IIMU/UUNGW 41:15 - Biblía Axweesantá Hhohho' ar Mungú 2004

¹⁵ Farao iri oó' dír Yosefu, «Aníng ana tlatiitiím, ala heé tlataaeé' waagweeraro gaa aleeslay i kaahh. Aníng kangók ugwa axaás, kuúng bar tlataá hee iga axás, i aleesleér waagweeraro.»

IIMU/UUNGW 41:15 Iomraidhean Croise

IIMU/UUNGW 40:8

Kuri báy, «Laarí xweeraawo ana tlatiitimaán, ala heé gídaabárós alki/ituwo ga aleesláw i kaahh.» Yosefu giri báy, «Gadiyér tlata waagweera ar Mungúheéke? Gimsé', tlataahúng kwisingá' alki/iitare'.»

IIMU/UUNGW 41:8

Tam matlaatleero looa niwa tleér, muunaáwós i ló'wa gurhaamuut. Muu guna ya/aáw as qwaslaare sleémeero nee mukdá' sageelooén oo baraá yaamaá Misri kiwa ateeti. Mukdá' niwa hardáh, Farao tlataawós giri alki/iít. Ala heé tlataawós waagweeraro gaa aleeslay i kaahh.

2 QOM'I 26:5

Inós AAKOÓ MUNGÚ guna leeleehhiít qoomaadá' Sekaria iwa slafi, kudá' inós gwa intsaahhatis Mungú nguwa ilaiwawa/i. Adoodá' AAKOÓ MUNGÚ ngura leeleéhh, an adoodá' ngura aleesleemú i haniís.

WARA'AMI 25:14

AAKOÓ MUNGÚ a mulqumoó mukdá' inós gu ilaiwawaá/, nee inós giri intsaahhatimis dabér alqaduuwose.

DANIELI 2:3

Waawutmo giri báy, «Aga tlatitiím nee án baraá muunaáeene aga da'ayuút nee tlataadá' a milá nee gár i kahiia a tsaahhár wa slaá'.»

DANIELI 4:18

«Gaarí an tlatadá' aníng Nebukadnesa naa tlatitiím. Hám daxta kuúng Belteshasa tlataaká' waagweerang asma mukdá' fuqurángw koóm sleémeero baraá waawuti'iimar'eene nga harslaaqatiyé' waagweeraro, ala kuúng i aleesleér, asma qeeruú munguiidá' hhohho' i baraawók i dirii'.»

DANIELI 4:9

Aá Belteshasa, kuúnguduú qwaslaarmoó úr dír qwasleeriwo. Aníng a xuú' adór qeeruú munguiidá' hhohho' ir baraawók, nee a xuú' adór naaqór ta waagwetká ir káhh. Gaarí an tlataaeé', kuúng dir'eénií waagweerang.

DANIELI 5:12

asma inós i qeeruú ganaá' kón, tlata gi waagweer nee tsaahharo nee xu'utiro. Inós tlata waagweeraro gi aleesláy. Umuú heewí a Danieli. Baabuúwók guna umií tsaát ku bay Belteshasa. Gimáy heewí ateetaak, inós gár gooirí i kat daqaní ngi oo'.»

DANIELI 5:14

Aníng aga axaás adór qeeruú Munguúdá' hhoohhoó' ir baraawók nee adór kuúng sagalooa nee fuquraangw nee inslawoó ganaá' kur koón.

DANIELI 5:16

Ala aníng aga axaás adór kuúng kaangwí gwa/aatisaro kur aleesleér nee slahh'amuuwós nguri ó'. Ala barnaxés gooirí soómaro aga aleesleér nee gár i kat ngiri ó', kuúng tu tlabaá sirda/atén i dahaas nee himtuú sahaábu kunguri dahaas baraá istók. Nee baraá waawuti'iimarihe kuúng tun heé tám wá qaas.»