IIMU/UUNGW 43:14 - Biblía Axweesantá Hhohho' ar Mungú 2004

¹⁴ Munguú Aleesleemusmo nu alee/iisi, gurtleemu kuwa sleera' dír heedaádae, as kahhó' niwa ki/a' nee Benyamini nee hhiyaahúng kuduú hatlá' sleeme. Amor'eene barnaxes na/iieé' nin qatliyá', i qatliye'.»

IIMU/UUNGW 43:14 Iomraidhean Croise

IIMU/UUNGW 17:1

Abramu qoomár kureeriiwós tawa mibeeri gwaleél nee gwaleél AAKOÓ MUNGÚ guna harati'iít, guri báy, «Aníng a Munguú Aleesleemusmo. Dir'eé' wa hootang, masók tu xaslxaansli wásl.

IIMU/UUNGW 22:14

Abrahamu yaamuudá' giri báy, «AAKOÓ MUNGÚ ngi haniis.» Adoodá' kar ateetin tam de'emuuká', «Gawaá tloomár AAKOÓ MUNGUHE kingi haniis.

IIMU/UUNGW 28:3

Munguú Aleesleemusmo u tsuuqi as xwaylár yaariir kawa sleer nee iwa doogiin, as tawa múk yaariír tleehhit.

IIMU/UUNGW 35:11

Mungú guri báy, «Aníng an Munguú duú Aleesleemusmoó mura' sleémeero, kumiít tawa doogiin. Xoordaá yaariir nin baraawók wa ti'iitiyá', nee waawitá sleeme.

IIMU/UUNGW 39:21

Ala tam baraá doó tseegmuuwo AAKOÓ MUNGÚ i dinkwa nee Yosefu, AAKOÓ MUNGÚ Yosefu guri tsuúq, tam geeraharusmooduú doó tsegma guri gurií baá/.

IIMU/UUNGW 42:24

Yosefu tina paraátl dir'ine, iri /aá/. /Aa/eewo iwa hhe'eés, iri amor'ín i kií/ as iwa axweesi nee inooín. Simeon guri taataáhh baraá tla/angw'ín wa alé, guri dahaás baraá doó tsegma dír ilaaín wa alé.

IIMU/UUNGW 42:36

Baabuúín Yakobo giri báy, «na/iieé' iga hingesé' dir'eene. Yosefu i kaahh, tam Simeon i kaahh. Nee Benyamini u sla'á' kuwa ar tleera'. Kaangwí sleémeero án kilooeé' in slahh'eemiis.»

IIMU/UUNGW 43:13

Tlawsé', hhiyaahúng huwaak, nee ta ki/á' amór heedaádá' i alé.

IIMU/UUNGW 44:12

Inós mayshu gina afe xuuxu'ún, iimír ar kuduú barsuú wa alé, ay kuduú aluutmo. Isaangidár wahaangw gari sláy baraá mayshór Benyamini wa alé.

ESRA 7:27

Esra iri oó', «AAKOÓ MUNGÚ, Munguú baabi'iirén i xirfuuti, kudá' inslawaywí gwaa qaas baraá muunuú waawutmo ar doó AAKOÓ MUNGÚ nguwa parootuusi kuduú baraá Yerusalemu.

NEHEMIA 1:11

Aá Aáko, un fiririím iiarók qaaseek, firór anuú sagadiyusmoowók iiarií qaaseek, nee firór sagadiyuuseerók tidá' qwalalaa/ umuuwók kuwa ilaiwawa/i. Un firiím án iwa iiárií qas, nee anuú sagadiyusmoowók iwa loohírí tlehh as waawutmo iwa gurtlay.» Asma aníng muruú wahángw waawutmo un amohhe'eemamiís.

ESTA 4:16

«Tláw, múk Yahudi sleémeero oo diirír Susarí dirií' burumbureek, ta gwaawiindá' as aníng. Ma /ayimaara' laqaá ma gaa wahaara' har afiqoomár deelo tame, xweera nee tlaatla/aango. Aníng nee sagadiyuuser'eé' a gwaawimaán sleeme, daqaní niri dáh amór waawutmo adoodá' dabe i sla'aká, ar naa hamat bar gwa'ara ni gwaá'.»

WARA'AMI 100:5

Asma AAKOÓ MUNGÚ ku hhoó', sla'aarirós ar warqawaaká ka alhhe'eesay wasl, nee inkihhimuwós oo umuú qari.

WARA'AMI 106:46

Kudá' sleémeero inooín ngaa oohine' haasaáng wa ale, ngiri gurtlayé'.

WARA'AMI 119:41

AAKOÓ MUNGÚ sla'aarirók ar warqawaaká laqaamang, ba/amisáng adoodá' kara ó'.

WARA'AMI 85:7

AAKOÓ MUNGÚ, sla'aarirók ar warqawaaká atén i laqaamang, atén ti ba/amis.

AXWEESANOÓ SAGALOOA 1:1

Kaangwí an axweesanoó sagalooa oo Solomon garmoó Daudi, waawutmoó múk Israeli.

AXWEESANOÓ SAGALOOA 16:7

Hotaá hee bar AAKOÓ MUNGÚ ngwa sla'atisiyé', tam nee wakuuseerós tiri slaiyá'.

AXWEESANOÓ SAGALOOA 21:1

Inslawoó waawutmo baraá dabaá AAKOÓ MUNGUHE a adór kutlá ma'aay, gun warqeemiis amór ngur slai,

ISAYA 49:13

Kuungaá doóri daaé' ar qwala/, kuungaá yaámu xirfayeemisé' kuungaá tlóm'i baraa/é', asma AAKOÓ MUNGÚ mukós gwaa gurkwa/ás nee mukós kudá' aa slahhahhaa' gwaa gurtláy.

Luka 1:50

Nee gurtleemuuwós i kumaamiit umuúqo qarto dír kudá' inós ngu ilaiwawa/a'a.

Yohana 19:22

Pilato iri oó', «Gár án naa gooiím, aga gooiím.»

Tlehhema'aá ya/Abuuse 21:14

Gurbu'utarén ngiwa sií', tari xasliitaán, tari ooaán, «Sla'aarír Aako i tleehharut.»

Tlehhema'aá ya/Abuuse 7:10

Mungú guri ba/amís baraá slahh'amaayeerós tidá' sleémeerowo. Guri aleesleemií haniís nee sagalooaro tam Farao waawutmoó yaamaá Misri guri gurií baá/. Yosefu kuri uráy haniís nee Farao gawaá daanduú yaamuuwose nee daanduú do'ós sleémeerowo.

1 Timoteo 1:16

Gawaá adoorihe gaarí an gár án gurtleemu ngusa sláw, as Yesu Kristo qiqtliingós nguwa laqán dir'eé' alé, aniíduú tlakusmoó úr, as aníng niwa slaqsaay tleehhiit dír mukduú hatlá' oo aluú wa haratlintiia, nee slafíngw alhhe'eesay wásl kuwa slay.

1 Timoteo 1:2

Barwaárí ngina gooiím amoorók Timoteo, garmaaeé' oo kilá' oo baraá haratlintaao. Mungú Baabá nee Aakoorén Kristo Yesu kuúng u tsuuqi, nee u gurtlay, nee u waydií haniisi.

Tito 1:4

Tito, kuúng a garmaaeé' oo kilá' baraá haratlintaaoorí ta koomaana. Aníng barwaárí ngina amoorók gooiím. Mungú Baabuúrén nee Kristo Yesu, Ba/amusmoorén, kuúng u tsuuqi, nee u waydií haniisi.

2 Yohana 1:3

Mungú Baabá nee Garmaawós Yesu Kristo atén ti tsuuqi, nee ti gurtlay, nee ti waydií haniisi ar baraá looeema nee sla'aari.