IIMU/UUNGW 42:9 - Biblía Axweesantá Hhohho' ar Mungú 2004

⁹ Yosefu tlataawós kudá' aa tlatiitín daanduuine giri insláy. Giri báy, «Kuungá' yaamu ngina tsee/aaríngw eeré', as /aareemaá yaamurén kiwa aanda'.»

IIMU/UUNGW 42:9 Iomraidhean Croise

IIMU/UUNGW 37:11

Hhaeewós gur'e giri ohiín, ala baabuúwós muruuwí sleémeero guri baraá muunaáwós i qaás, as nguwa aldakwi.

IIMU/UUNGW 42:16

Hhiyaahúng oo wák ya/aawaak i tlay, hhiyaahúng kudá' niiná ngu leehhi, nee kuungá' tundu ala tseegi. Daqaní looeemaá axweesanayhúng kwí u tsaáhh. Bar adooriheeká, daqaní kuungá' a tsuwá tsee/aruuse.»

IIMU/UUNGW 42:34

Hhiyaahúng kudá' niiná huwaare'. Daqaní án kuungá' nu tsaáhh adór tar tsee/aruuseerooká, ala a múk looeema. Daqaní hhiyaahúng ngu ki/ís. Kuungá' daqaní halaanu'uuma kari tlehhá' baraá yaamuká' wa ale.› »

2 SAMUELI 10:3

geeraharuusér uren ar múk Amoni aakooín guri beér, «Hanuúni, xáy, kawa xu' Daudi muu nguwa amoorógi ya/aáw uwa gurkwa/asi as baabuúwók nguwa ilaiwawá/i? Xáy, Daudi muu ngwa ya/aawikáhe, as gixsa ngiwa tsee/aarina' nee kawa tsawtsawusi aluuwo kari hayoh.»

TI'INAANGW 32:35

AAKOÓ MUNGÚ muu guri tiqtír pú/tí kwaáhh, as adoodá' Aroni nguwa firiné' ngiwa murslaaqatuú damaárí tleehhi.

FAARO 13:2

«Muu ya/aaweek yaamaá Kana'ani, kudá' ni haniisár wa slaa' dír Israeli, ngi tsawtsawuusiye'. Heé wák ya/aaweek dír umuú tlahhaaywo, nee masók heedaádá' a geeraharusmoó tlahhaydá'.»

Luka 20:20

Pa/ángw qoóm kuna leelehhiít, muu kuri ya/aáw amór Yesu, nee mukdá' tina adór mulqeerós tleéhh, as Yesu kuwa gigdin gawaá axweesanaywós kudá' i kaahi, as /aymu kuwa slay oo kur sakwasleemuuti aluuwo dír ga/aawusmoó waawutmoó múk Roma.

Ebrania 11:31

Rahabu, /ameenidár tsaatuso'o, sleeme i haratlintaaór koón. Inós kaa gaasiiká dinkwa nee mukdá' aa dee/aanuut. Asma inós mukdá' aa tsee/aaríngw ay guna dahi'ís ar wayda.

YOSHUA 2:1

Qoomár tawa Shitimúrí kahhi, Yoshua garmoó Nuni, múk tsár guri qawtí ya/aáw, guri báy, «Tlawsé' yaamaá Kana'ani tsawtsawuusare', kawa ure gixsár Yeriko.» Tari tláy. Tawa hardáh baraá gixsár Yerikoro, tari deél dír doó /ameenír tsaatuso'o ar ta bay Rahabu.

YOSHUA 6:23

Masoombadár tsawtsawuuse iri dát baraá do'dá', Rahabu kari tsee/ií duúx nee baabuúwose nee aayoorose nee hhaeewose nee mar'eefowose, kiri huúw ay dír tsee/aá xaftá múk Israeli.

HAR'OHUUSE 1:24

Mukdá' aa tsatsawuusér ay heeko wák nguna ariyé' naa ti'iít baraá gixsár wa ale, kuri báy, «Na'ás, loohír dahmuú baraá gixsarí laqaamang, atén kuúng u gár hhoóí tleehhaán.»

1 SAMUELI 26:4

Daudi tsawtsawuuse gari ya/aáw, looeemaá hardahamuú Saulo giri sláy.