IIMU/UUNGW 43:18 - Biblía Axweesantá Hhohho' ar Mungú 2004

¹⁸ Ala mukdá' ina da'ayuút kuwa huúw amór doó Yosefu. Inooín tari oó', «Gár tisa amoorí huúw doóqa a peésaadá' tinda ki/ís baraá mayshuurén waiidaá geeraawo. Doóqa daxta atén tin hara/uuntsín tiri muux, daqwayeerén kari hayoh, atén tiri lawaaleerós tleehh.»

IIMU/UUNGW 43:18 Iomraidhean Croise

IIMU/UUNGW 42:21

Tari kilooín axweés ta kaahi, «A looeema atén hhiyaarén una sadakuusaán. Asma slahh'amaayér muunaáwós ana araán, qoomár tiwa firiirín, ala atén ugwa axaasaniiká. Ala hamí daxta slahh'amaayeerí atén taa sleér.»

IIMU/UUNGW 42:27

Heé wák baraá tla/angw'ine mayshoó ngiwa gweér, as daqwaywós nguwa muruú /aymárií haniisi, qoomár tawa baraá doó dahaayér i dirii'i, peésarós gana ár naxés i baraá afkú mayshoórós i dirí'.

IIMU/UUNGW 42:28

Hhaeewós giri báy, «Peésar'eé' baré kinga ki/ís, i baraá afkú mayshór'eé' i dirí'!» Daeero niri hasla'amiitiyé'. Tiri kilooín harawarqayé', tari daaraáx ta kaahi, «Gaarí a milá Mungú naa atén i tleéhh?»

IIMU/UUNGW 42:35

Naxés mayshuuín kiwa ku'uús, laatí peésár umuúqo heewo i baraá mayshoorós. Ala peésar'ín ngiwa ariyé', inooín nee baabuúine tari da'ayuút.

IIMU/UUNGW 43:17

Heedaádá' adoodá' Yosefu aa oó' gari tleéhh, inós mukdá' guri huúw amór doó Yosefu.

IIMU/UUNGW 43:19

Geeraharusmooduú doó Yosefu kuri harasaáp, tari axweés nee inós afkú dó' wa ale.

IIMU/UUNGW 44:8

Aáko, inslaweek, peésaadá' taa baraá afér mayshuurén i awaán, ngina ar ki/aán iimír baraá Kana'anír wa alé, xáy, adór ir ya/aan atén tari malé muqslír /awaak laqaá sahaábu fiisaán baraá doó aakoowók wa alé.

YOBU 15:21

Afór de'e tlaaq i baraá iaawós wá tseeamiín. Qoomár iwa diihhe'eés fisuuse gun haraadát.

YOBU 30:14

Nin amor'eéní hardihiyá' adór múk naa baraá wa/aángwár oh, tin i haratláy ar tsimaahhír yaariir.

WARA'AMI 53:5

Didae dae giri eér, daér taa baloó xuiiká. Asma Mungú fadaá múk tlákw gi tsiyayaax. Giri mureekees, asma AAKOÓ MUNGÚ inooín gaa sií'.

WARA'AMI 73:16

Ala qoomár aníng muruuwí nguwa aldaákw as nguwa tsaahh, naxés iri gawdúy dir'eene.

ISAYA 7:2

Qoomár múk Yuda kuwa kaangwí báy, adór múk Aramu nee oo Efraimu tara aldinku'uumiís, muunuú waawutmo nee munér muko iri daaráx adór xaa'aá baraá gara fur'a ngir diingimaamis.

DANIELI 6:4

Mukdá' urén dinkwa nee ga/awuuse adór Danieli ngur lámtí tsatiya' ngiri leelehhitiyé' baraá muruú waawuti'iimaro, ala nga slay'iiká, asma Danieli i ló'wa inkihhimuú kón, asma dakuusár Danieli aa tleéhh i káhh. Laqaá insarehhamoó taa ár i kaahh.

Marko 6:16

Ala Herode tí ngiwa axaás iri oó', «Heesíng a Yohane kudá' naa saga tsaát nina waasleé/.»

Rumi 7:8

Tlakweema hara'aya ngina ar gadiyuusiyé', ilatleerír dimbadimbé ngiri tleesiyé' baraaeé' wa ale. Asma hara'aya bir káhh, tlakweema naa gwaaiyé'.

DABE 22:14

nee gari sakwasleemuút iwa kaahi, ‹/Ameenirí nee hhawaata naa alqaatiyé' án ngiwa duuxa, aníng ana tsaáhh qoomár niwa alqaataán.›

DABE 22:17

nee gaa lámtí tsaát, i kaahi, dasiirí nee hhawaata taa qaroó alqaát, aníng ngiwa duuxa.› Aluuwo inooín inqwaaridár lamabu'uungw ngi dír geeraá bariisér gixsár wa laqane'.

HAR'OHUUSE 13:22

Manoa hareerós gari báy, «Gimáy daxta atén a qatlaán, asma Mungú ugwa araán.»

HAR'OHUUSE 14:4

Ala baabuúwós nee aayorose gaarí kaa xuiiká adór tar gár amór AAKOÓ MUNGÚ daahh, asma li/aay gun bu'utá wa slaa' dír múk Filisti. Qoomaadae múk Filisti múk Israeli gun sawaawuti'ii'ín.