IIMU/UUNGW 41:42 - Biblía Axweesantá Hhohho' ar Mungú 2004

⁴² Farao mungaywós kudá' gooirós koóm, guri duúx, guri dákw Yosefu i dahaás, kuri tlabaá taa tleéhh ar kitaánír hhohhó' i dahaás, nee himtuú sahaábu guri gawaá istá Yosefúí dahaás.

IIMU/UUNGW 41:42 Iomraidhean Croise

IIMU/UUNGW 38:18

Gari báy, «Gár ni haniis a milá?» Guri beér, «Mungaysíng oo gawaá diitsaarók oo layár koóm, nee himuuwo, nee hhartasíng gawaá dakók haniisang.» Naagáy muruuwí sleémeero guri haniís, inós iri ya/aán, tari alqaát. Tsiihaay gway sleér.

IIMU/UUNGW 41:43

Guri tsa/aás gawaá gaárirós tidár tsár i kon, tidá' ta uuruxun nee faraási. Nee xuumuuse iri geeraá Yosefu wa hi'ít, i tseeamín, i kat, «Tumbarara'até' dír geeraawós.» Yosefu kuri ga/aawusmoó úr wa qaás oo yaamu sleémeero awa Misri.

ESTA 10:3

Asma Mordekai kuduú Yahudumo tay heé tsár alaá waawutmo Ahasuerowo, nee heé úr baraá tla/ángw múk Yahudiro, hhaeewós gina sla'atís, mukós guna hhooeemí leelehhiít, mukós guna axweesanoó waydií axweés.

ESTA 3:10

Naagáy waawutmo mungaywós kudá' i dugnór qamaamin guri duúx, guri haniís dír Hamani, garmoó Hamedata kuduú tlahhoó Agagi, wakusmoó xoorór Yahudi.

ESTA 3:12

Bál slahhángw geera tawa mibaá nee tám goouusér waawutmo kari ateét, barwadu kiri gooín ar adoodá' Hamani ngira oó' amór geeraharuuse, nee amór múk urén oo ayeemo, nee amór múk urén oo umuúqo xoorooro, umuúqo ayko ar gooirós, umuúqo xoorooro ar tsifriirós, kina gooín ar umuú waawutmo Ahasuero, nee kiri dugnó i qaás ar mungaywós.

ESTA 8:10

Barwadu kina gooín ar umuú waawutmo Ahasuero, kari dugunií qaás ar mungoó waawutmo, barwadu kay ya/abuusérií haniís tari tsa/án gawaá faras, asma a makaá inslahh ti'iingo, awa tar gadiyumaamisi gadiyér doó waawutmoowo, an kudá' taa laqwaál baraá matla/ángw doó waawutmo.

ESTA 8:15

Aluuwo Mordekai iri dír geeraá waawutmoó wa tláy, tlabaá waawuti'iima ngaa dahaás awa kaloó sirboó/ nee awa /awak, nee slamángw úr gu kón oo sahaábu, nee hiyoó kitaánír hhohho' nee oo kaloó sirdaa/aát. Baraá gixsár Susaro tari tseeamín ar bara/ nee ururu'umisuuwo.

ESTA 8:2

Naagáy waawutmo mungaywós kuduú duguno qamiingw gway duúx, kudá' aa dír Hamani wa hayóh, gway dír Mordekai haniís.

ESTA 8:8

Ala /ayma'aá ta sla'a gooimaak amór múk Yahudi ar umuú waawutmo, dugno ku qasá' ar mungoó waawutmo, asma barwár taa gooín ar umuú waawutmo nee kay dugunií qaás ar mungoó waawutmo, heé warqeesaro ga aleesláw i kaahh.»

WARA'AMI 73:6

Daara/aango iwa hiley guir, adór heé ta parootuús ar kwaslu, inooín a baramaanuuse, dir'ine baramaani a adór tsitaay.

AXWEESANOÓ SAGALOOA 1:9

Asma muruuwí i adór slamángw sagók tleehhiit, nee adór himtuú gawaá istók.

AXWEESANOÓ SAGALOOA 31:22

Tlabaá gu'uteerós gin tléhh Tlabaá tsitaywós ki sirda/aten, awa taa tleéhh ar kitaánír hhohho'.

AXWEESANOÓ SAGALOOA 31:24

Tlaba' gin tléhh ar kitaáni, giri weerís dír halanuuse Him'ér ta afeetleérí tsegiiti gan tléhh gari weerís dír halanuuse.

DAA'AANGW 1:10

Tlaaqarmaawók ki hhohho' as parooti, Nee istók ka hhoohhoo' as himtuú taa tleéhh ar tla/aá tlaxo gawden.

DAA'AANGW 4:9

Kiíng muunaáeé' ugwa qwal/ás, hho'or'eé', sla'aaruso'or'eé' ar ni duxuut. Qaytsitarók ar wák muunaáeé' gwaa qwal/atís, nee ar himtuuwók oo gawaá isa.

ISAYA 3:23

nee tlabaá /aankwetsuú laqaaqama'a, nee tlabaá taa kitaánír tleehhi, nee warqamaá sageero, nee sheélaro.

YEREMIA 52:33

Naagáy Yehoyakini tlabaá tseegamo giri duúx, iri /ayín umuú deelooro dinkwa nee waawutmoowo.

ESEKIELI 27:7

Tlabaá taa qaalín ar neewór kitaáni ar yaamaá Misrír daahh kiri parootús ar miringeerók nee bendeérarók. Inqwaarír qatuuwók tuntukuung kana tleéhh ar kaloó sirboó/ nee oo sirdaa/aát awa yaamaá Elisha dahhá'.

DANIELI 5:16

Ala aníng aga axaás adór kuúng kaangwí gwa/aatisaro kur aleesleér nee slahh'amuuwós nguri ó'. Ala barnaxés gooirí soómaro aga aleesleér nee gár i kat ngiri ó', kuúng tu tlabaá sirda/atén i dahaas nee himtuú sahaábu kunguri dahaas baraá istók. Nee baraá waawuti'iimarihe kuúng tun heé tám wá qaas.»

DANIELI 5:29

Aluuwo waawutmo Belshasa iri oó', «Danieli tlabaá sirda/aten ti dahase', nee istós himtuú sahaábu ti dahase'.» Kari oó' dír muu adór Danieli tar heé tám baraá waawuti'iimaro.

DANIELI 5:7

Waawutmo Belshasa iri tseé' ar afór ur as qwaslaare kawa huwi nee da/aluuse nee qwaslaarér tsatse/uwo. Qoomár niwa hardihiyé', waawutmo giri báy, «Heé gooirí soómaro ga aleesláw nee gár i kat ngiri oó', ku tlabaá hhohhó' í dahaas awa sirda/aten, nee kun isa himtuú sahaábií dahaas, nee kun heé tám wa qaas baraá waawuti'iimaro.»

Luka 15:22

Ala baabá lawaaleerós gari báy, ‹Inqwaarír hhoo' huwaare' ar gaanslaay, tsiitisaak, dakós mungáy qaasaak, ya'a' ya/atáy dahaasaak.

1 SAMUELI 18:4

Yonatan hiyaywós guna duúx, guri haniís dír Daudi nee xooslár slaqwaraaro, tam paánga nee ga/aleero nee himuú afetloowose.