IIMU/UUNGW 4:4 - Biblía Axweesantá Hhohho' ar Mungú 2004

⁴ Abeli deelmoó geera oo makaydá' i deaaen guri gaás, wa/amedá' wahhaar gari ilahhooár wa haniís dír AAKOÓ MUNGÚ. Aakoó Mungú kuna qwal/atís nee Abeli nee ilahhooarós tidae.

IIMU/UUNGW 4:4 Iomraidhean Croise

IIMU/UUNGW 15:17

Tam qoomár looa iwa dát, iimi iwa gíp, hutloó quuír wa haáts nina ti'iít, nee tsaa'astá asltá koom ina waaráhh ar baraá tla/eeriidaá fu'unaydá'.

IIMU/UUNGW 4:3

Alaá deelór hhaawaaká Kaini bu'úngw balaangw guna ilahhooár wa huúw amór AAKOÓ MUNGÚ.

1 WAAWITÁ 18:24

Daqaní kuungá' Munguúhúng ku firiindá', nee aníng AAKOÓ MUNGÚ u firiím. Munguúdá' firo ngaa mu/aywaats ar asla, inós an Munguú ló'.» Sleémeero tari oó', «Gár ló' aga ó'.»

1 WAAWITÁ 18:38

AAKOÓ MUNGÚ asla gari gawaá doori wa /aytiís, ilahhooadár da/a gari /ák, migír guri /ák, tlaa/e nee teeriro giri paapa/ás, ma'aydaá baraá maparidá' gay náts sleeme.

1 QOM'I 21:26

Daudi kitángw ilahhooa ngiwa haniisi dír AAKOÓ MUNGÚ gway tleéhh dír afeenidá' i alé. Daudi ilahhooár da/a gari haniís nee ar wayda. Daudi iri firín, AAKOÓ MUNGÚ firoorós gay mu/aywaáts, asla gay /aytiís gawaá doorí wa ale, muruudá' aa ilahhooár wa haniís gway /ák.

2 QOM'I 7:1

Waawutmo Solomon Mungú firooro nguwa hhe'eés, asltá gawaá dooraá daahh nay hardát, ilahhooadá' taa haniís as da/a nee ar muruú taa tsuú/ asla gari /ak, nee xirfuú AAKOÓ MUNGÚ Do'odá' gway hatsiís.

WARA'AMI 20:3

Ilahhooár ganaa' ar muruú ta tsu/i hanmisaak, nee ilahhooarók ar muruú ta tsu/i kari daa/ ngi saqwalaa/i.

TI'INAANGW 13:12

Na/aá daaqaay sleémeero awa baris paraatlaak as AAKOÓ MUNGÚ, nee yaqaambe sleémeero ar baris ar makaá ta de'en.

AXWEESANOÓ SAGALOOA 3:9

AAKOÓ MUNGÚ ilaiwawa/eek ar daqaari'iimarók, ilaiwawa/eek ar bu'úngw geera sleémeero oo baraá qaymoorók daáhh,

DAHARUSMO 4:4

Aníng ana malé qaytsiít gadiyér muu i tlehhiiti ngari ár, nee umuú heé aa geerií kumiiti, muruuwí dír i dahhi a muu tiwa da/tá araa'ari. Tí sleeme a tawór huwisha, nee a adór heé fur'a gaa alta'aain.

TLAHHOÓ LAÁWI 9:24

AAKOÓ MUNGÚ asla ngay huúw, ilahhooár da/a gay /ák nee wahhnadá' gawaá ilahhooárí diriia. Muu sleémeero asla kawa ár tari tseé', tari gur'eérár huuhu'ún.

FAARO 16:15

Mose iri ló'wa buúhh, AAKOÓ MUNGÚ guri báy, «Ilahhooár mukwí ma oohaar. Aníng daqoó hee oo naa ar tláw i kaahh, laqaá heé naa slahh'eés i kaahh.»

FAARO 16:35

Naagáy AAKOÓ MUNGÚ asla ngiri huúw, mukduú tsiire tsár nee mibeeri kooán aa mooyángw da/tá ay, guri hhaamiís.

FAARO 18:12

«Aníng mura' sleémeero kudá' hhohhó' oo múk Israeli naa aníngí haniís adór di/tá hhohho', nee difaáiro nee balángw geera ngu kuúngí haniís.

FAARO 18:17

Ala tsa/eetaá baris awa hikwa, laqaá deeloó baris oo bee/aangw laqaá oo aara mi tu/aar, kuká' ki hhohho'. Tseerer'ín ka tsipipi'ís gawaá kitángw ilahhooa, nee wahhnar'ín ka dá/ as tawa ilahhooár slaahhareeriiwós anuú AAKOÓ MUNGÚ i sla'atamiisá'.

Ebrania 11:4

Abeli Mungú guna haratlintií', ilahhooár ak hhoo' ar gár ta gaasi ta tidár Kainiwo gari amór Mungú i haniís. Mungú ilahhooár Abeli gari ya/án, gari ilaóh. Gawaá adoorihe Mungú Abeli gway lamabu'ún as haratlintaaoorós, adór tar heé ganaá'. Abeli tim aa gwaai ala tam laarí inós i kumiit axweesanto ar haratlintaaoorós.

Ebrania 9:22

Slám hara'aya i kat, mura' sleémeero kun hhoohhooeemiis ar tseere. Ala bar tseere aa ku'utiká, gurtleemu i kaahh.

Geehhoeemaá 13:8

Muu sleémeero oo baraá yaamuú wa hoót makiito'oodá' ka i tumbarara'aat, kudá' umer'ín taa gooiniká baraá kitaábuuduú slafiingw iimír iimu/úngw yaamuwo. Kitaábuuwí oo slafiingw oo Deelmoó bee/i, kudá' taa gaás.

HAR'OHUUSE 6:21

Malaykamoó AAKOÓ MUNGÚ hhartadár gawaá dakós gari looloqoós, fu'unaay nee mikaáte giri kwatiít ar ságw hhara, asla niri ti'ít baraá tlaa/ár wa alé, fu'unaay nee mikaáte giri /ák. Malaykamoó AAKOÓ MUNGÚ iri ilaá wa qwaár.

1 SAMUELI 15:22

Samueli iri oó', «Xáy, AAKOÓ MUNGÚ ilahhooár da/a nee ilahhooár muruú ta tsu/i gan ak ló'wa slái, ta ilaiwa/amér afór AAKOÓ MUNGUHE? Qaytsiít ilaiwa/ame ka hhoo' ta ilahhooár muruú taa tsu/i, nee iialoeesa i waaráhh ta di/tá gwaandaaweero.