IIMU/UUNGW 41:32 - Biblía Axweesantá Hhohho' ar Mungú 2004

³² Gár tlataawók tas sagaáwa tsár, a /aymuuwí Mungú nguna geehhoeés, nee Mungú gu boo/ees ar gaanslaay.

IIMU/UUNGW 41:32 Iomraidhean Croise

IIMU/UUNGW 37:7

‹Aníng nee kuungá' bareemák a ileeraá hhaanslaá tsegiitaán baraá qaymór wa alé. Ilangw'eé' ina sihhiít, nee ileerihúng ilangw'eé' nguna harweeriyé', nari xupuuiyé' dír ilangw'eé'.› »

IIMU/UUNGW 37:9

Ina male tlatiitín, hhaeewós giri báy, «Iia qaasaak, tlataá hatlá' iga malé tlatiitiím. Looa nee slahhaangw nee tsatse/uú mibaá nee wak aníng ina i xupuuiyé'.»

IIMU/UUNGW 41:25

Yosefu Farao guri báy, «Tlataawók tsaraawo gár i kaahiya' a wak. Mungú gár i tleehhi deeloorí tseewe, ngaa kuúngí laqán.

IIMU/UUNGW 41:28

Adoorí an adór naa kuúng báw, Farao, Mungú gár deeloorí tseewe i tleehhi, ngaa kuúngí laqán.

IIMU/UUNGW 41:31

Tam axmuudá' iri xu'utitiiká baraá yaamuwo, as qwarkuú aluudá' wa hardáh, asma i ló' wa /uuruú kón.

ISAYA 30:33

Asma dír waawutmoó Ashuru kway da/i kaa qaroó amohhe'eés iimír aange. A baraá bohóngw yaangaariír oo bihheérí intlaáxw, oo taa ásltí slaáx ar migiruú yaariír. AAKOÓ MUNGÚ gun hiinsluwósí ufaahh kuduú adór asltá wa óh as nguwa da/i.

DANIELI 2:45

Tlaa/a ana aán ar naa kilós tsatit gawaá tloomár wa alé, ar hee aa kwatitiiká. Muqslír aáng gana suwaawá', nee muqslír sirdaa/aate nee tleeiro nee muqslidár peesaaro nee sahaábuwo. Gawaá adoorihe Munguúdá' úr kaangwí ngwa dirógí xu'utís, waawutámo, a kángw tlehharuút aluúwaá ale. Tlataaká' awa ló', nee gár i kaahiya' ar ló' sleeme.»

FAARO 23:19

Mungú lama ga adór heéwaá tsatiiká, laqaá i adór heéwaá gwadiidinká. Xáy al'axweesani ga oói gadaádá' gari boo/eesiiká? Gaa ga oói gadaádá' gari tleehhiiká?

Matayo 24:35

Doori nee yaamu i waaraahhiyá', ala axweesante'eé' i baloó waarahhká.»

Matayo 25:34

«Waawutmo mukduú bartá dákw doó /iyáy guri bay, ‹Qwalaasé', kuungaásingá' Baabuúeé' aa tsuúq. Waawuti'iimadá' iimír tlehhmuú yaamuwo taa amohhe'eés as kuungá' aalaak.

Matayo 25:41

«Aluuwo mukdá' bartá dákw doó basáy i dirií' guri bay, ‹Quutlé' dir'eene, kuungaásingá' taa lu'ús, tlawsé' baraá asltá baloó gwaa'aaká, tidá' taa amohhe'eés as Neetlaangw nee malaykeerós.

Marko 10:40

Ala kángw kuungá' tawa iwita' heeqá' dakw'eé' oo doó /iyáy, kuqá' dakw'eé' oo doó basáy, kangwsíng a kwe'eeneeká. Heé kangwsíng a Mungú. Mungú kiteeriidá' gi haniis dír mukdá' ngisa amohhe'eés.»

1 Korinto 2:9

Sagalooarí an tidá' Gooi iwa kat, «Gadá' taa baloó ariiká nee iltá hee, nee ar taa baloó axaasiiká nee iiár hee, nee slám ar hee aa baloó xuiiká baraá muunaáwose, gaarí an tidá' Mungú aa amohhe'eés as mukdá' inós gu slaá'.»

2 korinto 13:1

Daxta gaarí a sagaáwa tám niwa amorhúng i hardah. Gooi i kat, «Ar afér lamabu'uusér tsár laqaá tám umuúqo sakwasleemaro ka tsaat.»

Geehhoeemaá 9:15

Malaykeerí kana amohhe'eés as qoomaadá' nee baalaadá' nee slahhangwdá' nee kurkudá'. Malaykeerí tsiyáhh kari gweér as daqtá wák ar muu ngiwa tsu/ baraá daqoorayduú tám oo múk baraaká' yaamuwo.