IIMU/UUNGW 43:23 - Biblía Axweesantá Hhohho' ar Mungú 2004

²³ Giri báy, «Wayda amorhúng, ma da'ayumiitaara'. Munguúhúng, Munguú baabuúhúng, inós peésarhúng ngina qaás baraá afér mayshuuhúng. Peésarhúng naa qaro amor'eé' hardát.» Aluuwo Simeon guri amor'ínií duúx.

IIMU/UUNGW 43:23 Iomraidhean Croise

IIMU/UUNGW 42:24

Yosefu tina paraátl dir'ine, iri /aá/. /Aa/eewo iwa hhe'eés, iri amor'ín i kií/ as iwa axweesi nee inooín. Simeon guri taataáhh baraá tla/angw'ín wa alé, guri dahaás baraá doó tsegma dír ilaaín wa alé.

IIMU/UUNGW 42:28

Hhaeewós giri báy, «Peésar'eé' baré kinga ki/ís, i baraá afkú mayshór'eé' i dirí'!» Daeero niri hasla'amiitiyé'. Tiri kilooín harawarqayé', tari daaraáx ta kaahi, «Gaarí a milá Mungú naa atén i tleéhh?»

IIMU/UUNGW 42:36

Baabuúín Yakobo giri báy, «na/iieé' iga hingesé' dir'eene. Yosefu i kaahh, tam Simeon i kaahh. Nee Benyamini u sla'á' kuwa ar tleera'. Kaangwí sleémeero án kilooeé' in slahh'eemiis.»

IIMU/UUNGW 43:14

Munguú Aleesleemusmo nu alee/iisi, gurtleemu kuwa sleera' dír heedaádae, as kahhó' niwa ki/a' nee Benyamini nee hhiyaahúng kuduú hatlá' sleeme. Amor'eene barnaxes na/iieé' nin qatliyá', i qatliye'.»

IIMU/UUNGW 43:22

Atén hamí ar hatlá' ngina malé huwaán ar dabaarén, as muruú /ayma kuwa tlaxwaan. A xuaanaaká heé peésaarén gaa qaas baraá mayshuuréní alé.»

1 QOM'I 12:18

Naagáy Qeeruú Mungú Amasai gway hatsiís, kuduú geeraharusmoó úr oo kudaá mibeeraá tám, iri oó', «Aá, Daudi garmoó Yese, atén a kók, atén a bartók, aá garmoó Yese! Wayda, eeít wayda ta amoorók, nee wayda dír kudá' kuúng u alee/imiisá'. Asma Munguúwók an kudá' kuúng u ale/iimiís.» Aluuwo Daudi giri ilaaóh. Giri qaás geeraharuusér slaqwaruusér wa ale.

1 QOM'I 12:19

Askaárír hatlá' ar tlahhoó Manase tana haragwaá' amór Daudi qoomár Daudi nee múk Filisti tiwa alkona' as tawa slaqwi nee waawutmo Saulo. Ala Daudi múk Filisti gwaa alee/isiiká, asma geeraharuusér múk Filisti ta xurumiit, Daudi ngiwa geewaqaati dír Saulo, gawaá adoorihe Daudi kway alií ki/ís.

ESRA 4:17

Naagáy waawutmo mu/aywatsa gari ki/ís iri oó', «Amór Rehumu, geeraharusmoó slaqwaruuse nee Shimshai, goousmo, nee hhaeeín awa hatlá' awa baraá yaamaá Samariár hootá', nee yaamaá hatlá' awa gayuú /uwa awa yaaér Eufrate, laawaay.

Luka 10:5

Doó ti data'a ta geerií oa', ‹Wayda doohúng ngu ay.›

Luka 24:36

Qoomár tawa kaangwí axweesi, Yesu inósuú kilá' iri tla/angw'íní sihhiít, giri báy, «Wayda ilaoohaak.»

Yohana 14:27

«Wayda ngu kuungá' i geexáw, wayduueé' ngun haniís. Wayduudá' aníng ni hanmiis, a adór wayduuduú mukwí oo baraaká' yaamu ni hanmiisiiká. Ma amoqwaqwadiimara' baraá munerhunge, slám ma da'ayumitaara'.

Yohana 20:19

Bál deelór Jumapiíliro, looa iwa dát, eeharuuse i dinkwár i dirí'. Afkú do' kwaa tseék, asma múk Yahudi kuwa da'ayumiti. Yesu iri dir'íní hardáh, iri tla/angw'ín i sihhiít, giri báy, «Wayda masók i dirhúng.»

Yohana 20:21

Yesu giri malé báy, «Wayda masók i dirhúng. Adór Baabá aníng ira ya/aáw, aníng kuungá' sleeme nun ya/aáw.»

Yohana 20:26

Alaá deelo dakaát iwa waaráhh, eeharuuse i malé dinkwár i dirí' baraá do', nee Tomas i dinkwa nee inooín. Tam afkú do' kwa tseegi. Ala Yesu nay dir'íní hardáh, iri tla/angw'ín i sihhiít, giri báy, «Wayda masók i dirhúng.»

HAR'OHUUSE 19:20

Aakoodá' iri oó', «Wayda masók i dirhúng umuú gár ta sla'a a daanduueé', ala ma dír tlahhaywí deelaar.»

HAR'OHUUSE 6:23

Ala AAKOÓ MUNGÚ guri báy, «Wayda koomeek, ma da'ayumiitaar, kuúng a gwa'aká.»

1 SAMUELI 25:6

Inós ku beerá', ‹Daudi kuúng ugwa intsihhiís, waydar hooteek, nee múk do'oge, nee tidá' sleémeero ta koonda.