IIMU/UUNGW 43:26 - Biblía Axweesantá Hhohho' ar Mungú 2004

²⁶ Yosefu iwa hardáh dír do', qeemuudá' kway amoorós huúw, kudá' taa dabaaín ar kon, kuri baraadií huúw amór Yosefu, kuri i tumbarara'aát.

IIMU/UUNGW 43:26 Iomraidhean Croise

IIMU/UUNGW 27:29

Tlahh'aá muu u sagadiyuusiye', nee xoordu u ilaiwawa/iye'. Kuúng hhaeewók ki sawaawuti'iín, nee na/aá aayírók u ilaiwawa/iye'. Kudá' kuúng u lu'ús, ku lu'usi, nee kudá' kuúng u tsuúq, ku tsuuqi.»

IIMU/UUNGW 33:3

Inós kilós iri waaraáhh geeraaín i alé. Iwa nakaá/ geeraá hhiyaawós i alé, iri xupapuú' yaamií alé ay sagaáwa faanqw.

IIMU/UUNGW 42:6

Yosefu qoomaadae a ga/aawusmo baraá yaamudae. Inós an heé muu sleémeero gu balángw i weermiís baraá yaamudae. Hha'aá Yosefu sleeme nina hardihiyé', tay xupuú' ay yaamu dír geeraawós i alé.

IIMU/UUNGW 43:11

Baabuúwós Israeli iri oó', «Bar adoosíng, adoorí na tleehhaak, muruú hhó' oo yaamu na huwaak ar xosluuhúng: Di/tá niina ar mooyaangw, danuú niiná, moqoonjó, nee mooyangwdá' ta babay manemane, josi, gár adór karaánga, nee loósi, gár adór miniqiti.

IIMU/UUNGW 43:28

Inooín tari oó', «Lawaalmoowók baabuúrén i saayuut, nee inós i slafaafín.» Kuri i tumbarara'aát as kuwa ilaiwawa/i.

WARA'AMI 72:9

Kudá' baraá xaanxáy wa hootá', i geeraawós i tumbarara'atiye' nee wakuuseerós afe ngi yaamúr dits.

TI'INAANGW 18:7

Mose iri tláy as ngiwa al'ay. Tiwa doogiyé', iri tumbarara'aát dír geeraá taatoó hareerós, guri ma'aás. Saayú nguwa hhe'eesiyé' hayooharo, tari dáh baraá heéma.

Rumi 14:11

Asma Gooi i kat, «Aako i kaahi. Adoodá' aníng nir slaaf, umuúqo heewo i geeraaeé' tumbarara'aat, nee umuúqo tsifraango Mungú guri xirfayees.»