IIMU/UUNGW 41:56 - Biblía Axweesantá Hhohho' ar Mungú 2004

⁵⁶ Giyeé niri tleér baraá yaamu sleémeero. Yosefu kuuntáy sleémeero guri kiís, balaangw guri weermiís dír múk Misri. Yaamaá Misri sleémeero qwari iri tsimamiíhh.

IIMU/UUNGW 41:56 Iomraidhean Croise

IIMU/UUNGW 12:10

Ala giyeér ur nina tleér baraá yaamaá Kana'aniro. Abramu iri tláy iwa ala hotaá ay yaamaá Misri, asma giyeédá' ka ló'wa ur.

IIMU/UUNGW 41:30

Naagáy kureeraá faanqw awa qwari ni aluudá' dahhiyá', axmuudá' iri gunqaaruut baraá yaamaá Misriro, qwarkwí yaamu gay narkúy.

IIMU/UUNGW 41:35

Sageesihhtuuseerí ádbaweek balaangw kuwa burumbuuri baraá kureeriiká' faanqw awa hardahá' awa axmuuwo. Balaangwí ku qaasi baraá kuuntáy, ala masók ibaraá baalirógí dirii'i, kuúng Farao, as tawa muruú /aymár múk gixsadu sleémeero nee sageesihhtuuse ngu amohhe'eemis.

IIMU/UUNGW 41:55

Múk Misri sleémeero qwari nguwa ariyé', Farao kuri i /aa/amín, as muruú /ayma nguwa haniisi. Farao múk Misri guri báy, «Tlawsé' amór Yosefu, tidá' nu bay tleehhaak.»

IIMU/UUNGW 41:57

Múk yaamu sleémeero tindiri hardáh Misri, dír Yosefu, as balaangw kuwa tlaxwi, asma giyeé xoordu sleémeero gaa altsimaamíhh.

IIMU/UUNGW 42:6

Yosefu qoomaadae a ga/aawusmo baraá yaamudae. Inós an heé muu sleémeero gu balángw i weermiís baraá yaamudae. Hha'aá Yosefu sleeme nina hardihiyé', tay xupuú' ay yaamu dír geeraawós i alé.

IIMU/UUNGW 43:1

Giyeé ina ak tsimaamíhh baraá yaamaá Kana'aniro.

ISAYA 23:17

Alaá kureeriiká mibeeraá faanqwe AAKOÓ MUNGÚ gixsár Tiro ga malé pa/ángwií haniis, inós tiri malé weeramisuú eér, iri kí/ baraá sli'ima nee waawituú xoordu sleémeero gawaá daanduú yaamuwo.

SEKARIA 5:3

Aluuwo iri báy, «Gár taa baraá kitaábuuwí gooín a lo'oodá' yaamu sleémeero gi /aay. Bihhaá wák awa kitaábuudae gár taa gooín a adór fisuuse kar qwaareesi iimír hamí ar harqoomoó lo'oodá', bihhaá tsare gár taa gooín a adór mukduú lo'ór lama ga /aa/aáy kur qwaareesi iimír hamí ar harqoomoó lo'oodá'.»

Luka 21:35

Asma deeloodá' niqo hardát dír umuúqo heewo baraá yaamu sleémeerowo.

Tlehhema'aá ya/Abuuse 17:26

Inós xoordu sleémeero gina iihhaáf baraá heé wák wa aleeró, giri qaás baraá yaamu sleémeero. Inósuú kilá' iimír aange qom'i gina qaás, nee harki/isoó hotangw'ine.