IIMU/UUNGW 42:38 - Biblía Axweesantá Hhohho' ar Mungú 2004

³⁸ Yakobo iri oó', «Garmaaeé' nee kuungá' a al/eta'aaká. Asma daa'awmoowós ina gwaá', inós kilós ina meét. Aníng a aakoó al/awtantá koóm. Loohiro bar gitsee/aá tlaakwá' ngaa sláy, gám daqaní aníng iga gasé' ar gurhaami baraá diimay'eene.»

IIMU/UUNGW 42:38 Iomraidhean Croise

IIMU/UUNGW 37:33

Baabuúín hiyaydá' guri tsaáhh, iri oó', «A hiyoó garmaaeé'. Garmaaeé' makiito'ór xaraasl gwaa /ák, ar ló', Yosefu kwaa feehhamiís.»

IIMU/UUNGW 37:34

Yakobo tlabaawós giri feehhamiís, guniyadu giri tsiít, iri tsuunqumiís, garmaawós kudá' guri al/aa/amín deelór yaariire.

IIMU/UUNGW 37:35

Na/iiwós awa daaqaay nee awa dasu baabuúín nguri i daqayé' kuwa gurkwa/amisi. Ala Yakobo gurkwa/asa gari sií' iri oó', «Án garmaaeé' u baloó gunqareesaaká tam ay baraá gi'i.» Gawaá adoorihe Yakobo garmaawós guri al/aa/amaamín.

IIMU/UUNGW 42:13

Nguri bayé', «Ataá lawaaleerók, slamí atén hhaeewo a mibaá nee tsár, a daaqoó heé wák oo baraá yaamaá Kana'ani. Hhiyaarén oo aluutmo i deer, i dinkwa nee baabuúrén. Ala oo hatlá' ina kahhuút.»

IIMU/UUNGW 42:37

Reubeni baabuúwós guri báy, «Daaqay'eé' oo tsár tsu/eegáy barnaxes aníng ngwa dirógí ki/isiiká. Qwaláng, dabaaeéní qaasang, aníng ngu saxareemár ki/ís dirógí alé.»

IIMU/UUNGW 42:4

Ala Yakobo aa ya/aniká Benyamini daa'awmoó Yosefu nee hhaeewós tiwa alkona', asma ina da'ayuút, iri oó', «Wané tsaxwa gi sláy baraá aaiiwo.»

IIMU/UUNGW 43:13

Tlawsé', hhiyaahúng huwaak, nee ta ki/á' amór heedaádá' i alé.

IIMU/UUNGW 44:20

Kuúng uri bawaán, ‹Baabá u koomaán, nee inós aa dín. Garmaawós oo aluutmo ku niiná, oo aa laqwaál baraá diimaywós wa alé. Da'aawmoowós aa qaroó gwaá', inós kilós ina meét guruú aayírose, nee baabuúwós gu ló'wa slaa'.›

IIMU/UUNGW 44:22

Uri bawaán, ‹Garma baabuúwós geexawto gu aleeslayká, asma bungwa geexáy, baabuúwós i gwaa'.›

1 WAAWITÁ 2:6

Gám daxta adoodá' sagalooarók i diri' na tleehheek, inós se'eemír /awaak mingiwa dán nee miwa gwaá' ar wayda.

YOBU 41:32

Dír inós ira waaráhh in gwa/át aluuwós wá ale, sloorór /awak ngin dúx baraá tlawtá wá ale, hee sloororí bir ngaa ár al/awtani gari baraá tláwtí xuruut.

WARA'AMI 71:18

Tam aníng aga diimi, tam al/awtantá kooma, kuúng Mungú, án mi geexawaar, ay dír /uuruuwók nee uraywók ngway oo' dír qari sleémeero ar aluú wa hardah.

WARA'AMI 90:10

Kureeriirén a kureeri mibeeraá faanqw, laqaá birti slaqo hhó' a mibeeri dakaát. Ala waayaaqamuú yaariír un ar hootaán, deelo i kwahhmiská atén aqo an gaanslár tlawaán.

DAHARUSMO 1:14

Mura' sleémeero oo muu i tlehhaahhiti baraá yaamuwo ugwa alqaytsiít, nee umuúqo gaaro a tawór huwisha, adór heé fur'a gaa alta'aain.

DAHARUSMO 2:26

Mungú sagalooa, nee fuquraangw nee qwal/amaaye gan haniis dír heé inós gu sla'atimís, ala heé tlaákw guna gadiyér gawídií haniís ar bu'uungw nee buruumburiingw, nee tidá' taa sláy kari haniis dír heedá' Mungú gu sla'atimís. Tí sleeme a tawór huwisha, nee a adór heé fur'a gaa alta'aain.

ISAYA 38:10

Aníng ana oó', «Baraá na/uumar'eene aqo an gwaá', aníng taa qaroó amohhe'eés niwa dah baraá gi'i deelo sleémeero ar naa meti baraá slafingw'eene.

ISAYA 46:4

Tam qoomár bar aga dimadiindé', aníng aqo kuduú kilá', Tam qoomár se'engwhúng al/awtanto bira /awaakúy aníng kuungá' nu loohiís. Aníng adoorí ana tleéhh nee an kumiít tlehhtuuwo, nun loohiís nee nu ba/amís.