IIMU/UUNGW 38:24 - Biblía Axweesantá Hhohho' ar Mungú 2004

²⁴ Alaá slahheeraá tám niwa waarahhiyé', Yuda kaangw gway axaás tawa kaahi, «Harér garmaawók Tamari aa fuqús, nee tsiihaay gwaa sleér.» Yuda iri oó', «Tsee/áy duuxaak, da/aak.»

IIMU/UUNGW 38:24 Iomraidhean Croise

IIMU/UUNGW 20:3

Ala Mungú Abimeleki guri i daqáy ar baraá tlata, guri báy, «Kuúng a tuua, asma /ameenisíng taa hayót a harér hee.»

IIMU/UUNGW 20:7

Ala daxta, /ameenisíng ki/iseek, asma Abrahamu a aarusmo, inós kuúng u aleefirín hota kiwa sleer. Ala kuúng barnaxes aga ki/iská, xueek, ar looeemaá kilae kuúng a gwá' nee mukók sleémeero.»

IIMU/UUNGW 20:9

Aluuwo Abimeleki Abrahamu guri ateét guri báy, «Gaarí naa atén i tléhh a milá, án kuúng gár uwa sadakuús a milá, ar kuúng tlakweemaaká' ur ngiwa daanduueéní qás, nee waawuti'iimar'eé'. Tlehhma'aá naa daanduueéní tléhh, i aníng wa harina'aaká.»

IIMU/UUNGW 34:31

Inooín tari oó', «An gár hhoo' xáy, hho'oorén ngiwa adór tsaatuso'o tleéhh?»

IIMU/UUNGW 38:23

Yuda iri oó', «Maweek xosluusíng ngi koon, atén mitiwa mureekeemiís nee muu. Ga/aaweek, án kuúng una ya/aáw, kawa dareemírií hup, ala inós aga didií eeriiká.»

2 SAMUELI 12:5

Daudi kaangwí nguwa axaás, ina daa/atúy buhhtaawo as daqaramoodá'. Iri oo dír aarusmo Natani, «Aníng lo'o a /aáy dír AAKOÓ MUNGUÚDÁ' daadawa, heé adoosíng gaa tleehh, gár kuwa hariím a gaasa.

2 SAMUELI 12:7

Natani Daudi guri báy, «Heé tlehhmuuwí an kuúng! Hám daxta AAKOÓ MUNGÚ, Munguú múk Israeli i kaahi, ‹Aníng kuúng una iimbalaáx ar di/i as tawa waawutmo, uri tuú/ gawaá dabaá Saulowo.

DAHARUSMO 7:26

Gár wák ar slahh'eemiis gwa'ara ba/a ana tsaáhh, a /ameenír ilaá muu gi uuruxuum. Inós a adór tsaxweeli nee baraatsufaay, dabaawós a adór minyoroóro. Heé Mungú gu sla'atimís /ameenirí arba/to ga aleesláy, ala heé tlakusmo /ameenirí gun naga'ás.

YEREMIA 2:20

Iimír aáng kuúng taqwantók aga geeqeér nee piíngu kuri kwáhh amór saaw, tari ó', «Aníng kuúng u sagadiyuusaaká.» Gawaá tlom'aá tlede nee umuú gamuú xa'anoó loo/o naa/e munguaá hatlá' ina ii xupaapú' adór tsaatuso'o.

YEREMIA 3:1

Barnaxes hee hareerós gaa talaákárií haniís, inós guri geexeér, hhawaatuú hatlá' gari duúx, iqo kí/a dír heedaaduú geera? Yaamu kiqo ló'wa meetagaasiikáhe nee tlehhmuusíng? Kuungá' tsaatu'uumár yaariir aga tlehhé' nee mulqér yaariir, hám daxta niqo tsuwá amor'eénií ki/á'a?

YEREMIA 3:6

Qoomár waawuti'iimár waawutmo Yosia AAKOÓ MUNGÚ aníng ina báy, «Xáy aga aándi adoodá' múk Israeli kudá' inkihhimu wásl aa tleéhh? Ina geexayé' niri tsa/ané' gawaá umuúqo ságw tloomaro nee umuúqo dír gamuú xa'anoó loo/o naa/e as tsaatu'uuma ngiwa tleehhiya'.

YEREMIA 3:8

Múk Yuda fuqtá múk Israeli kudá' inkihhimu wásl gana ga/aa/áy, inooínaadá' aníng naa sií'. Ala hhaeekaá lamuuse awa Yuda naa da'ayuti'iiká, nina tlayé' niri fuqtá ayé'.

ESEKIELI 16:15

«Ala hhohhoaarirók tisíng ana harahhíf, as tiwa hhoohhoó' tsaatu'uumár eér, nee sli'ima kari tléhh nee umuúqo heé waaraahha.

ESEKIELI 16:25

Dír umuúqo iimu/úngw loohír ure wa/aamér munguaá hatlá' kiwa ilahhooár wa hanmiisi ana tléhh, hhohhoaarirók kari ar fuqús dír umuú heé waaraahha, tari búhh fuqto.

ESEKIELI 16:26

Slám ana fuqús nee múk inslaawaywók oo Misri, kudá' naa hatsiye' ilatleeriro, tari ak naagís sli'imaaro, buhhtaaeé' kiri dúk.

ESEKIELI 16:28

«Ala kiíng aga hhe'esiká, tari sli'imár eér amór múk Ashuru. Tam sli'imaasíng sleeme iga tafki/iská.

ESEKIELI 16:41

Maraywók kin daa/ ar asla, nee /ameenár yaariir sakwasleemarók gari aán. Tari tafkí/ fuqi eeharahaduuwo nee muu kuwa tlaxuun.

ESEKIELI 23:19

Tam adoorihe ina ak búhh fuqto adoodár kilá' tawa /amaatliito'o ira fuqús baraá yaamaá Misrír wa alé.

ESEKIELI 23:44

Umuú heewo gana i daqáy adór hhawaataá doó /ameenír sli'imuso'ór kakawá'. Adoorí an adoodá' taa tleéhh dír Ohola nee Oholiba, /ameenadár tsaatuuse.

ESEKIELI 23:5

Ala tam Oholiba a harer'eene, inós ina kumít fuqto, nee sla'aaruuseerós tidár yaamá Ashuru gana ilatleerús.

HOSEA 2:5

Asma aayor'ín tsaatu'uuma gaa tléhh, tidá' inooín gaa tsit, muruú alsi'ím guna tléhh, asma ina ó', «Aníng nee mulqer'eé' an alhi'iimitaán, kudá' i muruú /aymár i slaslaawá' nee ma'aay, nee tsitaay nee di/i nee xuftaro.»

HOSEA 3:3

Aníng ngiri báw, «Dir'eé' wa hootang deelór yaariire, fuqi maweek nee hhawaatuú hatlá' mu geemawaar, aníng a kók.»

HOSEA 4:15

Tam kuungaá Israeli a fuquuseero, ala múk Yuda tlakweema mingiwa tleéhh. Kuungá' ma tlawaara' ay Gilgali, tam ma tsa/amaara' ay Bet-afeni, sleeme umuú Aako mu lo'órár huwahuwaara' tawa kata', «Ar adoodá' AAKOÓ MUNGÚ ir hotaatin.»

TLAHHOÓ LAÁWI 20:10

«Hhawaata nee harér inslaawmoowós barta fuquús, gár tsaraawo kiwa hariím a tsu/uta.

TLAHHOÓ LAÁWI 21:9

Dasír kaahamusmoó Mungú bira tsaatuso'o tleehhít, gár kawa hariím a kan daa/ baraá asla, asma baabuúwós gwaa slasla/arés.

Rumi 14:22

Kuúng a haratlintaaór koón daanduú muruuwihe, haratlintaaoorók tisíng kilók koomeek dír geeraá Munguhe. Heé amohhoó' a kudá' ti kilós sakwasleemuutaaká baraá muunaáwose baraá muruudá' tleehhamooro aa tsawaari.

DABE 24:16

Xwaylité makawa tsuú/ as daanduú tlakweemaá na/ii'ín, laqaá na/ii mikiwa tsuú/ as daanduú tlakweemaá xwaylitér'ín. Umuú hee aqo kun gaas as dakuúsarós kilós.

HAR'OHUUSE 19:2

Aluudae /ameenirí iri kumít baraá fuqtá wa ale, heeduú tlahhoó Laáwi gway geexeér, iri wátl amór doó baabuúwós baraá Betilehemúr Yuda, iri amoodá' wa hót slahheeri tsiyahhe.