IIMU/UUNGW 43:11 - Biblía Axweesantá Hhohho' ar Mungú 2004

¹¹ Baabuúwós Israeli iri oó', «Bar adoosíng, adoorí na tleehhaak, muruú hhó' oo yaamu na huwaak ar xosluuhúng: Di/tá niina ar mooyaangw, danuú niiná, moqoonjó, nee mooyangwdá' ta babay manemane, josi, gár adór karaánga, nee loósi, gár adór miniqiti.

IIMU/UUNGW 43:11 Iomraidhean Croise

IIMU/UUNGW 33:10

Yakobo iri oó', «Aasla'áy, án kuúng bira ya/aán, na'ás, muruueé' kwí ni koom ooheek, án kuúng uwa ár a adór heé gitsee/aá Mungú gaa ar, ar adoorí aníng kuúng ira ilaaót ar gurhhooa.

IIMU/UUNGW 37:25

Tari iwiít as tawa /ayin. Naxés tawa qaytsiít, múk Ishmaeli kuna ár oo aauuse, naa hardáh, ta yaamaá Gileadír daahh. Inooín a múk halaanu'uumár tleéhh. I angamíar'ín koná'. Nee muruuín kudá' ta weerimiisi angamía gun loohís. Gár i kona' a moqoonjó nee garka mooyángw tsuú' koom qoomár barka daá/, nee mooyangwko ta babay manemane, kun yaamaá Misrír i huuw.

IIMU/UUNGW 43:10

Asma geera bar aga tligaaniikahe, geera alók aga qaroó daqawán, niri qaroó ki/aán ki/imaá tsare.»

IIMU/UUNGW 43:14

Munguú Aleesleemusmo nu alee/iisi, gurtleemu kuwa sleera' dír heedaádae, as kahhó' niwa ki/a' nee Benyamini nee hhiyaahúng kuduú hatlá' sleeme. Amor'eene barnaxes na/iieé' nin qatliyá', i qatliye'.»

IIMU/UUNGW 43:15

Naagáy, mukdaádá' qeemuudá' kuri huúw, nee peésaadá' kari sagaá wa tsár wa doók, tari tláy nee Benyaminiwo, tari aweér ay Misri, tari sihhiít dír geeraá Yosefu.

IIMU/UUNGW 43:25

Qeemuudá' ta dír Yosefu haniisi kuri amohhe'eés, asma kaa axaás nee Yosefu tawa al/ayin tlaatla/aango.

IIMU/UUNGW 43:26

Yosefu iwa hardáh dír do', qeemuudá' kway amoorós huúw, kudá' taa dabaaín ar kon, kuri baraadií huúw amór Yosefu, kuri i tumbarara'aát.

1 WAAWITÁ 10:15

Tí i dinkwaarooká nee sahaábuú aa sláy baraá weeramisuú wa alé, nee kuduú mukdá' halaanu'uumár tleéhh, nee oo waawituú Arabia, nee amór ga/aawuusér ayeemaá yaamaá Israeli.

1 WAAWITÁ 10:25

Umuú heewo qeemu nguri huúw oo xooslár taa tleéhh ar peésa nee sahaábu nee tlaba' nee manemáne nee mooyaangw nee faras nee wayshama', umuú kurko Solomon qeemuuwí guna ilaaohín.

1 WAAWITÁ 15:19

«Qwaláng aníng nee kuúng al'axweesani a qaasaán adoodár baabi'iirén al'axweesani ngira qaasiyé'. Qaytsiít, aníng kuúng ugwa qeemuú peésa nee sahaábuwií ya/aáw. Gám tláw al'axweesantadá' taa qasé' nee waawutmo Ba'asha oo yaamaá Israeli warqeeseek, as daqaní slaqwarár amor'eé' ga máy.»

1 WAAWITÁ 4:21

Solomon xoordu sleémeero gina sawaawuti'ín, iimír yaaér Eufrate wa tleemu ay yaamaá Filisti ay digmuú yaamaá Misri. Inooín nguna koódírí hanmiisiyé', nguri sagadiyuusiyé' baraá slafiingós sleémeero.

2 WAAWITÁ 16:8

Ahasi peésaadár baraá Doó AAKOÓ MUNGÚ, nee sahaábu, nee muruú baraá doó waawutmo, gari haniís tawa qeemuú waawutmoó Ashuru.

2 WAAWITÁ 20:12

Qoomaarihe waawutmo Merodak-baladani garmoó Baladani waawutmoó Babuloni gana axaás adór Hesekia ira tiíq nee hám daxta aa huunguú/. Inós barwiito'o gana ya/aáw dinkwa nee qeemuwo amór waawutmo Hesekia.

2 WAAWITÁ 8:8

Waawutmo sagadiyusmoowós kudá' ta bay Hasaeli guri báy, «Tláw, qeemuuwí huweek amór heé Mungú, ku beer, ‹Gám AAKOÓ MUNGÚ yaahasang, a huunguú/a laqaá huungu/aaká?› »

ESTA 4:16

«Tláw, múk Yahudi sleémeero oo diirír Susarí dirií' burumbureek, ta gwaawiindá' as aníng. Ma /ayimaara' laqaá ma gaa wahaara' har afiqoomár deelo tame, xweera nee tlaatla/aango. Aníng nee sagadiyuuser'eé' a gwaawimaán sleeme, daqaní niri dáh amór waawutmo adoodá' dabe i sla'aká, ar naa hamat bar gwa'ara ni gwaá'.»

WARA'AMI 68:29

Waawitá u qeemií huuw, as Do'ók kudá' hhoohhoó' oo baraá Yerusalemu.

WARA'AMI 72:10

Waawituú Tarshishi nee múk yaamaá kaahaar oo baraá tla/ángw tláwtií dirií', koódi ngi huwiye', waawituú baraá Sheba nee Seba qeemuú i kona' ngu haniisiye'.

WARA'AMI 76:11

Al'axweesantók tidá' taa qás boo/eeseek dír AAKOÓ Munguúwoge. Mukdá' sleémeero tseéw ilahhooa ngi huwi dír inósuudá' ilaiwa/amér wa hariím.

TI'INAANGW 3:8

Aníng nina hardáh asma inooín ngiwa tuu/ baraá dabaá múk Misri wa alé, nee in huúw ay baraá yaamaá hhooá', yaamaá iintlaaxw, yaamaá diihooár ilwa nee dane, yaamuudá' ta hooti nee xoorór Kana'ani, nee ar Hiti, nee ar Amori, nee Perisi, nee Hifi, nee ar Yebusi.

AXWEESANOÓ SAGALOOA 17:18

Heé arhaánír qamiím daanduú heé wa alé i fuqurángw konká, tam kudá' aa sihhiit daanduú heé wa alé.

AXWEESANOÓ SAGALOOA 18:16

Heé taa aleesleemuú i haniís kwaa loohirí tleéhh. Iri dah ay dír geeraá múk urén.

AXWEESANOÓ SAGALOOA 19:6

Múk yaariír tin kilooín sla'atamamisiyá' dír geeraharuuse, nee umuúqo heewo ga slaa' tawa mulqumo dír heé múk /iimisa.

AXWEESANOÓ SAGALOOA 21:14

Heé aa buuhh bura qawti garkár i hanís in xasliit, Heé xaraásl bura slúk qawti ale in tsaúy.

DAA'AANGW 4:10

Hho'or'eé', sla'aaruso'or'eé' ar ni duxuut, sla'aarirók i ló'wa tsú', ka afhhamít ta difaáiro. Maraáshirók i mooyángw tsuú' koón ta mooyaangw sleémeerowo.

DAA'AANGW 4:14

Nárdo nee tidá' ta bay safaraáni nee mehaái nee dalasiíni, manemáne nee mooyángw tsuú' oo ta bay uúdi nee xaa'aá hatlá' awa mooyángw koomá'.

DAA'AANGW 8:14

Sla'aarusmooeé', xaáweek gaanslár ale, adór saaragi laqaá tsagnír batliito'o, tidá' gawaá tloomár mooyángw koóm i dirii'.

YEREMIA 8:22

Ahaá, baraá yaamaá Gileadiwo xa'anoó maasáy i káhhi? Ahaá, qwaslaarmo i káhhi Gileadiwo? Ahaá baré muk'eé' kuú narkute kwa hungu/uusiiká.

ESEKIELI 27:15

Múk Dedani halaanu'uuma gana tleéhh nee kiíng. Yaamaá afkú tlawi an dír kiíng muruuwók kwi weeramaamis. Mukós ina xareemaá daaweérí huúw nee meendáy as tawa bu'utuú muruuwók.

ESEKIELI 27:17

Tam múk Yuda nee oo Israeli halaanu'uuma ngina tleehhiyé' nee kiíng. Inooín angaáno nguna hanisiyé', nee seituúni, nee /aantsír aa geerií hamat, nee dane, nee di/i nee mooyángw tsuú', as bu'utuú muruuwók.

ESEKIELI 27:22

Mukdaádá' muruú tlaxuúm oo Sheba nee oo Rama halaanu'uuma ngina tleehhiyé' nee kiíng, muruudá' ta baraá muruú /aymárií qamin nguna huwiyé', nee tlaa/aá tlaxo uren, nee sahaábuwo, xooslaarók tidá' hhohho' kari sláy.

TLAHHOÓ LAÁWI 20:24

Ala án kuungá' naa qaroó báw, yaamuusíng a aalirhúng, yaamaá diihhooár ilwa nee dane. Aníng an AAKOÓ MUNGÚ, Munguúhúng, kudá' kuungá' naa paraatl dír xoordaá hatlae.

Tlehhema'aá ya/Abuuse 21:14

Gurbu'utarén ngiwa sií', tari xasliitaán, tari ooaán, «Sla'aarír Aako i tleehharut.»

DABE 33:14

Yaamuuwós ki tsuuqi ar mamaá tsee/amá aa hamaareés, nee ki tsuuqi ar mamaá umuú slahhaangw.

1 SAMUELI 25:27

Nee hamí aakooeé', na'ás, qeemuueé' kwí ni koom ilaooheek daaqaywók kwisíng nee kuúng ti koomá' tir qeer.

1 SAMUELI 9:7

Saulo sagadiyusmoowós kudá' guri báy, «Ala qaytsiít, bar daqawán gár ta huwaan a milá amór heesinge? Asma muruú /ayma aa faák baraá xosluurene, tam ilahhooár ta huwaan dír heé Mungú i kaahh, gár atén ta koomaan a milá?»