IIMU/UUNGW 4:8 - Biblía Axweesantá Hhohho' ar Mungú 2004

⁸ Kaini hhiyaawós Abeli guri báy, «Góh, a baraá qaymór kawaán.» Tawa baraá qaymór i hardáh, Kaini Abeli guri hara/akuút, guri gaás.

IIMU/UUNGW 4:8 Iomraidhean Croise

IIMU/UUNGW 4:25

Adam nee hareerós tari malé alqaát, inós na/oó garma guri xwayluúr, umuuwós a Seti. Iri ó', «Mungú na/oó hatlá' ngwa haniís kitángw Abeliwo, asma Abeli kuna gaás nee Kaini.»

2 SAMUELI 14:6

Aníng geeraawo daaqay'eé' oo tsár u koóm. Baalarka wake ta baraá xátstí dirii' tina ayé'. As heé gaa har'oh iwa kahhi, oo wák kuqá' guri gaás.

2 SAMUELI 3:27

Abneri niwa kií/ Hebroni, Yoabu guna ar bihhií suruúk dír afkú do' kuwa áy adór kwaáo' axweesantá tar suufi in deer. Nee inós tawa didií sihhiít, Yoabu guruú Abneri guri muút. Abneri iri gwaá', asma Abneri Asaheli, hhiyoó Yoabu, guna gaás.

2 QOM'I 21:4

Qoomár Yehoramu iwa iwiít gawaá kitángw waawuti'iima oo baabuúwós, nee waawuti'iimarós iwa gawduúr, hhaeewós sleémeero gina tsuú/, nee geeraharuusér Israeli bahh'ale.

NEHEMIA 6:2

Sanbalati nee Geshemu muu nguna amor'eé' i ya/aawiyé', ta kaahi, «Qwaláng ti doogaán baraá yaamaá Ono.» Ala inooín nina tsabiné' aníng iwa gár tlaákwí tleehhiya'.

YOBU 11:15

Daqaní kuúng a geeraá mukwí ti'ít alkút i káhh, kuúng daqaní a sihhít ar pihhaay dír geeraá muko.

WARA'AMI 139:19

Mungú, alók múk tlákw masók un qwaarés. Múk tseerdaá ku'umamiís masók ni quutliyá' dir'eene.

WARA'AMI 36:3

Ala inós a lamusmo nee foolusmo, sagalooa nee tlehhma'aá hhohho' gaa máy.

WARA'AMI 55:21

/Aymi'iiwós i tsuiyá' di/tá /awak ba/a. Ala muunaáwose gaa a slaqwara. /Aymi'iiwós i natsaatsaiyá' adór di/i, ala i tlaaqaná' adór siíme.

HOSEA 4:2

A har lo'o nee lameemo tlaqa, nee tsu/uta nee fiiso nee fuqi, nee digeemi fe/it nee tsu/utár muu.

MIKA 7:6

Asma qoomaarihe garma baabuúwós gun waaqaqaa', tam dasi in aayiírós tlaampa'aamís, nee harér garma in aayiír hhawaatuuwós tlaampa'aamís sleeme. Wakuusér hee a múk do'ósú kilá'.

FAARO 35:20

«Tam sleeme hee kuqá' bur ngwa gurúr sií' guri gin/iís, laqaá guri giír, guri geeleéhh ar garka,

Matayo 23:35

Gawaá adoorihe tseerdu sleémeero awa múk hota ganaá', kudá' taa yaamií ku'uús, nu i ki/iyá', iimír tseerér Abeli wa tleemu kudá' hota ganaá', tam ay tseerér Sakariuú Barakia, kudá' taa gasé' tla/ángw kitángw ilahhooa nee Doó Mungú.

Luka 11:51

iimír tseerér Abeli wa tleemu ay tseerér Sekaria sleeme, kudá' taa gaás dír tla/ángw kitángw ilahhooa nee Doó Mungú. Án a kah, tí sleémeero ka gawaá daanduú múk de'emuukí iinuus.

Luka 22:48

Ala Yesu guri báy, «Yúda, Garmoó Hee un sakí/a ar ma'aasa?»

Ebrania 11:4

Abeli Mungú guna haratlintií', ilahhooár ak hhoo' ar gár ta gaasi ta tidár Kainiwo gari amór Mungú i haniís. Mungú ilahhooár Abeli gari ya/án, gari ilaóh. Gawaá adoorihe Mungú Abeli gway lamabu'ún as haratlintaaoorós, adór tar heé ganaá'. Abeli tim aa gwaai ala tam laarí inós i kumiit axweesanto ar haratlintaaoorós.

Ebrania 12:24

Kuungá' ana hardaté' dír Yesu. Inós an harki/isusmoó alqadoodá' /aben. Tam tseereerós tidá' hhoohhooeemiis i ak axwés ta tseereedár Abeliwo.

Yuda 1:11

Mukwí a tsaxwaaín. Asma inooín loohír Kaini kana eehár. Tari /eét baraá dakuúsadár Bala'amu, as tawa bu'utuú slai, inooín tari qwaár baraá dee/aanuú adór kuduú Kora.