IIMU/UUNGW 41:52 - Biblía Axweesantá Hhohho' ar Mungú 2004

⁵² Oo tsár umuuwós kuri báy Efraimu, gídaabárós: «Mungú na/ii ngaa haniís baraá yaamaá slahh'eemisuueé' wa ale.»

IIMU/UUNGW 41:52 Iomraidhean Croise

IIMU/UUNGW 17:6

Aníng kuúng un xwaylár yaariír i haniís, slám u xooro tleéhh, nee waawitá nin baraawók wa ti'iit.»

IIMU/UUNGW 28:3

Munguú Aleesleemusmo u tsuuqi as xwaylár yaariir kawa sleer nee iwa doogiin, as tawa múk yaariír tleehhit.

IIMU/UUNGW 41:51

Na/oó baris kuwa xwaylúy, guna umií tsaát, guri báy Manase. Asma ina oó', «Mungú slahh'amaayer'eé' sleémeerowo iga gunqartís, nee doó baabuúeé' sleémeerowo.»

IIMU/UUNGW 41:53

Kureeraá faanqw awa axma niri faakiyé' baraá yaamaá Misriro.

IIMU/UUNGW 48:1

Alaá muruuwí sleémeerowo Yosefu kuri báy, «Baabuúwók i slahhaa'.» Inós daaqaywós tsaraawo, Manase nee Efraimu girir tláy amór baabá.

IIMU/UUNGW 48:14

Israeli dakós oo /iyáy guna qaás gawaá Efraimu, kudá' niiná, nee dakós oo basáy gawaá Manase. Dabaawós giri taambekeés asma ga xuu' adór Manase tar baris.

IIMU/UUNGW 48:5

«Ala daxta, na/iiwók kuká' tsár taa baraá Misrír wa laqwaál, qoomár aníng niwa hardihiiká, a kwe'eé'. Efraimu nee Manase a adór Reubeni nee Simeon.

IIMU/UUNGW 49:22

Yosefu a adór xa'anoó laqwaliím, xa'anoó laqwaliím afaá kutltá wa alé, haleemiiwós koo/i ngin alsihhiitiyá'.

IIMU/UUNGW 50:23

Yosefu na/aá doó Efraimu giri ár ay nángw sagaáwa tám, nee na/aá Makiri, garmoó Manase, kiri dabaá Yosefu i laqwaál.

AMOS 6:6

Kuungaásingá' difaáír wahaamá' ar isangaa'áy nee ti kiloohúng slikimá' ar di/tá mooyángw koom, ala a gurhaamuta'aaká daanduú qwanoó xwaylár Yosefuwo.

FAARO 26:28

Tlahhoó Yosefu guruú doó Manase nee oo doó Efraimuwo a kwí:

Tlehhema'aá ya/Abuuse 7:10

Mungú guri ba/amís baraá slahh'amaayeerós tidá' sleémeerowo. Guri aleesleemií haniís nee sagalooaro tam Farao waawutmoó yaamaá Misri guri gurií baá/. Yosefu kuri uráy haniís nee Farao gawaá daanduú yaamuuwose nee daanduú do'ós sleémeerowo.

YOSHUA 14:4

Xwaylár Yosefu tlahhi'iiwós a tsár, tlahhoó Manase nee oo Efraimu, ala tlahhoó Laáwi aalír yaamu gaa slayká, ala aqo gixsadaá maray'ín ngi tleehhiya', nee wa/ángw hikwaaín ngiwa de'ena', nee dír muruú /aymar'ín nguwa amohhe'eesiya'.

YOSHUA 16:4

Xwaylár Yosefu gídaabá tlahhoó Manase nee oo Efraimuwo, kina yaamuuká' i haniís as kiwa aali.

YOSHUA 17:1

Aluuwo tsawdo kari malé tleéhh ar yaamaá ta ka'aasi dír tlahhoó Manase, asma inós a barisuú Yosefu. Aáng Makiri, garmoó baris oo Manase baabuú Gileadi, kwaa qaroó yaamaá Gileadírí haniís, nee Bashaniro, asma inós a heé slaqwara ga baál.

1 SAMUELI 1:20

Afiqooma iwa xeér, Hana iri tsít, na/oó garma guri xwayluúr, umuuwós guri beér Samueli, iri ó', «Asma kwí an kudá' naa firiím dír AAKOÓ MUNGÚ.»