IIMU/UUNGW 42:4 - Biblía Axweesantá Hhohho' ar Mungú 2004

⁴ Ala Yakobo aa ya/aniká Benyamini daa'awmoó Yosefu nee hhaeewós tiwa alkona', asma ina da'ayuút, iri oó', «Wané tsaxwa gi sláy baraá aaiiwo.»

IIMU/UUNGW 42:4 Iomraidhean Croise

IIMU/UUNGW 11:4

Tari oó', «Gimsé', gixsarén a tleehhaán, nee baraá gixsarihe doó tleér u tleehhaán, oo tsitsinirós gawaá doorí hardah, nee tawa iiatleeruwaan, as mawa diya/ataán baraá yaamu sleémeero.»

IIMU/UUNGW 3:22

AAKOÓ Mungú iri oó', «Ga/aaweek, hee daxta aa adór atén tleehhiít gawaá xu'utír hhooeema nee tlakweemaawo. Ala wané dakose mamaá xa'anoó slafíngw koóm gi taataahh, giri /aay, iri slaaf ay kureeraá kureér.»

IIMU/UUNGW 35:24

Daaqoó Raheli an Yosefu nee Benyamini.

IIMU/UUNGW 42:3

Naagáy hhaeedá' mibaangw awa Yosefu niri /eetiyé' baraá yaamaá Misrír i alé, as balaangw nguwa tlaxwiya'.

IIMU/UUNGW 42:38

Yakobo iri oó', «Garmaaeé' nee kuungá' a al/eta'aaká. Asma daa'awmoowós ina gwaá', inós kilós ina meét. Aníng a aakoó al/awtantá koóm. Loohiro bar gitsee/aá tlaakwá' ngaa sláy, gám daqaní aníng iga gasé' ar gurhaami baraá diimay'eene.»

IIMU/UUNGW 43:14

Munguú Aleesleemusmo nu alee/iisi, gurtleemu kuwa sleera' dír heedaádae, as kahhó' niwa ki/a' nee Benyamini nee hhiyaahúng kuduú hatlá' sleeme. Amor'eene barnaxes na/iieé' nin qatliyá', i qatliye'.»

IIMU/UUNGW 43:29

Yosefu iwa qaytsiít, Benyamini daa'awmoowós guna ár, iri oó', «Heewí a hhiyaahúng kudá' niiná kuungá' ta katá'a?» Benyamini guri báy, «Mungú u tsuuqi, garmaaeé'.»