IIMU/UUNGW 4:2 - Biblía Axweesantá Hhohho' ar Mungú 2004

² Aluudae iri xwayluúr Abeli, hhiyoó Kaini. Nee Abeli a heé bee/ángw deaaeém, nee Kaini a dooslusmo.

IIMU/UUNGW 4:2 Iomraidhean Croise

IIMU/UUNGW 3:23

Naagáy AAKOÓ Mungú giri duúx baraá asalmooduú Edeniro, as yaamu ngiwa doosli, kudá' hhaper'ín inós kura tleéhh.

IIMU/UUNGW 37:13

Yakobo Yosefu guri báy, «Xáy, hhaeewók naa bee/ángw de'éngw áy'iíke baraá yaamaá Shekemu i alé? Qwaláng, án kuúng u ya/aáw amor'ín i alé.» Yosefu iri oó', «Kahhoo', aníng a deer.»

IIMU/UUNGW 4:1

Adam nee hareerós Hawa tari alqaát, inós iri tsít, Kaini guri xwayluúr, iri ó', «Na/oó garma ugwa sláw ar alee/isoó AAKOÓ MUNGÚ.»

IIMU/UUNGW 4:3

Alaá deelór hhaawaaká Kaini bu'úngw balaangw guna ilahhooár wa huúw amór AAKOÓ MUNGÚ.

IIMU/UUNGW 47:3

Farao giri yaahaás, giri báy, «Gadiyér ta koonda' a milá?» Farao kuri báy, «Atén sagadiyuuseerók a de'eemuuse, nee baabuúrene.»

IIMU/UUNGW 9:20

Noa ina doósl. Inós a heé geera oo xaa'aá sabiíbu gaa dahaas.

WARA'AMI 127:3

Ga/aaweek, na/ii an aalír AAKOÓ MUNGÚ naa haniís, xwayla an tsuuqaawós.

TI'INAANGW 3:1

Looarka wake Mose iwa daqtá bee/ángw de'en oo Yetro, taatoó hareerós, kaahamusmoó Midiani, daqtí gana de'éngw áy gayuú darma bihhaá /uwa, iri hardáh ay Horebu tloomár Mungú.

AMOS 7:15

Ala AAKOÓ MUNGÚ aníng ina leéhh baraá gadiyér'eé' tí ar de'eengw, iri báy, ‹Tláw aaririím dír muk'eé' oo Israeli.›

Luka 11:50

as tseerér aaruusedá' sleémeero ar aa ku'ut iimír iimu/úngw yaamuwo, kawa iinuusi dír múk qartí,

Luka 11:51

iimír tseerér Abeli wa tleemu ay tseerér Sekaria sleeme, kudá' taa gaás dír tla/ángw kitángw ilahhooa nee Doó Mungú. Án a kah, tí sleémeero ka gawaá daanduú múk de'emuukí iinuus.

Yohana 8:44

Kuungá' amór ta dahha' a amór baabuúhúng, Neetlaangw, nee ilatleerír baabuúhúng an tidá' ta sla'a' tlehhmuuwo. Inós a tsu/utusmo iimír iimu/uungo, tam aa sihhiitiiká baraá looeemá i alé, asma looeema baraawose i kahhiyá'. Bir lamtá axwees, a tós kilós gan axwees, asma inós a lamusmo nee a baabuú lama.

1 Yohana 3:10

Gawaá adoorihe na/aá Mungú ki geehhoo', tam na/aá Neetlaangw sleeme. Asma heé tlakweemaá tlehhaahhiít kwa laqwaaliiká nee Mungú, tam kudá' hhiyaawós ahhiít sleeme.

1 Yohana 3:12

Atén mawa adór Kaini tleehhitaán. Inós bartá kudá' tlaákw gana áy, hhiyaawós guri gaás. Kaini hhiyaawós gár ngusa gaás a milá? Gár ngusa gaás a tlehhemi'iiwós kin tlakw, ala awa hhiyaawós in ganaaiyá'.

1 Yohana 3:15

Umuúqo heé hhiyaawós gwa aahh, an kudá' múk tsu/a/iím. Nee kuungá' a xuá' adór heé múk tsu/a/iím slafíngw alhhe'eesay wásl ngur konká baraawose.