IIMU/UUNGW 41:41 - Biblía Axweesantá Hhohho' ar Mungú 2004

⁴¹ Farao Yosefu guri báy, «Qaytsiít, aníng kuúng una tsawaár tawa ga/aawusmoó yaamaá Misri sleémeero.»

IIMU/UUNGW 41:41 Iomraidhean Croise

IIMU/UUNGW 39:22

Xuumusmoó doó tseegmo Yosefu guri slaá', guri qaás heé úr wa ale, oo muu sleémeero oo baraá doó tseegmór i dirií', gu ga/áw.

IIMU/UUNGW 39:5

Iimír Yosefu nguwa qaás tawa sageesihhtusmoó umuúqo gaaro baraá do'ose, AAKOÓ MUNGÚ doó Potifa guri tsuúq as Yosefu. Umuúqo gár i kona baraá do'o tam baraá qaymooro gari tsuúq.

IIMU/UUNGW 41:44

Farao iri oó' dír Yosefu, «Aníng a Farao, án a kah, bar ya/aámarók i káhh, hee tumu wák baraá yaamaá Misri sleémeero dakós munguwa tleés, laqaá yaae mingiwa surkuús.»

IIMU/UUNGW 42:6

Yosefu qoomaadae a ga/aawusmo baraá yaamudae. Inós an heé muu sleémeero gu balángw i weermiís baraá yaamudae. Hha'aá Yosefu sleeme nina hardihiyé', tay xupuú' ay yaamu dír geeraawós i alé.

IIMU/UUNGW 45:8

Gawaá adoorihe, heé aníng iga amoorí huuw a kuungaeeká, ala an Mungú. Inós aníng ina baabá tleéhh dír Faraowo, nee aakoó do'ós sleémeero, nee geeraharusmoó yaamaá Misri sleémeero.»

ESTA 10:3

Asma Mordekai kuduú Yahudumo tay heé tsár alaá waawutmo Ahasuerowo, nee heé úr baraá tla/ángw múk Yahudiro, hhaeewós gina sla'atís, mukós guna hhooeemí leelehhiít, mukós guna axweesanoó waydií axweés.

WARA'AMI 105:21

Kuri heé úr oo doó waawutmo tleéhh, nee daanduú daqaari'iimarós sleémeero.

AXWEESANOÓ SAGALOOA 17:2

Lawaalmoó sagaloó' ku uráy haniis daanduú barismoó barawásl wa ale. Kuri aalírí haniís adór na/oó wák oo do'odá'.

AXWEESANOÓ SAGALOOA 22:29

Heé baraá gadiyeérose fuqurángw koóm ugwa aándi? Heé adoorí i dír geeraá waawitá i sihhiit, inós u dír tla/ángw múk amoowásl i eeraaká.

DAHARUSMO 4:14

Tam inós aáng kwa tseegi nee hamí a waawutmo, laqaá tam kwa baraá narkwí laqwali, ala hamí waawuti'iima gay sláy.

DANIELI 2:48

Aluuwo waawutmo Danieli guri xirfayeés, guri muruú yaariír i haniís, guri waawuti'iimár yaamaá Babulonírí haniís. Guri geeraharusmoó hara'ayuuse sleémeero ar waawutmoó wa qaás.

DANIELI 6:3

Alaá deelór niinawe Danieli kuri tsaáhh tawa heé inkihhimuú koóm baraá gadiyeede ta ak mukduú hatlá' sleémeero, kudá' taa geeraharu'uumár wa qaasi, asma Danieli inós a heé hhoó'. Gawaá adoorihe waawutmo guri slaá' nguwa waawuti'iima sleémeero ii haniisi.

Matayo 28:18

Yesu giri i tseewúy, giri báy, «Aleesleemu sleémeero oo gawaá doori nee oo baraá yaamu kunga aníng i haniís.

Tlehhema'aá ya/Abuuse 7:10

Mungú guri ba/amís baraá slahh'amaayeerós tidá' sleémeerowo. Guri aleesleemií haniís nee sagalooaro tam Farao waawutmoó yaamaá Misri guri gurií baá/. Yosefu kuri uráy haniís nee Farao gawaá daanduú yaamuuwose nee daanduú do'ós sleémeerowo.