IIMU/UUNGW 41:24 - Biblía Axweesantá Hhohho' ar Mungú 2004

²⁴ Nee qaytsiít, /ar/aantaadá' daqeetlakw tidá' hhohho' gari /ák. Aníng qwaslaare ngari kaangwí báw, ala hee i kaahh oo gídaabárós ngaa oo'.»

IIMU/UUNGW 41:24 Iomraidhean Croise

IIMU/UUNGW 41:23

Nee kwaáo' /ar/aantár faanqw ar hatlá' niri ti'ít ar niqiqilen, daqeetlakw, ar taa kahaás nee fur'ár da/aá daahh.

IIMU/UUNGW 41:8

Tam matlaatleero looa niwa tleér, muunaáwós i ló'wa gurhaamuut. Muu guna ya/aáw as qwaslaare sleémeero nee mukdá' sageelooén oo baraá yaamaá Misri kiwa ateeti. Mukdá' niwa hardáh, Farao tlataawós giri alki/iít. Ala heé tlataawós waagweeraro gaa aleeslay i kaahh.

TI'INAANGW 8:19

Nee qwaslaare Farao guri beér, «Gaarí ar dákw Mungú.» Ala Farao muunaáwós guri gawdeés, inooín gaa iiárií qaasiiká, adoodá' AAKOÓ MUNGÚ ngira oó'.

ISAYA 8:19

Nee qoomár burna bayé', «Tlawé' gi'i yaahamisuú awaak, nee muruú /ayma'aá mululu'uúm adór tsir/o, asma i qoón muu munguii'ín ngiwa yaahamisiya', nee múk aa qaatl kuwa yaahamiisi as múk slaáf.»

DANIELI 4:7

Naagáy qwaslaare, nee da/aluuse nee xu'utuusér tlata nee xu'utuusér tsatse/uwo kingay huúw. Ngiri tlataaeéni alki/iít. Ala inooín waagweermooro ngiri harslaqatiyé'.