IIMU/UUNGW 4:14 - Biblía Axweesantá Hhohho' ar Mungú 2004

¹⁴ Ga/aaweek, laarí iga gús baraá yaamukae, slám iga gús amór saáwí alé dír geeraawoge. Aníng a heé tawó hi'imaamiít, oo doó koomaaká baraakaá yaamuwo, slám umuúqo heé i ara aqo in gaas.»

IIMU/UUNGW 4:14 Iomraidhean Croise

IIMU/UUNGW 3:24

AAKOÓ Mungú hee guri guús baraá asalmoodae, keruúbi gari qaás bihhaá da/aáw awa asalmoó Edeni. Paángár asla ar war'eeliim amorqá' nee amqae gari qaás, asma loohidá' amór xa'anoó slafíngw kaw kawa xun.

IIMU/UUNGW 4:13

Kaini AAKOÓ MUNGÚ guri báy, «Slahh'amuueé' ku ló'wa úr, tam sa qitluuwo u aleeslawaaká.

2 SAMUELI 14:7

Hám daxta, múk doorén sleémeero aníng iga sakií/, anír sagadiyuuso'oorók. Gár ta slai a garmaadá' aa tsu/uut. Un dir'íní laqaám kuwa gaasi, as hhiyawós nguwa gaás. Hamí, kuú alutmo kun gaasaárí axwees. Adoorí barka tleéhh daqaní oo ni harahhiif i kaahh, oo dir'eé' meét. Nee daqaní doó hhawaatu'eé' aa qwaár baraá yaamuwo.»

WARA'AMI 109:10

Na/iiwós i haleleeitiye' nee i pasltár hi'iimitiye', ki gusiisin baraá taangwaá maray'ín wa ale!

WARA'AMI 109:12

Heé gu gurtláw masók i kaahh, laqaá tam oo na/iiwós kudá' panaay gi amohhe'eemiís i qwaari.

WARA'AMI 143:7

Áx AAKOÓ MUNGÚ, gaansluutáng, án mu/aywatsáng, aga mune sií'. Aníng mi alaá xu'usar, mawa /eét adór kudá' /e/etimá' baraá gi'ií ale.

AXWEESANOÓ SAGALOOA 14:32

Múk tlákw kun qwaarees ar tlehhmi'ii'ín kudá' tlakw. Ala heé hota ganaá' dír amohhoo' ga kón baraá gwa'ararose.

AXWEESANOÓ SAGALOOA 28:1

Múk tlákw tan tawo goow tam heé gi gusisiím i kahhi, Ala múk hota ganaá' ta diiqiiká adór direeri.

ISAYA 8:22

ga/aawaak, tam yaamu kiri xuuxuu', ala gár ta ari aqo slahh'amu, nee giwti nee ma/amír aa qipit, inooín kiri tliwii/ baraá ma/amír hhamhhám.

YEREMIA 52:3

AAKOÓ MUNGÚ múk Yerusalemu nee oo Yudawo guna ló'wa i buúhh giri amór saáw i guús. Sedekia kuwa sawaawuti'in nee waawutmoó Babuloni gana sií'.

HOSEA 13:3

Gawaá adoorihe inooín tan ilaá wa qwaar adór tlaanguú matlaatle, nee adór har'ú gaanslár paáhh, nee adór muundoó fur'a ir tlatleer dír kitángw haritleemisuwo, nee adór quuír pa/ángw ar ti'imiit.

TLAHHOÓ LAÁWI 26:17

Aníng nun harasihhiít, nee wakuuserhúng nuri múx, tunduri sawaawuti'ín nee kudá' naa aahhiye', tundun dae tlaaq, nee tari ti'i'iindá' tam handá' heé naa guus i kahhi.

TLAHHOÓ LAÁWI 26:36

«Nee mukhúng bahh'ale oo aa meet un daeérí tleés gur'er'íne ma'aay ngay dalaa/iyá', baraá yaamaá wakuuser'ine, tam afór loo/ír fur'a ir tlatleer bar kaa axaás, gin tlatlahhás. Gin tlatlahhás adór múk aa slaqwarár wa goow. Nin gogowiyá' nay huhu'uná', tam heé gi gusisiím i kahhi.

FAARO 35:19

Heé guruú doó kudá' taa gaás an heé li/aay gu buú' oo heedaádá' kunday ra/aát nguwa gaasi, bar ta sadoogiye' nee kwí a qo gun gaas.

FAARO 35:21

laqaá guna tuú' ar kundaay iri gwaá', naagáy heewí hee gwaa tuu' ar kundaay iri gwaá' a tsu/utusmo, nee gár kuwa hariím aqo kun gaas. Heé guruú doó kudá' taa gaás an heé li/aay gu buú' bir taa sa doogiyé'.

FAARO 35:27

nee barnaxes heedaáduú guruú do'dá' taa hee gaás, kooaáng kundayra/aát ngwa sláy tsee/aá gixsadár guway wa ale, aqo gun gaas, daqaní heedaadá' i dakuúsár konká.

Matayo 25:41

«Aluuwo mukdá' bartá dákw doó basáy i dirií' guri bay, ‹Quutlé' dir'eene, kuungaásingá' taa lu'ús, tlawsé' baraá asltá baloó gwaa'aaká, tidá' taa amohhe'eés as Neetlaangw nee malaykeerós.

Matayo 25:46

Nee kukaáká' niri tlayá', niri dahamaá ayá' baraá sakwasleemár alhhe'eesay wasl. Ala mukdá' hota ganaá' tan dahamaá áy baraá slafíngw alhhe'eesay wásl.»

DABE 28:64

«AAKOÓ MUNGÚ kuúng un diyaa/ baraá tla/ángw xoordu sleémeero iimír bihhaá wák awa yaamu ay bihhaá hatlá'. Amoodae munguaá hatlá' awa xaai nee tlaa/e kiri sagadiyús, awa kuúng ta xu'uká, laqaá baabi'iiwók.

DABE 28:65

Kuúng amohhooa tam ar niiná a sleeraaká baraá xoorduuda' uy huwi, laqaá tam hungu/uma. Ala AAKOÓ MUNGÚ hhaslo nee amoqwaqwadíngw mune ngun huuw, nee un ila' maa/úy.

2 Tesalonike 1:9

Sakwasleemar'ín a kin qwaarees ay alhhe'eesay wasle, kiri paraatl dír gitsee/aá Aakoowo nee dír xirfuú aleesleemuuwós.