IIMU/UUNGW 41:38 - Biblía Axweesantá Hhohho' ar Mungú 2004

³⁸ Farao sagadiyuuseerós gari yaahaás, gari báy, «Heé adór kwí oo qeeruú Munguú koóm baraawose dír kuy awaan a diimá?»

IIMU/UUNGW 41:38 Iomraidhean Croise

IIMU/UUNGW 41:37

Farao nee sagadiyuuseerós sleémeero axweesantadá' kari ya/án.

ESRA 7:25

«Nee kuúng, Esra, ar adór sagalooár Munguúwók i diria gawaá dabaawoge kwasleemuuse nee har'ohuuse qaaseek, as muu sleémeero kuduú ayeemaá gayuú /uwa yaaér Eufratero nguwa har'ohina'. Inooín masók a múk dabér Munguúwók ga xuú', kuúng na intsaahhatiseek.

YOBU 32:8

Ala baraá heewo qeeru i deer, hiinsluuduú Munguú Aleesleemusmo hee gu fuqurángw i hanimiis.

AXWEESANOÓ SAGALOOA 14:35

lawaalmoó sagalooárár hoót waawutmo gu gurií baa/, Ala xarasleemaawós in gawaá heé mure wásl.

AXWEESANOÓ SAGALOOA 22:29

Heé baraá gadiyeérose fuqurángw koóm ugwa aándi? Heé adoorí i dír geeraá waawitá i sihhiit, inós u dír tla/ángw múk amoowásl i eeraaká.

ISAYA 19:11

Geeraharuusér Soani a daktanár huwisha. Gurbu'uusér sagalooár koom ar Farao gurbu'tá dakatu'uuma gan kát. Alók adór Farao kura beeré', «Aníng a na/oó heé sagaloó' a na/oó waawutmoduú aáng.»

DANIELI 4:18

«Gaarí an tlatadá' aníng Nebukadnesa naa tlatitiím. Hám daxta kuúng Belteshasa tlataaká' waagweerang asma mukdá' fuqurángw koóm sleémeero baraá waawuti'iimar'eene nga harslaaqatiyé' waagweeraro, ala kuúng i aleesleér, asma qeeruú munguiidá' hhohho' i baraawók i dirii'.»

DANIELI 4:6

Gawaá adoorihe múk sageeloén sleémeero oo yaamaá Babuloni una ádbáw niwa hardihiya' dír geeraaeé' as tlataeé' kudá' ngiwa waagweeriya'.

DANIELI 5:11

Waawutámo, baraá ayaawoge heeko wák oo qeeruú Munguúdá' hhoohhoó' gu koóm i deer, qoomár waawuti'iimár baabuúwoge heewí una tsaahhaán inós tawa heé fuqurángw koóm, nee tsaahha nee sagalooár adór tiqár mungui. Baabuúwók waawutmo Nebukadnesa heedaádá' guna qaás tawa heé úr oo qwaslaare nee oo da/aluuse nee xu'utuusér tlata nee xu'utusér tsatse/uwo,

DANIELI 5:14

Aníng aga axaás adór qeeruú Munguúdá' hhoohhoó' ir baraawók nee adór kuúng sagalooa nee fuquraangw nee inslawoó ganaá' kur koón.

DANIELI 6:3

Alaá deelór niinawe Danieli kuri tsaáhh tawa heé inkihhimuú koóm baraá gadiyeede ta ak mukduú hatlá' sleémeero, kudá' taa geeraharu'uumár wa qaasi, asma Danieli inós a heé hhoó'. Gawaá adoorihe waawutmo guri slaá' nguwa waawuti'iima sleémeero ii haniisi.

DANIELI 6:4

Mukdá' urén dinkwa nee ga/awuuse adór Danieli ngur lámtí tsatiya' ngiri leelehhitiyé' baraá muruú waawuti'iimaro, ala nga slay'iiká, asma Danieli i ló'wa inkihhimuú kón, asma dakuusár Danieli aa tleéhh i káhh. Laqaá insarehhamoó taa ár i kaahh.

FAARO 27:18

AAKOÓ MUNGÚ Mose guri báy, «Yoshua garmoó Nuni taataahheek, inós i qeeruú kón baraawose, daqaní ku dákwí qás.