IIMU/UUNGW 41:8 - Biblía Axweesantá Hhohho' ar Mungú 2004

⁸ Tam matlaatleero looa niwa tleér, muunaáwós i ló'wa gurhaamuut. Muu guna ya/aáw as qwaslaare sleémeero nee mukdá' sageelooén oo baraá yaamaá Misri kiwa ateeti. Mukdá' niwa hardáh, Farao tlataawós giri alki/iít. Ala heé tlataawós waagweeraro gaa aleeslay i kaahh.

IIMU/UUNGW 41:8 Iomraidhean Croise

IIMU/UUNGW 40:6

Yosefu gina i hardáh matlaatleero, ngiwa ár naxés inooín i ló' wa gurhaamutiyá'.

IIMU/UUNGW 40:8

Kuri báy, «Laarí xweeraawo ana tlatiitimaán, ala heé gídaabárós alki/ituwo ga aleesláw i kaahh.» Yosefu giri báy, «Gadiyér tlata waagweera ar Mungúheéke? Gimsé', tlataahúng kwisingá' alki/iitare'.»

IIMU/UUNGW 41:15

Farao iri oó' dír Yosefu, «Aníng ana tlatiitiím, ala heé tlataaeé' waagweeraro gaa aleeslay i kaahh. Aníng kangók ugwa axaás, kuúng bar tlataá hee iga axás, i aleesleér waagweeraro.»

IIMU/UUNGW 41:24

Nee qaytsiít, /ar/aantaadá' daqeetlakw tidá' hhohho' gari /ák. Aníng qwaslaare ngari kaangwí báw, ala hee i kaahh oo gídaabárós ngaa oo'.»

IIMU/UUNGW 41:7

Naagáy /ar/aantaadá' tlakw faanqw, tidá' hhohho' faanqw uren gari /ák. Farao iwa daarkiít, naxés gaa a tlata.

WARA'AMI 25:14

AAKOÓ MUNGÚ a mulqumoó mukdá' inós gu ilaiwawaá/, nee inós giri intsaahhatimis dabér alqaduuwose.

TI'INAANGW 7:11

Farao múk sageloén guri ateét, nee da/aluuse nee qwaslaareero, inooín adoodár kilá' ngina tleehhiyé' ar miislay'ín.

TI'INAANGW 7:22

Ala qwaslaarér yaamaá Misri adoodár kilá' gana tléhh ar miislay'ín. Naagáy muunuú Farao iri gawdúy, tam inooín gaa iiárií qaasiiká, adoodá' AAKOÓ MUNGÚ ngira oó'.

TI'INAANGW 8:7

Qwaslaarér yaamuudá' adoodá' gari tléhh ar miislay'ín, aamaxupa ngiri huwiyé' sleeme baraá yaamaá Misri.

TI'INAANGW 9:11

Qwaslaare sihhtanór dír geeraá Mose gari harslaaqát, as kiwa uhín nee umi'i adór mukduú hatlá' oo Misri.

ISAYA 19:3

Múk Misri iri sage qwaqwdín, aníng kangw'ín kudá' naa qoomeesiyé' un hhitiím, Inooín gurbua ngiri leehhiyá' dír slaqsi'idaá mungui nee dír gi'i nee dír iigu'utuuse nee da/aluuse.

ISAYA 29:14

Gawaá adoorihe, ga/aawaak, aníng tlehhmuú waa/oo/amo u malé tleehh dír mukwí, tlehhmuú waa/oo/amo nee oo dae tlaáq. Mukdá' sageelooén iri sageeqwaar, nee daharuú mukduú daharuú koóm iri suquut.»

ISAYA 8:19

Nee qoomár burna bayé', «Tlawé' gi'i yaahamisuú awaak, nee muruú /ayma'aá mululu'uúm adór tsir/o, asma i qoón muu munguii'ín ngiwa yaahamisiya', nee múk aa qaatl kuwa yaahamiisi as múk slaáf.»

DANIELI 1:20

Nee baraá umuúqo gaaro ar waawutmo ngiwa yaahamiisi ar sagalooa nee xu'utiro, inooín giri tsaáhh adór tara harwaaraáhh sagaáwa mibángw wa ale ta qwaslaareerós tidá' sleémeero nee da/aluuseero, kudá' sleémeero awa baraá waawuti'iimarós.

DANIELI 4:18

«Gaarí an tlatadá' aníng Nebukadnesa naa tlatitiím. Hám daxta kuúng Belteshasa tlataaká' waagweerang asma mukdá' fuqurángw koóm sleémeero baraá waawuti'iimar'eene nga harslaaqatiyé' waagweeraro, ala kuúng i aleesleér, asma qeeruú munguiidá' hhohho' i baraawók i dirii'.»

DANIELI 4:19

Qoomaarihe Danielidá' ta babay Belteshasa iri gurhamuút gár niinawe, nee inslawaywós iri amooqwaqwadín. Waawutmo Belteshasa guri báy, «Belteshása tlataaká' muwa dae tsatiyé'.» Belteshasa iri oó', «Aakooeé', tlataaká i pa/iye' amór mukdá' kuúng u ahhiít, nee gár tlataaká' i laqaaqana' i pa/ amór wakuuseerók.

DANIELI 4:5

Ala tlata kaariya' awa iga dae tsatiye' ina tlatitiím, qoomár niwa guu' gawaá qatanir'eé' wa alé, inslawaydá' nee iigu'utudae aníng ina ló'wa dae tsatiyé'.

DANIELI 4:6

Gawaá adoorihe múk sageeloén sleémeero oo yaamaá Babuloni una ádbáw niwa hardihiya' dír geeraaeé' as tlataeé' kudá' ngiwa waagweeriya'.

DANIELI 4:7

Naagáy qwaslaare, nee da/aluuse nee xu'utuusér tlata nee xu'utuusér tsatse/uwo kingay huúw. Ngiri tlataaeéni alki/iít. Ala inooín waagweermooro ngiri harslaqatiyé'.

DANIELI 5:11

Waawutámo, baraá ayaawoge heeko wák oo qeeruú Munguúdá' hhoohhoó' gu koóm i deer, qoomár waawuti'iimár baabuúwoge heewí una tsaahhaán inós tawa heé fuqurángw koóm, nee tsaahha nee sagalooár adór tiqár mungui. Baabuúwók waawutmo Nebukadnesa heedaádá' guna qaás tawa heé úr oo qwaslaare nee oo da/aluuse nee xu'utuusér tlata nee xu'utusér tsatse/uwo,

DANIELI 7:28

«Gaarí a alhhe'eesoó kaangwí. Anuú Danieli niri daanda feehhiís, tam kalay'eé' iri warqáy. Ala kaangwí una alhooreés baraá muunaáeéní aleeró.»

DANIELI 8:27

«Anuú Danieli ana /araám, niri tiíq deelo alé. Niwa huunguú/ niri kumiít gadiyeedá' waawutmo iga bayi. Ala iigu'utudá' aníng ina waa/o/amórár áy, ala aníng ugwa tsaahhiiká.»

TLAHHOÓ LAÁWI 19:31

«Xu'utuusér gi'i ma i daqaaqawaar, laqaá da/aluuse ma firiirimara' as nuwa alee/is, adoosíng bara tleehhé', tunda dahaás baraá tlakweema. Aníng an AAKOÓ MUNGÚ, Munguúhúng.

TLAHHOÓ LAÁWI 20:6

«Hee barnaxes aa daqáy dír xu'utuusér gi'i, nee da/aluuse, ar adoodae inkihhimu ngway dakuús dir'eene, un hara sihhiít, ngway baynitís dír xooroorós ar Israeliro.

HABAKUKI 3:16

Kaangwí sleémeero una axaás tam guruueé' ma'aay ngway dalaa/iyé'. De'eero afkueé' iri daaraxaát. Diqiyaeé' niri tsatiitiyé', ya'aaeé' niri daaraaxiyé'. Aníng baalaadár slahh'amu an daamaaraám ar qitla, tidá' hardah dír mukdá' amoorénií haraatlatláw.

Matayo 2:1

Yesu kuna laqwaál baraá gixsár Betilehemu ar baraá yaamaá Yudea, qoomár waawutmo tawa Herode. Qoomaadae xu'utuuserka ar tsatse/ nina da/aáw wa tleér ay Yerusalemu.

Tlehhema'aá ya/Abuuse 17:18

Mukko intsaahhasár Epikuro nee ar Stoiki tiri tlaampa'aamisiyé' nee Paulo. Bahh'alé tari oó', «Daktantí gár i ooár wa sla' a milá?» Bahh'alé tari oó', «Baré a adór heé ya/abtór munguaá xuawaslen ga alki/iít.» Adoorí kana oó' asma inós kángw Yesu guna alki/iít, nee kángw waasle/uuwós.

Tlehhema'aá ya/Abuuse 7:22

Mose kuri intsaahhatimís sagalooár múk Misri sleémeerowo. Tari heé ilakaahaár baraá axweesanto nee baraá tlehhemi'iwo.

1 Korinto 1:19

Asma kaa gooín, «Aníng sagalooár mukdá' sageloén a hhitiím, Nee fuqurángw mukdá' fuqureeraá koóm u sií'.»

1 SAMUELI 6:2

Inooínadaá múk Filisti kaahamuuse nee iigu'utuseero, kina ateét, ta kaahi, «Adór sandakmoó alqadór Aakoó Mungú ku laqaan? Ado ooare', gár kur alki/isan dirós tidií alé.»