IIMU/UUNGW 41:16 - Biblía Axweesantá Hhohho' ar Mungú 2004

¹⁶ Yosefu iri oó' dír Farao, «Aníng aleesleemu u koomaaká, ala Mungú inósuú kilá' tlataawók ngi waagweer ar adór wayduú huuw.»

IIMU/UUNGW 41:16 Iomraidhean Croise

IIMU/UUNGW 37:14

Guri báy, «Tláw, saayuú hhaeewók leehhang, xáy, ki amohhoóe, nee bee/aangw sleeme ku amohhoóe? Saayuúsíng ngu húp.» Baabuúwós guri ya/aáw iimír baraá xatstá Hebronír wa alé, iri hardáh yaamaá Shekemu.

IIMU/UUNGW 40:8

Kuri báy, «Laarí xweeraawo ana tlatiitimaán, ala heé gídaabárós alki/ituwo ga aleesláw i kaahh.» Yosefu giri báy, «Gadiyér tlata waagweera ar Mungúheéke? Gimsé', tlataahúng kwisingá' alki/iitare'.»

IIMU/UUNGW 41:17

Farao Yosefu guri báy, «Aníng ana tlatiitiím, kwaáo' ana sihhiít afaá yaaér Nili.

IIMU/UUNGW 41:25

Yosefu Farao guri báy, «Tlataawók tsaraawo gár i kaahiya' a wak. Mungú gár i tleehhi deeloorí tseewe, ngaa kuúngí laqán.

IIMU/UUNGW 41:28

Adoorí an adór naa kuúng báw, Farao, Mungú gár deeloorí tseewe i tleehhi, ngaa kuúngí laqán.

2 WAAWITÁ 6:27

Waawutmo gari báy, «AAKOÓ MUNGÚ kiíng alee/iisaro bira harslaqaát, alók aníng alee/isaay dír nguwa slaw a diimá? Dír kitaangwí balaangw kuwa múxi, laqaá bohóngw sabiíbu kuwa tsoo/íti?

DANIELI 2:47

Waawutmo Danieli guri báy, «Ar ló', Munguúhúng ku úr ta munguaá hatlae, nee a baalusmoó waawitá, kángw baraá naaqo gu aleesláy geehhooeesaro, asma kuúng kángw naaqoorí ugwa aleesleér geehhooeesaro.»

DANIELI 4:2

Aníng aga slaá' kaanguú layu nee muruú waa/oo/amo nguwa dirhungí gooiim kudá' Munguú úr naa dir'eéní tleéhh ngiwa dír kuungá' i oo'.

SEKARIA 4:6

Aníng iri báy, «Gaarí an axweesantá AAKOÓ MUNGÚ ar aa oó' dír Serubabeli iwa kaahi, ‹Arba/ati a sleeraaká ar /uuruuwók, laqaá ar aleesleemuuwók kilós, ala an sleér ar /uuruú qeeruueé'.› Anuú AAKOÓ MUNGÚ Aleesleemusmo tí an káh.

FAARO 12:6

Naagáy AAKOÓ MUNGÚ giri báy, «Axweesante'eé' iiárií qaasaak, ‹Barnaxes aarusmo i deer baraá tla/angwhunge, aníng tin dirós i xu'utís ar loohír iigu'utu, nee tari axweesaán ar baraá tlata.

Luka 19:42

iri oó', «Geeraawo masók tam kiíng muruudá' una xú' deelór laarihe oo wayduú huúw diroge. Ala hám daxta kwaa luú/ dír ilaawoge.

Tlehhema'aá ya/Abuuse 3:12

Qoomár Petro adoorí ngiwa ár, mukdá' guri báy, «Aá múk Israeli, tlehhmuuwí mus waa/oo/amiindá'? Asma milá atén mista tawó ilaá i duxuundé', baré kwaáo' a atén heewí una hungu/uusaán ar /uureemoorén, laqaá ar hhooeemaarén.

Tlehhema'aá ya/Abuuse 3:7

Dákw doó /iyáy guri óh, guri sihhitís. Hamtidár kilae tsa/a'aá ya'aawós niri kwa/iyé' nee diqoó ya'aawose.

1 Korinto 15:10

Ala gár aníng nis adoorí dirii' a tsuuqaá Mungú. Slám tsuuqaawós kuká' naa aníngí haniís a tawoorooká. Ala aníng gadiyeé ana ak tleéhh ta kudá' hatlá' sleémeerowo. Ala heé gaa tleehh a aningeeká, ala a tsuuqaá Mungú kudá' dinkwárí diriia' nee aníng.

2 korinto 3:5

Asma atén kiloorén aleesleemuú taa koomaan i kaahh. Gawaá adoorihe atén a ooanaaká gaarí a gadiyér atén taa tleehhaan. Aleesleemuurén dír i dahhi a dír Mungú.

DABE 29:29

«Muruú naaqo oo AAKOÓ MUNGÚ, Munguúrén, ala muruudá' taa geehhooatís a koorén nee na/iirén ay alhhe'eesay wasle, as axweesanoó dabeerí kuwa harmagahhaan.»