IIMU/UUNGW 42:37 - Biblía Axweesantá Hhohho' ar Mungú 2004

³⁷ Reubeni baabuúwós guri báy, «Daaqay'eé' oo tsár tsu/eegáy barnaxes aníng ngwa dirógí ki/isiiká. Qwaláng, dabaaeéní qaasang, aníng ngu saxareemár ki/ís dirógí alé.»

IIMU/UUNGW 42:37 Iomraidhean Croise

IIMU/UUNGW 42:36

Baabuúín Yakobo giri báy, «na/iieé' iga hingesé' dir'eene. Yosefu i kaahh, tam Simeon i kaahh. Nee Benyamini u sla'á' kuwa ar tleera'. Kaangwí sleémeero án kilooeé' in slahh'eemiis.»

IIMU/UUNGW 42:38

Yakobo iri oó', «Garmaaeé' nee kuungá' a al/eta'aaká. Asma daa'awmoowós ina gwaá', inós kilós ina meét. Aníng a aakoó al/awtantá koóm. Loohiro bar gitsee/aá tlaakwá' ngaa sláy, gám daqaní aníng iga gasé' ar gurhaami baraá diimay'eene.»

IIMU/UUNGW 43:9

Aníng inós u sageesihhiít, garma dabaaeéní qaasang. Án barnaxes ngwa ki/isiiká amoorók i alé, nee ngway geeraawók i qaasiiká, daqaní aníng aga tlakweés dír geeraawoge deelo sleémeero.

IIMU/UUNGW 46:9

nee na/aá Reubeni a Hanoki, nee Palu, nee Hesroni nee Karmi.

MIKA 6:7

Xáy, AAKOÓ MUNGÚ gwaandaawér kume gu sla'atísa? Laqaá ku sla'atísi nee di/oó wa/amiím adór ya'aá kumér mibaangw? Laqaá na/ay'eé' oo baris un haniísa as dakuúsar'eé'? Xwaylár slaqwte'eé' an haniísa as bu'utuú tlakweemaaeé'?»