IIMU/UUNGW 41:57 - Biblía Axweesantá Hhohho' ar Mungú 2004

⁵⁷ Múk yaamu sleémeero tindiri hardáh Misri, dír Yosefu, as balaangw kuwa tlaxwi, asma giyeé xoordu sleémeero gaa altsimaamíhh.

IIMU/UUNGW 41:57 Iomraidhean Croise

IIMU/UUNGW 12:10

Ala giyeér ur nina tleér baraá yaamaá Kana'aniro. Abramu iri tláy iwa ala hotaá ay yaamaá Misri, asma giyeédá' ka ló'wa ur.

IIMU/UUNGW 41:54

Kureeraá faanqw awa qwari niri hardihiyé', ar adoodá' Yosefu ngira geerií oó'. Giyeé niri tleér baraá yaamu sleémeero, ala baraá yaamaá Misriro muruú /ayma i deer.

IIMU/UUNGW 41:56

Giyeé niri tleér baraá yaamu sleémeero. Yosefu kuuntáy sleémeero guri kiís, balaangw guri weermiís dír múk Misri. Yaamaá Misri sleémeero qwari iri tsimamiíhh.

IIMU/UUNGW 42:1

Yakobo ngiwa axaás adór balaangw ir deér baraá yaamaá Misriro, daaqaywós guri báy, «Ahaá a milá, gár iwiwituuwí tiwa tawo ila' ga/eera'?»

IIMU/UUNGW 42:5

Gawaá adoorihe baraá mukdá' laliisa baraá Misrír i alé, daaqoó Yakobo sleeme i deer. Asma giyeé ka ur baraá yaamaá Kana'aniro.

IIMU/UUNGW 42:6

Yosefu qoomaadae a ga/aawusmo baraá yaamudae. Inós an heé muu sleémeero gu balángw i weermiís baraá yaamudae. Hha'aá Yosefu sleeme nina hardihiyé', tay xupuú' ay yaamu dír geeraawós i alé.

IIMU/UUNGW 43:1

Giyeé ina ak tsimaamíhh baraá yaamaá Kana'aniro.

IIMU/UUNGW 47:14

Yosefu peésa gana burumbuúr, ar baraá yaamaá Misri, nee ar yaamaá Kana'ani, tidá' taa balángw ar tlaxún. Yosefu gari huúw dír Farao.

IIMU/UUNGW 50:20

Kuungá' looeemaawo, ana slaé' aníng iwa gár tlaákw i tlehha', ala Mungú gana slaá' tawa gár hhoo', as xoorór ur ngiwa ba/amisi, adór hám i diri' laarí.

DABE 9:28

Múk amoodá' atén tiwa dúx matawa oó', AAKOÓ MUNGÚ mukdá' guna duúx baraá yaamuudá' wa aleeró as nguwa tsu/utár ay baraá xaanxaay, asma gaa aleeslayká ngiwa dahaasi baraá yaamuudá' inós aa al'axweés, nee as mukdá' nguwa ló'wa aáhh.›