IIMU/UUNGW 41:43 - Biblía Axweesantá Hhohho' ar Mungú 2004

⁴³ Guri tsa/aás gawaá gaárirós tidár tsár i kon, tidá' ta uuruxun nee faraási. Nee xuumuuse iri geeraá Yosefu wa hi'ít, i tseeamín, i kat, «Tumbarara'até' dír geeraawós.» Yosefu kuri ga/aawusmoó úr wa qaás oo yaamu sleémeero awa Misri.

IIMU/UUNGW 41:43 Iomraidhean Croise

IIMU/UUNGW 41:42

Farao mungaywós kudá' gooirós koóm, guri duúx, guri dákw Yosefu i dahaás, kuri tlabaá taa tleéhh ar kitaánír hhohhó' i dahaás, nee himtuú sahaábu guri gawaá istá Yosefúí dahaás.

IIMU/UUNGW 41:44

Farao iri oó' dír Yosefu, «Aníng a Farao, án a kah, bar ya/aámarók i káhh, hee tumu wák baraá yaamaá Misri sleémeero dakós munguwa tleés, laqaá yaae mingiwa surkuús.»

IIMU/UUNGW 42:30

«Heedaádá' úr oo baraá yaamuudá' nee atén ana axweesaán ar /ayma'aá xaraaslá', tina báy, ‹Kuungá' a tsee/aruusér yaamueé'.›

IIMU/UUNGW 42:33

Heedaáduú geeraharusmoó yaamuudá' tina báy, ‹Ar gawaá loohirihe daqaní nu tsaáhh adór kuungá' tar múk looeema, hhiyaahúng oo wák diirí geexawaare', balangwhúng huwaak as marayhúng iwa qwariitiya'.

IIMU/UUNGW 42:6

Yosefu qoomaadae a ga/aawusmo baraá yaamudae. Inós an heé muu sleémeero gu balángw i weermiís baraá yaamudae. Hha'aá Yosefu sleeme nina hardihiyé', tay xupuú' ay yaamu dír geeraawós i alé.

IIMU/UUNGW 45:26

Baabuúín kuri báy, «Yosefu i slaaf, inós an heé úr oo yaamaá Misri sleémeero.» Baabuúín adoorí ngiwa axaás, ina kwisliít, iri xamaá', asma axweesantaín gaa lak ya/aniká.

IIMU/UUNGW 45:8

Gawaá adoorihe, heé aníng iga amoorí huuw a kuungaeeká, ala an Mungú. Inós aníng ina baabá tleéhh dír Faraowo, nee aakoó do'ós sleémeero, nee geeraharusmoó yaamaá Misri sleémeero.»

IIMU/UUNGW 50:18

Hhaeewós nari tlayé' malé alé, tari tumbarara'aát geeraá Yosefu, tari oó', «Qaytsiít, atén a lawaaleerók.»

IIMU/UUNGW 50:9

Tina alkoné' dinkwa nee mukdá' faraási gaa i tsa/an, nee gaarduudá' ta uuruxun, tay amaqawár yaariir.

ESTA 10:3

Asma Mordekai kuduú Yahudumo tay heé tsár alaá waawutmo Ahasuerowo, nee heé úr baraá tla/ángw múk Yahudiro, hhaeewós gina sla'atís, mukós guna hhooeemí leelehhiít, mukós guna axweesanoó waydií axweés.

ESTA 3:2

Sagadiyuuse sleémeero tidá' dír afkú doó waawutmoó i dirii', Hamani burkwa ár tan xupapuu' nee kun i tumbarara'amaamiit, asma an adór waawutmo aa oó' daanduuwose. Ala Mordekai i xupuaitiiká, sleeme gu i tumbarara'amitiiká.

DAHARUSMO 4:14

Tam inós aáng kwa tseegi nee hamí a waawutmo, laqaá tam kwa baraá narkwí laqwali, ala hamí waawuti'iima gay sláy.

DANIELI 2:48

Aluuwo waawutmo Danieli guri xirfayeés, guri muruú yaariír i haniís, guri waawuti'iimár yaamaá Babulonírí haniís. Guri geeraharusmoó hara'ayuuse sleémeero ar waawutmoó wa qaás.

Tlehhema'aá ya/Abuuse 7:10

Mungú guri ba/amís baraá slahh'amaayeerós tidá' sleémeerowo. Guri aleesleemií haniís nee sagalooaro tam Farao waawutmoó yaamaá Misri guri gurií baá/. Yosefu kuri uráy haniís nee Farao gawaá daanduú yaamuuwose nee daanduú do'ós sleémeerowo.

Filipi 2:10

Asma muu sleémeero umuuwí ngu i tumbarara'ati, mukdá' gawaá doorií dirií' laqaá mukdá' baraá yaamií dirií' nee tam kuduú baraá gi'i.