IIMU/UUNGW 43:30 - Biblía Axweesantá Hhohho' ar Mungú 2004

³⁰ Yosefu iri gaansluút, asma muunaáwós ina haáts qwal/uwo as da'aawmoowós, ilaawós nina hatsiyé', dír iwa /aa/amin gari leeleéhh, iri dáh baraá kutuwír do'ós, iri /aa/amín.

IIMU/UUNGW 43:30 Iomraidhean Croise

IIMU/UUNGW 42:24

Yosefu tina paraátl dir'ine, iri /aá/. /Aa/eewo iwa hhe'eés, iri amor'ín i kií/ as iwa axweesi nee inooín. Simeon guri taataáhh baraá tla/angw'ín wa alé, guri dahaás baraá doó tsegma dír ilaaín wa alé.

IIMU/UUNGW 45:2

Iri /aá/ ar afór ur, múk Misri sleémeero iri axaás, múk doó waawutmo Farao iri axaás.

IIMU/UUNGW 46:29

Yosefu gaárirós gari tlabií hhaáf, ina tsa/án iwa baabuúín al'ay Gosheni. Iwa hardáh dír baabuúwose, guri hara/akuút, guri isa almarmariít, iri /aa/amín afi qoomár hhaawaakahe.

1 WAAWITÁ 3:26

/Ameenír na/ay loo' guruuwós iri tláy, waawutmo guri beér, «Aá aakooeé', na/aysíng slaáf dír /ameenisíng tii hanis, mu baloó gaasaar.» Ala tidár hatlá' ina ó', «Tla/a tsataak, mawa kwe'eé' laqaá mawa kós.»

YEREMIA 31:20

Israeli an garmaaeé' kuduú sla'aarusmoówóke? Inós an na/ay'eé' kudá' ni ló'wa slá'aáke? Umuú daqto bur iigahhaatár wa slaá', aqo gurtleemu un insláw, guruueé' in tlatláy as inós, nee looeemaawo nguri gurtláw. Anuú AAKOÓ MUNGÚ tí ngina oó'.

HOSEA 11:8

Aá múk Efraimu adór nur geexaw? Án kuungá' múk Israeli adór nur sii'? Adór ngir aslaw nuwa adór gixsár Adma tleehh? Adór ngir aslaw nuwa adór gixsár Seboimu tleehh? Muunaáeé' aa warqáy, guruueé' aa ló'wa tláy.

Tlehhema'aá ya/Abuuse 20:19

Aníng Aako una sagadiyuús ar tsatsa'areema sleémeero, tam qoomár niwa baraá /aa/eé dirii', laqaá tam baraá iiara'aduú naa sláw dír múk Yahudír wa aleeró, tiwa gaasár wa slai.

Tlehhema'aá ya/Abuuse 20:31

Gawaá adoorihe, kuungá' dalaaé'. Ma gunqaruutara' adór aníng kuungá' sleémeero nura hara'ayiyiím ar hhirhheeri, xweera nee tlaatla/aango, baraá kureeraá tame, slám naa baloó mawiiká.

Tlehhema'aá ya/Abuuse 20:37

Sleémeero tari ló'wa /aa/amín, Paulo kuri slaqooín i ohín kuri ma'amiís.

Filipi 1:8

Mungú ga xuu' adór án kuungá' sleémeero nur artá wa slaá', asma nuwa ló'wa slaa' ar sla'aaridár amór Kristo Yésú daahh.

Filipi 2:1

Slafingwhúng baraá Kristoowo i /uuruú huwahúwi? Sla'aarirós nu gurkwa/amísa? Dinku'uumár baraá Qeeru i deéro? Hhooa nee gurtleemu i koondá'a?

Kolosai 3:12

Kuungá' a múk Mungú aa tsawaár, mukós oo hhohó' oo i slai. Gawaá adoorihe muunuú gurtleemu koomaak, nee hhooeema, ti kiloohúng niinaweemise', nee tsatsaa'areema koomaak, nee qiqtliingw.

2 Timoteo 1:4

Hhirhheeriwók bira insláw, aníng gár ni ló'wa slaa' a kuúng un ár, as kahhó' muunaáeé' iwa hatsi qwal/uwo.

1 Yohana 3:17

Ala heé muruú baraaká' yaamu gu koóm, bar hhiyaawós oo gár koomaaká gun tawó ga/áy, ala gu alee/iimisiiká, xáy sla'aarír Mungú iqo deéro baraá heé adoorihe?