10

«Aníng múk doó Daudi nee yaamuloouusér Yerusalemu i qeeruú i haniís oo firo nee oo gurtleemu, gawaá adoorihe, qoomár kudá' naa mutiyé' burngwa i qaytsitiyé', inooín nguri satsuunqumisiyá', adór hee na/aywós oo kilós ngur santsuunqumisi, inooín nguri sa/a/amná' adór heé na/aywós oo baris ngur alee/aa/amaamin.

Matayo 18:15

«Hhiyaawók kuúng bura sadakuús, tláw gurbueek, kuúng nee inós kiloohúng. Kuúng bura iiárií qaás, hhiyaawók ugwa sleér.

Tlehhema'aá ya/Abuuse 10:41

Ala a dír muu sleémeerowooká, a dír ateédá' Mungú aa qaroó tsawaár lamabu'uusér wa ale. Atén ana /ayiimaán nee ana wahaamaán nee inós, alaá inós niwa waasleé/ baraá múk aa qaátl wa ale.

Tlehhema'aá ya/Abuuse 7:13

Tawa kií/ sagaáwa tsare, Yosefu tiri xu'utís dír hhaeewose. Hha'aá Yosefu niri xu'utitiyé' dír Faraowo.

1 Korinto 13:5

Sla'aari i ilaiwa/amér koón, i qahángw koondaaká, i buhhabuhhká, i tlakweemaá faditká.