IIMU/UUNGW 39:2 - Biblía Axweesantá Hhohho' ar Mungú 2004

² Ala AAKOÓ MUNGÚ a dinkwa nee Yosefu, nee guri harmagagaáhh, tam Yosefu aa waasla'amuutiiká. Yosefu ina hoót baraá doó aakoowós Potifa, kuduú Misri.

IIMU/UUNGW 39:2 Iomraidhean Croise

IIMU/UUNGW 21:20

Mungú nee na/aay ta dinkwa, na/aay iri uráy, iri baraá xaanxáy wa hoót, tari slakaatusmo.

IIMU/UUNGW 21:22

Qoomaadae Abimeleki nee Fikoli, heedaádá' úr oo slaqwaruuseerós gaa geerahaar, Abrahamu guna báy, «Mungú nee kuúng a dinkwa baraá umuúqo gár ta tlehha.

IIMU/UUNGW 26:24

Xweeradaá kilae AAKOÓ MUNGÚ guri i ti'iít, guri báy, «Aníng an AAKOÓ Munguú baabuúwók Abrahamu. Ma da'ayumiitaar, asma aníng nee kuúng a dinkwa. Án kuúng u tsuúq, nee xwaylarók ngiri tlahhás as sagadiyusmooeé' Abrahamu.»

IIMU/UUNGW 26:28

Inooín nguri mu/aywatsiyé', «Aga araán ar geehhoeema adór AAKOÓ MUNGÚ nee kuúng tar dinkwa. Gawaá adoorihe ana araán i hariín lo'o ngiwa al/ayaan nee kuúng, nee al'axweesani ngiwa tleehhaan,

IIMU/UUNGW 28:15

Aníng nee kuúng a dinkwa. Án kuúng u de'eém amór taqo keera, nee uri ki/ís baraá yaamuká'. U geexawaaká ay dír al'axweesantadá' naa oó' ngay boo/ees.»

IIMU/UUNGW 39:23

Heedaádá' úr oo doó tsegma umuúqo gár baraá dabaá Yosefu i diriia ga alqaytsimiitiiká, asma AAKOÓ MUNGÚ nee Yosefu a dinkwa, nee AAKOÓ MUNGÚ umuúqo gár Yosefu aa tleéhh gana tsuúq.

IIMU/UUNGW 39:3

Potifa gari tsaáhh adór AAKOÓ MUNGÚ tar dinkwa nee Yosefu, nee adór gadiyér dabaawós sleémeero ngira tsuúq.

2 WAAWITÁ 18:7

Naagáy AAKOÓ MUNGÚ a dinkwa nee inós, guri aleesleemú i haniís baraá umuú gár aqo tleehhi. Inós kuwa sawaawuti'in nee waawutmoó Ashuru gana sií', nee nguwa sagadiyuusi.

1 QOM'I 9:20

Finehasi garmoó Eleasari aáng a geeraharusmooín. AAKOÓ MUNGÚ nee inós a dinkwa.

2 QOM'I 1:1

Solomon garmoó waawutmo Daudi waawuti'iimarós gana gawdeés. AAKOÓ MUNGÚ Munguúwós i dinkwa nee inós, inós kuri iiatleereés nee Mungú.

WARA'AMI 1:3

Inós tari adór xa'anoó taa haátl afaá tsiinqaá ma'aay, kudá' mamaá laqwaliím qoomár hariimarose, tam loo/orós i /otská. Heewí umuúqo gár i tleehhi i ya/aán.

WARA'AMI 46:11

AAKOÓ MUNGÚ Aleesleemusmo a dinkwa nee atén, Munguú Yakobo an dír guwayrén.

WARA'AMI 46:7

AAKOÓ MUNGÚ Aleesleemusmo an dinkwa nee atén. Munguú Yakobo a dír guwayrén.

WARA'AMI 91:15

Aníng bira ateét, u iiárií qaás, aníng a dinkwa nee inós baraá slahh'amaayeero, un ba/amís ngway xirfayeés.

ISAYA 41:10

Ma da'ayumitaar, asma aníng nee kuúng a dinkwa, ma amoqwaqwadimaar, asma aníng a Munguúwók. Aníng kuúng u /uurií doóg, aníng kuúng u ale/iís. Aníng kuúng u óh ar dakw'eé' oo doó /iyáy kudá' arba/tír koóm.

ISAYA 43:2

Qoomár kuungá' bar warahhá' ar baraá ma'aá yaariir, aníng nee kuungá' a dinkwa. Yau kuungá' nu hayohiaaká. Qoomár kuungá' bar baraá ásltár warhhá' tam tsángw asla kuungá' nu sloohhiiká.

YEREMIA 15:20

Dír mukwihe, aníng kuúng un koo/ír gawit tleéhh ar taa tleéhh ar muqslír sirdaa/aat. Inooín kuúng un mak i slaqwarárí ayá', ala u baaliaaká. Asma aníng nee kuúng a dinkwa as uwa /iis nee uwa ba/amis. Anuú AAKOÓ MUNGÚ tí ngina oó'.

Matayo 1:23

«Ga/aaweek, /amaatliito'o i tsít, na/oó garma gu xwayluúr, umuuwós kuri bay Imanueli.» gídaabárós, «Mungú i dinkwa nee atén.»

Tlehhema'aá ya/Abuuse 8:31

Heedaádá' iri oó', «Aníng adór ngir tsaahh a adoomá, heé i geeraharahaár bir kaahh.» Filipo kuri firín iwa tsa/an gawaá gaáridá' nee iri dír bihhiwósí iwiít.

1 Timoteo 6:1

Mukdá' sleémeero oo lawaale ngi xuiye' adór daqaarer'ín tar múk hariím ilaiwa/ameero, as umuú Mungú mukuwa /oosliislín, nee intsaahhasarén sleeme.

YOSHUA 1:5

Hee tumu wák i kaahh oo kuúng u tlampa'aás baraá deelór hotaawók sleémeero. Aníng nee kuúng a dinkwa, adoodá' aníng nee Mose tara dinku'uusaán daqisleém, kuúng gár uwa /aaruw i káhh, nee u geexawaaká.

YOSHUA 1:9

Inslawiím adór aníng kuúng ura báw, gimáy piíhh nee ilakaahareés ló' wa ale. Ma da'ayumiitaar laqaá ma amoqwaqwadimaar, asma anuú AAKOÓ MUNGÚ Munguúwók a dinkwa nee kuúng amór taqo keera.»

YOSHUA 6:27

Naagáy AAKOÓ MUNGÚ a dinkwa nee Yoshua baraá umuúqo gaaro ar aa tleehhi, nee xirfuú Yoshua sleeme kuri axaás nee muu sleémeero.

1 SAMUELI 16:18

Heé wák baraá tla/ángw mukduú sagadiyuuseerose iri oó', «Án garmaako wák oo doó Yese ugwa ár, oo gixsár Betilehemu. Inós daa'aangw gu xuu' slahhto ar gidaandoori. Garmaawí a pihhusmo, nee a migusmoó slaqwara, axweesanoó sagalooa an gaarós, a heé hhoohhoó', AAKOÓ MUNGÚ nee inós a dinkwa.»

1 SAMUELI 18:14

Daudi gadiyeduuwós awa aa tlehhiít nina qomqaaqoné', as AAKOÓ MUNGÚ tawa dinkwa nee inós.

1 SAMUELI 18:28

Saulo ngiwa ár gari tsaáhh, adór Daudi nee AAKOÓ MUNGÚ tar dinkwa, nee adór dasiirós Mikali Daudi ngur sla'.

1 SAMUELI 3:19

Samueli iri uráy, AAKOÓ MUNGÚ nee inós a dinkwa, tam /aymuú wák oo Mungú gwa paahhasiiká.