IIMU/UUNGW 44:20 - Biblía Axweesantá Hhohho' ar Mungú 2004

²⁰ Kuúng uri bawaán, ‹Baabá u koomaán, nee inós aa dín. Garmaawós oo aluutmo ku niiná, oo aa laqwaál baraá diimaywós wa alé. Da'aawmoowós aa qaroó gwaá', inós kilós ina meét guruú aayírose, nee baabuúwós gu ló'wa slaa'.›

IIMU/UUNGW 44:20 Iomraidhean Croise

IIMU/UUNGW 35:18

Qoomár iwa tsatmit (asma xwayla gana gás), na/aydá' guri umií tsát, guri beér Ben-oni, ala baabuúwós guri báy Benyamini.

IIMU/UUNGW 37:19

Ta axwees kilooín ale, ta kaahi, «Aakooduú tlata hanoos naa hardáh.

IIMU/UUNGW 37:3

Yakobo Yosefu guna guruú i baá/ ta daaqaywósuú hatlá' sleémeerowo. Asma Yosefu a na/oó aa baraá diimaywós wa sláy. Guri hiyoó hhoohhoó' i tleéhh.

IIMU/UUNGW 42:13

Nguri bayé', «Ataá lawaaleerók, slamí atén hhaeewo a mibaá nee tsár, a daaqoó heé wák oo baraá yaamaá Kana'ani. Hhiyaarén oo aluutmo i deer, i dinkwa nee baabuúrén. Ala oo hatlá' ina kahhuút.»

IIMU/UUNGW 42:36

Baabuúín Yakobo giri báy, «na/iieé' iga hingesé' dir'eene. Yosefu i kaahh, tam Simeon i kaahh. Nee Benyamini u sla'á' kuwa ar tleera'. Kaangwí sleémeero án kilooeé' in slahh'eemiis.»

IIMU/UUNGW 42:38

Yakobo iri oó', «Garmaaeé' nee kuungá' a al/eta'aaká. Asma daa'awmoowós ina gwaá', inós kilós ina meét. Aníng a aakoó al/awtantá koóm. Loohiro bar gitsee/aá tlaakwá' ngaa sláy, gám daqaní aníng iga gasé' ar gurhaami baraá diimay'eene.»

IIMU/UUNGW 46:21

Daaqoó Benyamini a Bela, nee Bekeri, nee Asbeli, nee Gera, nee Na'amani, nee Ehi, nee Roshi, nee Mupimu, nee Hupimu nee Ardi.

IIMU/UUNGW 49:8

«Yúda, kuúng hhaeewók u xirfeemisiyá', wakuuseerók kari bál, hhaeewók kuúng u ilaiwawa/iyá'.

Luka 7:12

Dír dahmuú gixsa kuwa áy, tuuarka kana didií áy, kingi tsee/áy loohiis. Inós a na/oó garma oo wák dír aayoorose, slám aayoorós a kwaalo'o. Múk yaariír oo baraá gixsa nee inós ti koná'.