IIMU/UUNGW 42:24 - Biblía Axweesantá Hhohho' ar Mungú 2004

²⁴ Yosefu tina paraátl dir'ine, iri /aá/. /Aa/eewo iwa hhe'eés, iri amor'ín i kií/ as iwa axweesi nee inooín. Simeon guri taataáhh baraá tla/angw'ín wa alé, guri dahaás baraá doó tsegma dír ilaaín wa alé.

IIMU/UUNGW 42:24 Iomraidhean Croise

IIMU/UUNGW 34:25

Naagáy bál tame tawa slahhaai tiqtiro, daaqoó tsár oo Yakobo, Simeon nee Laáwi hha'aá Dina, umuú heewo paángarós gana taataáhh, gixsa kari i hardáh ar migi, hhawaate sleémeero kiri baraá tiqtidí áy, kiri tsuú/.

IIMU/UUNGW 42:23

Tam inooín sleeme nga tsahhi'iiká adór Yosefu inooín ngir axamiís, asma tana axweés ar loohír heé tsifrír ki/imís.

IIMU/UUNGW 43:14

Munguú Aleesleemusmo nu alee/iisi, gurtleemu kuwa sleera' dír heedaádae, as kahhó' niwa ki/a' nee Benyamini nee hhiyaahúng kuduú hatlá' sleeme. Amor'eene barnaxes na/iieé' nin qatliyá', i qatliye'.»

IIMU/UUNGW 43:23

Giri báy, «Wayda amorhúng, ma da'ayumiitaara'. Munguúhúng, Munguú baabuúhúng, inós peésarhúng ngina qaás baraá afér mayshuuhúng. Peésarhúng naa qaro amor'eé' hardát.» Aluuwo Simeon guri amor'ínií duúx.

IIMU/UUNGW 43:30

Yosefu iri gaansluút, asma muunaáwós ina haáts qwal/uwo as da'aawmoowós, ilaawós nina hatsiyé', dír iwa /aa/amin gari leeleéhh, iri dáh baraá kutuwír do'ós, iri /aa/amín.

IIMU/UUNGW 45:1

Qoomaadae Yosefu ila/aro taa aleeslayká dír geeraá mukdá' sleémeero aa didií sihhiiti. Yosefu iri tseé', iri oó', «Muu sleémeero tsee/áy duuxaak.» Gawaá adoorihe heé Misri tumu wák i kaahh, qoomár tiwa xu'utís dír hhaeewós.

IIMU/UUNGW 45:2

Iri /aá/ ar afór ur, múk Misri sleémeero iri axaás, múk doó waawutmo Farao iri axaás.

ISAYA 63:9

Baraá slahh'amaayer'ín sleémeero inós kuna slahh'eemiís, nee malaykamooduú dír geeraawós inooín gina ba/amís ar sla'aarirose nee ar gurtleemuwose inooín gina gweér. Iimír aange inooín gina loohiís nee gina gagaraarín.

Luka 19:41

Yesu qoomár iwa tseewúy, gixsadá' gana ár, iri /aá/ as gixsadá',

Rumi 12:15

Qwalala/é' dinkwa nee mukdá' qwalalaá/. /Aa/amiimé' dinkwa nee mukdá' /aa/amiím.

1 Korinto 12:26

Nee diqito'ór wák barnaxes aa slahhá', diqaay sleémeero aa slahhaá' dinkwa nee diqito'oodá'. Ala diqito'ór wák barnaxes kaa xirfayeés, diqaay sleémeero i qwalalaa/ dinkwa nee diqito'oodá'.

Ebrania 4:15

Asma atén kaahamusmoó úr oo Mungú oo ta koomaan, atén ti gurtleemuú wa ara'ar baraá liitlakweerene. Asma inósuú kilá' kuna iiara'ár adór atén wa aleeró baraá mura' sleémeerowo, ala tlakweema gaa tleehhiiká.