IIMU/UUNGW 40:11 - Biblía Axweesantá Hhohho' ar Mungú 2004

¹¹ Gawaá dakw'eene isaangír Farao a koóm, aníng mamaá sabiíbu ngiri tsoó/ baraá isaangidá'. Isaangidá' ngiri haniís dír waawutmo Farao.»

IIMU/UUNGW 40:11 Iomraidhean Croise

IIMU/UUNGW 40:1

Alaá kaangwihe qoomaadae mukko tsár i deer. Oo wák a heé úr oo muruú wahángw waawutmoó yaamaá Misri, oo tsár a heé úr oo múk mikaátér waawutmo ga tlehhaahhiít. Kuká' aakooín nguna sadakuusiyé'.

IIMU/UUNGW 40:10

Nee gawaá sabiíbuwo haleemaá tám i dayá'. Nee haleemiidá' tamaawo nina harma/iyé', nay /ayuusiyé', nee /ayoodá' niri adaá mamaá dúx awa naa hamaariye'.

IIMU/UUNGW 40:12

Yosefu iri oó', «Gídaabárós a tí: Haleemaá tám a deelo tám.

IIMU/UUNGW 40:21

Heé úr oo muruú wahángw waawutmo guri ki/ís baraá gadiyeérós i alé, nee inós isaangír Farao gari haniís gawaá dakós i alé.

IIMU/UUNGW 49:11

Daqwaywós gun tseek dír xa'anoó sabiíbu, na/oó daqwaywós gun tseek dír xa'anoó hhoó' oo sabiíbu. Inqwaruuwós gun hhuunts ar ma'aá na/aá sabiíbu, nee tlabaawós gin hhuunts ar difaáír da/aten ar taa tleéhh ar ma'aá sabiíbu.

1 WAAWITÁ 10:5

nee muruú /aymár baraá meésaarós, nee kiteeraá mukdá' urén, nee adór sagadiyuseerós ir gadiyus, nee adór tara tsiitiitín, nee adór ilahhooár da/a/aangw ngir hanmiisi baraá doo AAKOÓ MUNGÚ wa ale, inós iri hasl'amít, iri /araán.

2 QOM'I 9:4

nee muruú /aymadár gawaá meésaaro, nee adoodá' sagadiyuseerós ira iwít, nee mukdá' muruú /aymár huwahuúw ira tsiitín, nee tsitoó mukdá' muruú wahángw huwahuúw, nee ilahhooár da/a ta hanmiisi baraá Doó Munguhe, adoorí sleémeero ngiwa aán, ilá' ngay ba/aba/iyé' ló'wa ale.

NEHEMIA 1:11

Aá Aáko, un fiririím iiarók qaaseek, firór anuú sagadiyusmoowók iiarií qaaseek, nee firór sagadiyuuseerók tidá' qwalalaa/ umuuwók kuwa ilaiwawa/i. Un firiím án iwa iiárií qas, nee anuú sagadiyusmoowók iwa loohírí tlehh as waawutmo iwa gurtlay.» Asma aníng muruú wahángw waawutmo un amohhe'eemamiís.

AXWEESANOÓ SAGALOOA 3:10

áx daqaní kuuntáywók u /umama'aándaáke balaango, hutli'i kari niiqiín difaáiro.

TLAHHOÓ LAÁWI 10:9

«Kuúng nee daaqaywók bar dartá' baraá heémár Mungú, difaái laqaá umuúqo gár oonitimisa ló' ma wahaara', bar adooriheeká a qatlá'. Gaarí an hara'ayár hotaatiim xwaylarhúng sleémeero.