IIMU/UUNGW 43:9 - Biblía Axweesantá Hhohho' ar Mungú 2004

⁹ Aníng inós u sageesihhiít, garma dabaaeéní qaasang. Án barnaxes ngwa ki/isiiká amoorók i alé, nee ngway geeraawók i qaasiiká, daqaní aníng aga tlakweés dír geeraawoge deelo sleémeero.

IIMU/UUNGW 43:9 Iomraidhean Croise

IIMU/UUNGW 31:39

Aníng sleerók ar makiito'ór sla/a aa harieér ar naa amór dóí huúw i káhh. Badeérí tari daanduueé'. Kuúng án iri iinús, as ngiwa buu', kaa fiís bar tlaatla/aangw laqaá bar xweera.

IIMU/UUNGW 42:37

Reubeni baabuúwós guri báy, «Daaqay'eé' oo tsár tsu/eegáy barnaxes aníng ngwa dirógí ki/isiiká. Qwaláng, dabaaeéní qaasang, aníng ngu saxareemár ki/ís dirógí alé.»

IIMU/UUNGW 43:10

Asma geera bar aga tligaaniikahe, geera alók aga qaroó daqawán, niri qaroó ki/aán ki/imaá tsare.»

IIMU/UUNGW 9:5

Aníng tseererhúng a li/aay buú'. Hee bar hee ngwa gaás, aníng heedá' u gaás sleeme. Laqaá tam makiito'o hee burngwa gás, aníng inós a gaás sleeme.

2 SAMUELI 14:9

/Ameenidá' Tekóár daahh iri ó', «Aakooeé' waawutámo, umuúqo dakuuse kingi gawaaeé' tsa/aasi, nee gawaá múk doó baabuúeé'. Gawaá adoorihe, masók kuúng nee waawuti'iimaroge dakuús nu sleeraaká.»

1 WAAWITÁ 1:21

Bar adoosingeeká aluuwo aakooeé' bira gwaá' iri haragwa' amór baabi'iiwós, aníng nee garmaaeé' Solomon tin harafaar adór múk tlákw.»

YOBU 17:3

Aá Mungú, na'amaamís, án daanda ooháng, ni tu/uút, heé hatlá' oo i daanda óh i kaahh.

WARA'AMI 119:122

Sagadiyusmoowók daanda ooheek, ma ya/aamaar múk daara/aám aníng iwa baramaanuusi.

ESEKIELI 3:18

Aníng barnaxes heé tlaákw ugwa báw, ‹Ar loe kuúng a gwá',› aluuwo bar kuúng ugwa naanaqiká, laqaá ugwa beeriká, ‹Tlakweema maweek,› as slafiingós nguwa ba/amis, naagáy heewí tlaákw iri gwaá' baraá tlakweemawós, tseereerós ngi gawaawók i iinuús.

ESEKIELI 3:20

«Slám malé alé heé gan'amuú koóm, bar gan'amuwós gwa máy nee tlakweema gay tleéhh, aníng nguri dukutsamoó i qaás, heewí iri gwaá', asma kuúng kuwa naanaqiká heewí i gwaa' as tlakweemaawós, tam tlehhmi'iiwós kudá' hho' ki inslayká. Ala tseereerós a iinuús gawaawók i alé.

ESEKIELI 33:6

Ala barnaxes xuumusmo wakuuse gaa ár i hi'ít, ala tarumbeéta gaa ufaahhiiká, nee muu kwa gurbuiiká daanduú tsaxwaaká hi'iita'a, nee wakuuse hee guri gás baraá tla/angw'ine, heewí tlaákw iri gwaá', inós ina gwaá' as dakuúsarós, ala aníng hhiintluú heewí u iinuús gawaá daanduú xuumusmoowí.

ESEKIELI 33:8

Aníng heé tlaákw bura báw, ‹Aá heé tlaákw, looeemaawo kuúng a gwá',› ala kuúng heedaádá' tlaákw u gurbu'uundaaká as tlakweemaawós ngiwa may, ar ló' heewí tlakweemaawós ngu gaasiyá', ala aníng hhiintluú heewí u iinuús gawaá dabaawók.

Luka 11:50

as tseerér aaruusedá' sleémeero ar aa ku'ut iimír iimu/úngw yaamuwo, kawa iinuusi dír múk qartí,

Ebrania 7:22

Gawaá adoorihe alqadoorí ka ló'wa hhoo' ta tidár aange, as adoodá' Yesu tawa lamabu'usmoowós.