IIMU/UUNGW 41:30 - Biblía Axweesantá Hhohho' ar Mungú 2004

³⁰ Naagáy kureeraá faanqw awa qwari ni aluudá' dahhiyá', axmuudá' iri gunqaaruut baraá yaamaá Misriro, qwarkwí yaamu gay narkúy.

IIMU/UUNGW 41:30 Iomraidhean Croise

IIMU/UUNGW 41:21

Ala hikwaadá' wahhaará' kiwa hhe'eés /aymaaro, heé gaa tsaahh i kaahh, adór kudá' wahhaará' ngira /ayiyé', asma gár aa warqeer i káhh, aqo adoodár geera ngina koné'. Ala aníng niri adoodí daarkiít.

IIMU/UUNGW 41:27

Hikwaadá' slasla/aren, kangaa/a faanqw naa aluú wa ti'iitiye', nee /ar/aantaadá' faanqw daqeetlakw, gár koomaaká, tidá' ta kahaás nee fur'ár da/aá daahh, gídaabár'ín an kureeraá faanqw awa qwari.

IIMU/UUNGW 41:31

Tam axmuudá' iri xu'utitiiká baraá yaamuwo, as qwarkuú aluudá' wa hardáh, asma i ló' wa /uuruú kón.

IIMU/UUNGW 41:51

Na/oó baris kuwa xwaylúy, guna umií tsaát, guri báy Manase. Asma ina oó', «Mungú slahh'amaayer'eé' sleémeerowo iga gunqartís, nee doó baabuúeé' sleémeerowo.»

IIMU/UUNGW 41:54

Kureeraá faanqw awa qwari niri hardihiyé', ar adoodá' Yosefu ngira geerií oó'. Giyeé niri tleér baraá yaamu sleémeero, ala baraá yaamaá Misriro muruú /ayma i deer.

IIMU/UUNGW 41:56

Giyeé niri tleér baraá yaamu sleémeero. Yosefu kuuntáy sleémeero guri kiís, balaangw guri weermiís dír múk Misri. Yaamaá Misri sleémeero qwari iri tsimamiíhh.

IIMU/UUNGW 47:13

Muruú /ayma i kaahh baraá yaamaá hatlae, giyeé ka ló' wa ur baraá yaamaá Misriro, nee yaamaá Kana'ani, tana slahhaá' qwarko.

2 SAMUELI 24:13

Gadi iri daqáy amór Daudi, kaangwí guri ooár áy, guri báy, «Xáy, gár ta sla' a giyér kureeraá faanqw nin tleéra baraá yaamuuwoge? Laqaá kuúng wakuuseerók an ilagwaagóp slahheeraá tame, iwa kuúng slakaatiya'? Laqaá baraá yaamuuwoge tiqtír tlakw nin ti'ít ar pu/i deelo tám? Kaangwí alqaytsiteek, daqaní ngu mu/aywáts kángw ni ooár aw amór kudá' aníng iga ya/aaw.»

1 WAAWITÁ 17:1

Aarusmooko ta bay Eliya oo Tishbe oo yaamaá Gileadi, waawutmo Ahabu guri báy, «Ar umuú AAKOÓ MUNGÚ, Munguú múk Israeli kudá' slaáf, kudá' aníng ni sagadiyuus, tluwaay i baloó taxaatiiká, laqaá hara' u aandaaká ay dír aníng kaangw gway oo'.»

2 WAAWITÁ 8:1

Elisha aáng /ameenidár Shunemúr hoot, tidá' na/aywós aa waaslee/atís, gana báy, «Tláw kiíng nee múk do'oge, lóh baraá yaamaá hatlá' awa kiíng tawa dahaayo'o, asma AAKOÓ MUNGÚ giyér kureeraá faanqw ngi tlees baraá yaamuukae.»

WARA'AMI 105:16

Mungú giyeé gari tleés ayaaín i alé, muruú /aymar'ín sleémeero guri hhitín.

AXWEESANOÓ SAGALOOA 31:7

Ngi wahiye' as narkuuín nguwa gunqareesiya' As kahhó' slahh'amuuín munguwa inslaslayé'.

ISAYA 65:16

Gawaá adoorihe, umuú heé ti kilós tsuuquúm baraá yaamuwo ti tsuuqi ar umuú Munguú ló'. Nee heé lo'ór /aáy baraá yaamuukae, lo'o ngi /ayi ar umuú Munguú ló'. Asma slahh'amaayér aáng aa qaroó gunqaarút, dír ilaaeene kaa qaroó luú/.»

Luka 4:25

«Ala tí a ló' aáng qoomár Eliyawo kwaeeli ki yaariir baraá yaamaá Israeliwo, qoomaadá' tluwaay iwa qwaár kureeraá tám nee slahheeraá lahhoó', giyér ur ina tleér.

Yakobo 5:17

Eliya a heé adór atén. Inós ina ló'wa firiirín as tluwaay miwa tluúw. Nee tluwaay iri yaamií taxaatiiká har qoomár kureeri tám nee slahheeraá lahhooe.