IIMU/UUNGW 42:22 - Biblía Axweesantá Hhohho' ar Mungú 2004

²² Reubeni gina mu/aywaáts, giri báy, «Án kuungá' naa bawiikáhe, garma mu sadakuusara'. Ala kuungá' a axamisa'aaká. Xáy daxta, ga/aawaak, tseereerós atén taa inkí/.»

IIMU/UUNGW 42:22 Iomraidhean Croise

IIMU/UUNGW 4:10

AAKOÓ MUNGÚ Kaini guri báy, «Gár taa tléhh a milá? Tseerér hhiyaawók i amor'eé' /aa/amiín baraá hhapér wa alé.

IIMU/UUNGW 42:23

Tam inooín sleeme nga tsahhi'iiká adór Yosefu inooín ngir axamiís, asma tana axweés ar loohír heé tsifrír ki/imís.

IIMU/UUNGW 45:3

Yosefu hhaeewós giri báy, «Aníng a Yosefu, baabuúeé' i slafaafína?» Ala hhaeewós nari amoqwaariyé' daeero, mu/aywatsto nguri harslaaqatiyé'.

IIMU/UUNGW 50:15

Hha'aá Yosefu ngiwa ariyé' baabuúín aa gwaá', tari oó', «Hám wané Yosefu daxta ti aahh, tiwa li/áy bui, kuduú tlakweemaadá' naa inós i tleehhaán.»

1 WAAWITÁ 2:32

Aakoó Mungú tseerduudá' Yoabu aa ku'umamiís gin ki/is gawaawósuú kilá', asma inós múk tsár oo gan'amuú koóm nee oo hhó' ta inose guna muúx guri tsuú/ ar paánga, ala baabuúeé' Daudi kangwdá' gu xuiiká. Mukwí aa tsuú/ a Abneri garmoó Neri, geeraharusmoó slaqwaruusér Israeli, nee Amasa garmoó Yeterí, geeraharusmoó slaqwaruusér Yuda.

1 WAAWITÁ 2:33

Daxta tseerdaá mukdá' Yoabu aa tsu/aa/ín nin gawaá Yoabií ki/iyá' nee gawaá xwaylarós ay alhhe'eesay wasle. Ala AAKOÓ MUNGÚ doó Daudi nee xwaylarós nee waawuti'iimarose gin waydií haniís ay kureeraá kureér.»

2 QOM'I 24:22

Waawutmo Yoashi hhooeemadaá kway tleéhh nee Yehoyada baabuú Sekaria gay gunqareés, garmoó Yehoyada gway gaás. Qoomár Sekaria iwa gwagwa'an ina oó' «AAKOÓ MUNGÚ tlehhmi'iiká ngi ari, nee li/aywí ngu bui.»

WARA'AMI 9:12

Asma Munguúduú li/oó tseerér liitlakuuse ga bu'uúm, inooín gi inslasláy. /Aa/eeín gi gunqaaresiiká.

ESEKIELI 3:18

Aníng barnaxes heé tlaákw ugwa báw, ‹Ar loe kuúng a gwá',› aluuwo bar kuúng ugwa naanaqiká, laqaá ugwa beeriká, ‹Tlakweema maweek,› as slafiingós nguwa ba/amis, naagáy heewí tlaákw iri gwaá' baraá tlakweemawós, tseereerós ngi gawaawók i iinuús.

Luka 23:41

Asma sakwasleemarí atene a hariima. Asma tí taa slawaán a tidá' atén wa hariim asma tlehhemi'iirén. Ala kwí gár tlaakw aa tleéhh i káhh.»

Tlehhema'aá ya/Abuuse 28:4

Múk yaamuudá' dayshamoodá' nguwa ár iwa hambaleele'miti, tiri kilooín babayé', «Heewí ánga/áw a tsu/utusmo, ala tim aa /uyi baraá tlawto, ala lo'o gu gáwtí geexeeraaká.»

Rumi 2:15

Slafingw'ín ga laqaaqán adór muruudá' hara'aya i kat kura baraá muner'íní gooín. Asma tam muner'ín nee inslaway'ín adoorí ngi laqaaqaná'. Asma inslaway'ín oo kilá' inooín gin sakwasleemuut, laqaá gin aleekal/án.

Geehhoeemaá 13:10

Hee bar kwa tseegamór i gooín, aqo kun tseek. Nee hee bar kwa gaasár i gooín ar paánga, aqo kun gaas ar paánga. Baraá kaangwihe múk hhohhó' oo Mungú gár kuwa hariím a qitla nee haratlintaao.

Geehhoeemaá 16:9

Muu kuri ló'wa da/aa/án, ala tam adoorihe inooín umuú Mungú nguri /ooslisliné', kudá' aleesleemuú koóm daanduú muxtaarihe, nee slám taa hhu'u'unká, nee Mungú kwa xirfayeesiiká.

1 SAMUELI 19:4

Yonatan Daudi guri diidi'iís dír geeraá baabuúwose, guri báy, «Waawutmo tlakweema mingiwa tleéhh dír sagadiyusmoowós Daudi, asma inós kuúng ugwa gár tlaákwí tleehhiiká, iwa gadiyumamisi diroge a muruú hhó' gun tlehhahhiit.